Ka li zaˬ˗eu dehꞈ ziˇ
Gʼaˬ kʼehˇ bi pyeuꞈ laˇ˗eu gʼaˇ duˬ, tsaꞈ gaˬ˗eu jeˬ hawˇ˗eu mehˬ˗eu jeˬ aˇ yeˇ huiˬ
Yeˬsuˇ aˬ yawꞈ˗euˬ gʼaˬ kʼehˇ deuˬ˗ahˇ iˇ doe˗awˇ ngaˬ˗euˬ gʼaˬ kʼehˇ pyeuꞈ laˇ ni mˇ˗iˇ˗awˬ lehˇ dawˬ biꞈ˗euˬ meh. (Tehˬ 28:19) Heu naˇ tsaꞈ gaˬ˗eu gaˇ hawˇ˗eu mehˬ˗eu gaˇ˗ahˇ taꞈ leˇ˗eu meh. Aˬ dui tiˬ kʼehˬ maˬ taˬ yawˬ haˇ yawˬ ha heu loꞈ˗ehˇ naˇ haˬ˗eu loˬ meh, ‘Ngaˇ aˬ cawˬ˗ahˇ gʼaˬ kʼehˇ bi pyeuꞈ laˇ ni caw ba nehˬ˗eu gʼaˇ duˬ, heu nyiˬ paw˗ahˇ aˬ joˆ˗ehˇ bi muiˬ daˆ laˇ nya˗eu nga?’
Tsaꞈ gaˬ˗eu
Aˬ cawˬ laˇ gaˇ maˬ dawˬ ni, nui ma keuˆ laꞈ kʼoeˇ ha geuꞈ˗eu hawˇ˗eu nui ma ahˇ˗awˇ naˇ haˬ geuꞈ˗eu deuˬ˗ahˇ aˬ dui poˆ iˇ˗eu ma. (Tehˬ 10:11) Tsaꞈ gaˬ duˬ˗ahˇ jawˇ ngeh kʼaˇ mawˇ˗eu deuˬ˗ahˇ ngehˬ cawˬ˗eu lehˇ aˬ dui leh jeh ma loˇ? (Kʼehˇ 17:17) Pawˇluˆ tsaꞈ gaˬ˗eu gaˇ˗ahˇ leh jeh˗awˇ mˇ˗eu miˇ neh Lu diˇ gʼaˬ kʼehˇ pyeuꞈ laˇ˗euˬ meh.—Kʼehˇ 16:13-15.
“Uˬ shawˬ paw tehꞈ˗ehˇ maˬ sehˬ ni, uˬ ciꞈ paw kʼawꞈ sehˬ˗awˬ.” (Tsoˆ 11:6)
“Yawˬ nah na luꞈ” tsaꞈ gaˬ daˆ leꞈ—Kʼaˇ yehꞈ laˇ ngeh tsaꞈ gaˬ hawˇ˗eu Iˇ kahˇ doe ni lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:
Saˬmeuˬlaˆ yawˬ nah na luꞈ yaw tsaˬ yaw dawˇ˗euˬ siˬ yoeˬ sehˬ˗eu leh jeh˗eu lehˇ, aˬ joˆ˗ehˇ mˇ mawˇ˗euˬ nga?
Aˬ dui aˬ geu jeˬ lehˇ maˬ kaˬ tsaꞈ gaˬ˗eu aˬ jeˬ miˇ neh ya leh jeh˗eu nga?
Nawˇ Miˬyehˇ Miˇkʼahˬ gaˇ kawˆ, yawˬ nah na ya mawˇ˗eu aˬ suˇ suˇ gʼaˬ˗ahˇ tsaꞈ gaˬ nya˗eu nga?
Mehˬ˗eu
Tsawˇ haˬ deuˬ˗ahˇ gʼaˬ kʼehˇ pyeuꞈ laˇ ni mehˬ˗eu gʼaˇ duˬ, aˬ dui aˬ yawꞈ maˬ˗ahˇ sahˬ boꞈ paˇ dmˬ biꞈ˗awˇ neh tehꞈ˗ehˇ maˬ jiˇ˗a. Aˬ yawꞈ maꞈ˗euˬ nui jah paw huiˬ laˇ mahˇ laˇ ni caw ba nehˬ˗eu gʼaˇ duˬ aˬ dui aˬ myah luꞈ ya gʼa kʼoꞈ iˇ˗awˇ Jaˇliꞈ ya dzaw nehˬ˗eu meh. (1Gawˇ 3:6-9) Ehˇ kʼawꞈ aˬ dui tiˬ gʼaˬ na˗ahˇ Miˬyehˇ Miˇkʼahˬ˗euˬ yaw tsaˬ yawˇ dawˇ gaˇ kawˆ leh jeh˗awˇ mehˬ ngeh, noeˬ˗eu loꞈ˗ehˇ maˬ pyeuꞈ laˇ naˇ lawˇ neh? (Tehˬ 13:19-22) Aˬ dui “miˇ tsaˬ miˇ muiˬ” loꞈ˗ehˇ gʼeh˗eu nui ma ahˇ˗eu deuˬ˗ahˇ ya poˆ daˆ leꞈ˗eu meh.—Tehˬ 13:23; Kʼehˇ 13:48.
“Ngaˇ˗aˬ, ka˗eu gʼaˬ pyeuꞈ˗awˇ, Aˬpawˇluˆ˗aˬ, iˇ cuꞈ shehˬ˗eu gʼaˬ pyeuꞈ˗eu meh. Ehˇ kʼawꞈ, aˇ bawˬ mehˇ laˇ ni jahˇ˗eu gʼaˬ˗aˬ, Miˬyehˇ meh.” (1Gawˇ 3:6)
“Yawˬ nah na luꞈ” tsaꞈ gaˬ daˆ leꞈ—Tsawˇ haˬ uiˬ gaˇ hawˇ˗eu Gʼaˬ kʼehˇ bi pyeuꞈ laˇ ni mˇ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:
Sawˇlaˬmoˬ hawˇ˗eu Maˬliˇ Yeˬsaˬgeˬlaˇ hawˇ˗eu Aˬbiˇgeˬlaˆ˗euˬ nui ma˗ahˇ yaw tsaˬ yaw dawˇ˗eu siˬ yoeˬ aˬ joˆ˗ehˇ sehˬ˗eu nga?
Aˬ dui aˬ geu jeˬ lehˇ tsaꞈ gaˬ ngeh maˬ ehˇ, tsawˇ haˬ uiˬ gaˇ tsaꞈ gaˬ ngeh maˬ ehˇ, aˬ jeˬ˗ahˇ aˇ pyaˇ daˬ taˬ paˬ˗ehˇ gʼeh˗eu nga?
Aˬ cawˬ˗ahˇ yaw tsaˬ yaw dawˇ mehˬ˗eu jeˬ˗ahˇ aˇ yeˇ taˬ huiˬ˗eu gʼaˇ duˬ, aˬ dui aˬ joˆ˗ehˇ jahˇ nya˗eu nga?