Ngaˬ˗euˬ mehˬ nah caw teh laˇ˗awˬ—Aˬ dui aˬ jeˬ ya jahˇ˗eu nga?

9:62

Deh ma tsehˬ˗eu deuˬ, dawˇ coe ni tsehˬ nya˗eu gʼaˇ duˬ, naˇ kʼah paw jaˆ˗eu jeˬ˗ahˇ nahˇ gʼoꞈ maˬ ya gʼoꞈ haw˗a. Teu gaˇ duˇ ni, Ka li zaˬ deuˬ miˇ tsaˬ kʼoeˇ taˆ jaˆ˗eu byehˇ dzeh yaꞈ dzeuˇ˗euˬ jeˬ neh, maˬ ya bi gʼeu pyawˇ gʼeh˗a.—Piˆ 3:13.

Aˬ dui shaˬ zahˬ ya puˬ ngeh, tiˬ kʼehˬ maˬ taˬ gaˇ hu Saˇ kiˇ maˬ pyeuꞈ laˇ mi na˗ehˇ, ‘byaw gʼaˬ yaꞈ˗euˬ aˇ nah aˇ yamˬ’˗ahˇ noeˬ mawˇ˗eu kʼawꞈ pyeuꞈ nya meh. Aˬ dui toˆ˗ehˇ gʼeh naˇ, aˬ dui gaˇ hu byawˬ yaꞈ˗euˬ jeˬ˗ahˇ maˬ ngeuˇ gaˇ keuˆ ni noeˬ˗awˇ, gaˇ hu˗euˬ shaˬ zahˬ teu naˇ, yaw kʼaˆ˗ehˇ maˬ huiˬ nga lehˇ noeˬ laˇ nya˗eu meh. Iˬsaˬleˬlaˆ tsawˇ haˬ deuˬ teu loꞈ˗ehˇ, Iˇjiˆtuˆ miˇ kʼahˬ˗ahˇ neh doˆ laˇ gʼaˬ ngeh pyeuꞈ laˇ˗euˬ meh. (Tsahˬ 11:5, 6) Aˬ dui toˆ˗ehˇ tehꞈ˗ehˇ noeˬ naˇ, yaw beh dehꞈ yaꞈ˗euˬ loꞈ˗ehˇ dehꞈ kʼoꞈ iˇ ni lawˬ haw laˇ gaˇ ya daˬ˗eu meh. Ehˇ kʼawꞈ, aˬ dui nymˬ˗mˇ za luꞈ˗eu guiˬ lahˬ hawˇ˗eu, Miˬyehˇ Miˇkʼahˬ uˆ lahˇ le ngeh za˗eu guiˬ lahˬ˗ahˇ noeˬ mawˇ˗eu heu naˇ, muiˬ dui dui˗eu tiˬ jeˬ pyeuꞈ meh.—2Gawˇ 4:16-18.