Muiˬ˗eu Saˬmaˬliˆ tsawˇ haˬ tiˬ gʼaˬ˗euˬ gaˇ kawˆ yaw jeˬ ma jeˬ

10:25-37

Yeˬsuˇ ‘Yawˬ ha dawˬ peh jawˇ˗eu tsawˇ haˬ aˬ suˇ gʼaˬ˗ahˇ ehˇ ta?’ lehˇ ehˇ˗eu naˇ haˬ˗eu jeˬ heu˗ahˇ dawˬ kʼoꞈ biꞈ˗eu gʼaˇ duˬ, yaw jeˬ ma jeˬ heu hmˬ ja nehˬ˗euˬ meh. (Luˇ 10:25-29) Yeˬsuˇ Ka li zaˬ aˇ muˇ laꞈ kʼoeˇ “yawˬ jeˬ na luꞈ˗euˬ tsawˇ haˬ” keuˬ˗awˇ, teu laꞈ kʼoeˇ Saˬmaˬliˆ hawˇ˗eu aˬ cawˬ˗euˬ tsawˇ jeuˬ jiˇ keuˬ meh lehˇ siˬ nya˗eu meh. (Yoˇ 12:32, MS) Yaw jeˬ ma jeˬ heu naˇ, aˬ yawꞈ˗euˬ gʼaˬ kʼehˇ deuˬ˗ahˇ aˬ cawˬ deuˬ aˬ yawꞈ maꞈ nehˬ˗ehˇ beu gaˇ dui dui kʼawꞈ ni, leh jeh˗awˇ nui gaˬ mˇ mawˇ nehˬ paˬ˗ehˇ gʼeh˗eu gaˇ kawˆ mehˬ˗eu meh.

Yawˬ ha˗ahˇ naˇ haˬ:

• ‘Ngaˇ ngaˬ nehˬ˗ehˇ dehꞈ jeˬ dehꞈ kawˆ maˬ duˇ leˇ˗eu deuˬ˗ahˇ aˬ joˆ˗ehˇ noeˬ nya?’

• ‘Ngaˇ ngaˬ nehˬ˗ehˇ yaw myaˬ jeˬ duˇ leˇ˗eu deuˬ nehˬ˗ehˇ tehꞈ˗ehˇ cawˬ cawˬ nya laˬ?’

• ‘Ngaˇ dehꞈ laꞈ˗euˬ jeˬ maˬ duˇ leˇ˗eu Ka li zaˬ mehˇ nmˇ deuˬ˗ahˇ siˬ nya dzehˬ laˇ ni jahˇ˗eu heu neh, nui ma jeˇ lo ni pah nehˬ˗eu za meh laˬ?’ (2Gawˇ 6:13)

Ngaˇ mehˇ nmˇ˗ahˇ kuˇ mawꞈ . . .

• Miˬyehˇ˗euˬ gaˇ mˇ iˇ ngeh

• iˇ kahˇ˗ahˇ hawˬ dzaˬ ngeh

• nyaˆ taꞈ poˆ uˬ ciꞈ paw Nymˇ jiˇ Uˬ duˬ tahˬ ngeh