Yeˬhawˇbaˬ yaw shawˇ shawˇ lehˇ gʼeh˗eu tsawˇ haˬ deuˬ˗ahˇ gaˬ

Aˬ ma aˬ da deuˬ zaˬ˗ahˇ yaw shawˇ shawˇ˗ehˇ jawˇ lehˇ mehˬ˗eu meh. Aˬ yawꞈ maꞈ zaˬ˗ahˇ “Aˬ laꞈ dzuiꞈ, mˇ myawˬ yaw muiˬ˗ehˇ laˆ luiˆ, yaˇ pyawˇ yaˆ” lehˇ lawˬ muˇ ehˇ nehˬ˗eu meh. Maˇ diˇ naˇ yaw muiˬ yaw shawˇ jeˬ˗euˬ zahˇ heu, muiˬ˗eu shawˇ˗eu Miˬyehˇ˗ahˇ neh oe˗euˬ meh. (Doˆ˗iˇ˗eu 30:18-20; Dawˬmehˬmehˬ˗eu 23:14; 2 Gawˇliˬtu 7:1) Aˬ dui mawˇ doˆ hawˇ˗eu mˇ myawˬ deuˬ˗ahˇ shawˇ jehˆ ni bi jaˆ naˇ, Yeˬhawˇbaˬ˗ahˇ yaw zeu baw˗eu jeˬ pyeuꞈ meh. (1 Beˬtuˆluˆ 1:14-16) Iˇ kahˇ hawˇ˗eu gaˇ dahˬ gaˇ dzeˇ tawˇ neh? Gʼawˬ mya gʼaˬ gaˇ ma hawˇ˗eu poˆ kaˬ lehˇ kawˆ˗ahˇ kʼaˇ ngeuˇ˗eu jeˬ bi dzeh kʼawꞈ, Ka li zaˬ deuˬ naˇ miˇ tsaˬ˗ahˇ yaw muiˬ yaw shawˇ shawˇ˗ehˇ bi jaˆ˗eu laꞈ taꞈ leh jeh˗eu meh. (Ja ceuˬ 115:16; Pah mehˬ˗eu 11:18) Gaˇ kawˆ yaw nyiˇ kʼawꞈ, aˬ dui yaw shawˇ jeˬ˗ahˇ aˬ joˆ˗ehˇ noeˬ˗eu lehˇ siˬ laˇ˗eu meh. Yaw jeˬ ma jeˬ, pawˬ coeˇ caꞈ aˇ kʼawꞈ hawˇ˗eu maˇ caꞈ bi dzeh˗eu, iˇ niˬ mehˆ dzeh˗eu. Aˬ dui ‘kʼaˇ mˇ kʼaˇ shaˇ˗eu yawˬ jeˬ na luꞈ, Miˬyehˇ˗euˬ zaˬ kʼaˆ pyeuꞈ˗eu gaˇ kawˆ aˬ cawˬ˗ahˇ bi mawˇ’ mawꞈ˗eu ma.—2 Gawˇliˬtu 6:3, 4.

Miˬyehˇ yaw shawˇ shawˇ lehˇ gʼeh˗eu tsawˇ haˬ deuˬ˗ahˇ gaˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Tiˬ gʼaˬ na maˬ laˆ luiˆ maˬ laˆ buˇ mawꞈ˗eu miˇ neh, aˬ jeˬ˗ahˇ dehˬ lehꞈ˗eu nga?

• Yeˬhawˇbaˬ yaw muiˬ yaw shawˇ jeˬ˗ahˇ aˬ joˆ˗ehˇ haw˗eu lehˇ, Moˇseˬ˗euˬ Zahˇ dawˬ kʼoꞈ dawˬ˗ahˇ haw ngeh, aˬ joˆ˗ehˇ siˬ laˇ˗eu nga?

• Aˬ dui mˇ˗eu shaˇ˗eu jeˬ neh Yeˬhawˇbaˬ˗ahˇ aˬ joˆ˗ehˇ ciˬ huiˬ ciˬ mahˇ nya˗eu nga?