Jaˇliꞈ dzaw zaˬ deuˬ˗ahˇ biˬdiˬoˬ neh mehˬ

Mehˬ ngeh zmˬ˗eu keu ka heu naˇ, dzaw zaˬ deuˬ˗ahˇ nui ma ahˇ laˇ ni caw ba nehˬ˗eu uˬ taꞈ, gaˇ kawˆ deuˬ˗ahˇ gʼoˆ shaw nya˗awˇ noeˬ taˬ nya ni jiˇ caw ba nehˬ˗eu meh. Huiˬ dui dui˗eu saˬ laˬ pyeuꞈ˗eu Yeˬhawˇbaˬ, aˇ yeˇ huiˬ˗eu gaˇ kawˆ deuˬ mehˬ˗eu gʼaˇ duˬ, gʼawˬ mya jeˬ˗ahˇ zmˬ˗euˬ meh. (Beh 15:5; Miˇ 18:1-6) Huiˬ˗eu saˬ laˬ Yeˬsuˇ jiˇ teu loꞈ˗ehˇ jahˇ˗euˬ meh. (Tehˬ 18:2-6; 22:19-21) Maˬ myahˇ laˇ˗euˬ heu kaˬ˗ahˇ biˬdiˬoˬ heu naˇ, mehˬ ngeh zawˇ˗ehˇ gaˇ dahˇ tsoeˬ˗eu keu ka pyeuꞈ nga lehˇ aˬ dui ya mawˇ˗euˬ ma. Nawˇ Jaˇliꞈ dzaw zaˬ˗ahˇ mehˬ ngeh, biˬdiˬoˬ heu deuˬ˗ahˇ gaˇ dahˇ tsoeˬ ni zmˬ luꞈ ma loˇ?

Miˬyehˇ jawˇ gaˇ neh oe˗euˬ Muiˬ˗eu gaˇ kawˆ paˇ dmˬ laꞈ kʼoeˇ˗euˬ gaˇ kawˆ deuˬ˗ahˇ mehˬ˗eu gʼaˇ duˬ, nymˬ˗mˇ biˬdiˬoˬ 10 hmˬ jahˇ doˆ laꞈ taˬ˗euˬ meh. Biˬdiˬoˬ˗euˬ gaˇ kawˆ teu naˇ, paˇ dmˬ teu laꞈ kʼoeˇ sahˬ boꞈ aˇ mawˇ yaw tuˇ tuˇ lehˇ naˇ haˬ taˬ˗euˬ uˬ dzah yaw nyiˇ deuˬ nehˬ˗ehˇ taꞈ˗eu meh. Gʼoeˇsaiˇ jw.org laꞈ kʼoeˇ ahˇ˗eu paˇ dmˬ heu dmˬ naˇ, Jaˇliꞈ dzaw zaˬ˗ahˇ aˬ geu ngeh biˬdiˬoˬ ya pah nehˬ˗eu lehˇ ehˇ nehˬ laꞈ˗eu liˆ˗kuiꞈ (link) ahˇ˗eu meh. Kʼoeˇ uˬ taꞈ, Mehˬ˗eu Keu ka bawˬ keuˆ laꞈ kʼoeˇ, aˬ dui Jaˇliꞈ dzaw zaˬ˗ahˇ paˇ dmˬ nui deuˬ neh mehˬ ngeh jiˇ, pah nehˬ nya˗eu biˬdiˬoˬ nui deuˬ ahˇ˗eu meh.

Nawˇ Jaˇliꞈ dzaw zaˬ deuˬ gʼoˆ shaw˗eu yaw shaˬ gaˇ kawˆ˗ahˇ mehˬ luꞈ ma loˇ? Maˬ ngeuˇ naˇ, nawˬ˗euˬ Jaˇliꞈ dzaw zaˬ lawˬ haw laˇ˗eu gaˇ kawˆ tiˬ jeˬ na˗ahˇ ya tahˬ puˬ luꞈ nga laˬ? Nawˇ Jaˇliꞈ dzaw zaˬ˗ahˇ caw ba˗eu gʼaˇ duˬ, jw.org® gʼoeˇsaiˇ laꞈ kʼoeˇ maˬ ngeuˇ naˇ, JW tiˬbiˬ laꞈ kʼoeˇ ahˇ˗eu biˬdiˬoˬ tiˬ hmˬ na˗ahˇ poˆ haw˗awˬ tawˇ. Gʼeh nya naˇ biˬdiˬoˬ teu Jaˇliꞈ dzaw zaˬ nehˬ˗ehˇ haw˗awˇ teu laꞈ kʼoeˇ˗euˬ gaˇ kawˆ˗ahˇ ja sawˇ.

Ba la yawˬ siˬ na luꞈ biˬdiˬoˬ yaw shuiꞈ doˆ laˇ˗eu meh. Nawˇ biˬdiˬoˬ teu deuˬ˗ahˇ haw ngeh, biˬdiˬoˬ teu deuˬ neh aˬ cawˬ˗ahˇ aˬ joˆ˗ehˇ caw ba nya nga lehˇ shaˇ noeˬ haw.