Tiˬ jawˇ˗iˬ maˬ ngehˇ˗eu muiˬ˗eu gaˇ

Yeˬhawˇbaˬ˗euˬ gaˇ mˇ zaˬ yawˬ gʼaˬ na luꞈ, Yeˬhawˇbaˬ aˬ myah luꞈ noeˬ taˬ˗eu muiˬ˗eu gaˇ mˇ nya meh. Zaˬ neh mˇ˗euˬ muiˬ˗eu gaˇ˗ahˇ aˬ da aˬ ma maˬ ngehˇ˗eu loꞈ˗ehˇ, Yeˬhawˇbaˬ kʼawꞈ ni aˬ dui neh aˬ yawꞈ˗euˬ gaˇ mˇ˗euˬ jeˬ, hawˇ˗eu aˬ yawꞈ˗euˬ tsawˇ myahˇ˗ahˇ gaˬ˗eu lehˇ mˇ doˆ laꞈ˗euˬ jeˬ˗ahˇ maˬ ngehˇ˗a. (Maꞈtehˬ 6:20; Heˬbyehˇ 6:10) Aˬ dui tiˬ gʼaˬ tiˇ gʼaˬ nya˗eu jeˬ hawˇ˗eu deuꞈ ziˇ laꞈ kʼoeˇ ya tahˬ puˬ˗eu jeˬ maˬ duˇ leˇ˗eu nmˇ˗aˬ ngeuˇ meh. Ehˇ kʼawꞈ aˬ dui kʼaˇ gʼeh nya gaˇ neh Yeˬhawˇbaˬ˗euˬ gaˇ mˇ naˇ laˬ kʼaˬ cehˇ nya meh. (Gaˬlaˬtiˆ 6:4; Gawˇlawˇsehˇ 3:23) Dzeuˇ laꞈ˗euˬ yaw myaˬ kʼoꞈ heu kaˬ˗ahˇ, mehˇ nmˇ aˬ buˇ aˬ li gʼawˬ mya gʼaˬ Beˬdeˬlaˇ˗ahˇ mˇ˗eu meh. Nawˇ Beˬdeˬlaˇ˗ahˇ mˇ laˇ mawꞈ miˇ˗a loˇ? Maˬ mˇ laˇ nya naˇ, aˬ cawˬ˗ahˇ gʼaˬ biꞈ˗eu, maˬ ngeuˇ naˇ Beˬdeˬlaˇ nymˇ jiˇ deuˬ˗ahˇ aˇ yeˇ huiˬ˗eu gaˇ heu˗ahˇ mˇ daˆ leꞈ nya ni caw ba nehˬ˗eu za meh loˇ?

Beˬdeˬlaˇ˗ahˇ mˇ iˇ nya ni lehˬ hmˬ taˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Nawˬ˗ahˇ Beˬdeˬlaˇ˗ahˇ mˇ mawꞈ ni laˆ noeˬ nehˬ˗eu, aˬ jeˬ ya bi pyeuꞈ paˬ˗ehˇ gʼeh˗eu nga?

• Tiˬ gʼaˬ na Beˬdeˬlaˇ˗ahˇ mˇ˗euˬ gaˇ neh aˬ jeˬ jeˇ guiˬ lahˬ za˗euˬ nga?

• Beˬdeˬlaˇ˗ahˇ mˇ iˇ mawꞈ˗eu deuˬ, aˬ joˆ˗ehˇ ya gʼeh˗eu nga?

• Nawˇ Beˬdeˬlaˇ˗ahˇ mˇ iˇ mawꞈ naˇ, aˬ joˆ˗ehˇ ya jahˇ˗eu nga?