Noeˬ mawˇ˗eu mehˬ bawˬ˗euˬ gʼaˇ duˬ, nawˇ aˬ joˆ˗ehˇ lehˬ hmˬ le?

Heu kʼoꞈ˗ahˇ neh naˇ, aˬ dui Yeˬsuˇ shiˇ˗euˬ gaˇ Noeˬ mawˇ˗eu mehˬ bawˬ˗euˬ gʼaˇ duˬ, lehˬ hmˬ˗eu aˇ yamˬ gʼawˬ mya ni doˆ laˇ˗eu meh. Noeˬ mawˇ˗eu mehˬ bawˬ jawˇ nah dzeuˇ tiˬ nah˗ahˇ neh ngaˬ nah yaw kaˬ˗ahˇ tsaˬ leˇ naˇ, teu jawˇ˗ahˇ Ka li zaˬ˗euˬ dehꞈ ziˇ hawˇ˗eu tsaꞈ gaˬ˗eu gaˇ mˇ˗eu mehˬ bawˬ maˬ jaˆ˗a. Koꞈ nah jawˇ nah˗ahˇ tsaˬ leˇ naˇ jiˇ, teu jaw˗ahˇ baˬ maꞈ mehˬ shi mehˬ˗eu jeˬ hawˇ˗eu Loꞈ˗eu nymˇgoˇ ja sawˇ˗eu jeˬ jiˇ maˬ jaˆ˗a. Nawˇ aˇ yamˬ heu gaˇ dahˇ tsoeˬ ni zmˬ˗eu za meh loˇ? Dahˬ beh˗euˬ Ka li zaˬ deuˬ aˇ yeˇ huiˬ˗eu aˇ yamˬ heu˗euˬ gʼaˇ duˬ, yaw myaˬ jeˬ lehˬ hmˬ˗eu meh. (Luˇ 22:7-13; km˗SI 3/15 1) Aˬ dui jiˇ ni yawˬ ha˗euˬ nui ma˗ahˇ ya lehˬ hmˬ taˬ˗eu meh. Aˬ joˆ˗ehˇ lehˬ hmˬ nya˗eu nga?

• Mehˬ bawˬ heu˗ahˇ gm leˇ˗eu aˬ jeˬ miˇ neh aˇ yeˇ huiˬ nga lehˇ shaˇ noeˬ shaˇ sawˇ. —1 Gawˇ 11:23-26

• Guiˬ lahˬ shaˇ˗awˇ aˬ dui Yeˬhawˇbaˬ nehˬ˗ehˇ cawˬ cawˬ taꞈ˗eu jeˬ˗ahˇ shaˇ noeˬ shaˇ sawˇ.—1 Gawˇ 11:27-29; 2 Gawˇ 13:5

• Noeˬ mawˇ˗eu mehˬ bawˬ˗ahˇ taꞈ˗eu aˇ maꞈ aˇ muˇ neh jahˇ doˆ laꞈ˗euˬ paˇ dmˬ deuˬ˗ahˇ gui˗awˇ shaˇ noeˬ shaˇ sawˇ.—Yoˇ 3:16; 15:13

Mehˇ nmˇ tiˬ deuˬ na Noeˬ mawˇ˗eu mehˬ bawˬ˗ahˇ taꞈ˗eu Jaˇliꞈ aˇ deuˆ˗ahˇ gui˗awˇ shaˇ noeˬ shaˇ sawˇ˗eu meh. Jaˇliꞈ aˇ deuˆ teu, Yawˬ nah na luꞈ Jaˇliꞈ˗ahˇ pyehˆ tseˇ˗eu lehˇ ehˇ˗eu paˇ dmˬ˗ahˇ ehˇ nehˬ taˬ˗euˬ meh. Tiˬ deuˬ na, Yeˬsuˇ shiˇ ngeh jaw˗ahˇ aˬ jeˬ jeˇ pyeuꞈ laˇ˗euˬ lehˇ dzawˇ nehˬ taˬ˗euˬ aˇ baˇ˗ahˇ pyehˆ tseˇ˗awˇ, tiˬ deuˬ na naˇ Noeˬ mawˇ˗eu mehˬ bawˬ heu, Yeˬhawˇbaˬ hawˇ˗eu Yeˬsuˇ aˬ dui˗ahˇ nui gaˬ aˬ joˆ˗ehˇ mˇ mawˇ˗eu lehˇ ja sawˇ taˬ˗euˬ Loꞈ˗eu nymˇgoˇ˗ahˇ gui poˆ˗eu meh. Nawˇ aˬ jeˬ lehˇ jahˇ kʼawꞈ, Yeˬhawˇbaˬ hawˇ˗eu Yeˬsuˇ nehˬ˗ehˇ gʼoeˇ dzehˬ leˇ˗eu jeˬ bi pyeuꞈ luꞈ˗uˇ.