Miˬyehˇ Ka li zaˬ aˇ muˇ˗ahˇ muiˬ˗eu shawˇ˗eu yaw sahˇ biꞈ

2:1-8, 14, 37, 38, 41-47

Beˬdeˬgoˇdeˬ aˇ nah, A.D. 33 yaw kaˬ˗ahˇ Yeˬluˇsaˬlehˬ meuˬ˗ahˇ jawˇ˗eu Yuˇdaˆ tsawˇ haˬ myaˬ˗eu tiˬ paˆ aˬ cawˬ tsawˇ jeuˬ pyeuꞈ˗eu meh. (Kʼehˇ 2:9-11) Aˬ yawꞈ maꞈ Moˇseˬ˗euˬ zahˇ dawˬ kʼoꞈ dawˬ˗ahˇ mˇ caw kʼawꞈ, aˬ yawꞈ maꞈ˗euˬ tiˬ ziˇ aˬ cawˬ˗euˬ miˇ kʼahˬ˗ahˇ jawˇ˗euˬ meh. (Miˇ 44:1) Teu miˇ neh, tiˬ gʼaˬ na aˬ yawꞈ maꞈ jawˇ˗eu miˇ kʼahˬ˗euˬ dawˬ ngehˬ˗awˇ, Yuˇdaˆ tsawˇ haˬ loꞈ˗ehˇ maˬ duˇ ni, kʼoeˇ gaˇ jawˇ˗eu tsawˇ haˬ loꞈ˗ehˇ duˇ˗eu kʼawꞈ pyeuꞈ nya meh. Aˬ cawˬ˗euˬ miˇ kʼahˬ˗ahˇ neh laˇ˗euˬ 3,000 gʼaˬ iˇ cuꞈ shawˇ ngeh, Ka li za aˇ muˇ laꞈ kʼoeˇ taˆ lehˇ gʼawˬ mya jeˬ jaˆ laˇ˗euˬ meh. Aˬ yawꞈ maꞈ dehꞈ jeˬ dehꞈ kawˆ beu gaˇ kʼawꞈ, nui ma tiˬ siˬ tehꞈ˗ehˇ taꞈ˗awˇ, “aˬ yawꞈ nah yawꞈ uˬ duˬ tahˬ nymˇ nymˇ ma”˗ahˇ iˇ˗eu meh.—Kʼehˇ 2:46.

Nawˇ tsawˇ haˬ heu deuˬ˗ahˇ nui ma ahˇ˗eu lehˇ aˬ joˆ˗ehˇ mˇ mawˇ nya˗eu nga?

• Aˬ dui˗euˬ tsaꞈ gaˬ duˬ˗ahˇ jawˇ˗eu yawˬ kʼahˬ yawˬ˗ahˇ neh laˇ˗euˬ deuˬ

• Aˬ dui˗euˬ aˇ muˇ laꞈ kʼoeˇ jawˇ˗eu yawˬ kʼahˬ yawˬ˗ahˇ neh laˇ˗euˬ mehˇ nmˇ deuˬ