Miˇ tsaˬ “iˇ cuꞈ kʼoeˇ˗ahˇ kʼaˬ meh mˇ nga˗awˇ dawˇ ahˇ jiˇ”

Dzeuˇ yaꞈ ngeh, miˇ kʼahˬ˗euˬ sahˬ paˬ sahˬ ma deuˬ, Yeˬhawˇbaˬ˗euˬ tsawˇ haˬ deuˬ˗ahˇ yaw myaˬ poˆ caw ba˗euˬ meh. (Eˇzaˬlaˬ 6:1-12; Iˇsaˬtaˆ 8:10-13) Nymˬ˗mˇ aˬ dui˗euˬ saˇ ka˗ahˇ jiˇ ni, “miˇ tsaˬ”, “byaˆ yahˬ” neh gʼaˬ biꞈ˗awˇ pyeuꞈ laˇ˗euˬ kʼehˬ˗eu kʼaˆ˗eu ‘iˇ cuꞈ kʼoeˇ˗ahˇ dawˇ ahˇ jiˇ’ gaˇ aˬ dui ya mawˇ˗euˬ ma. “Miˇ tsaˬ” heu naˇ gaˇ kʼahˇ dahˇ˗eu sahˬ paˬ sahˬ ma deuˬ˗ahˇ ehˇ mawꞈ˗awˇ, “byaˆ yahˬ” heu naˇ Nehꞈ Saˬdaˬ˗ahˇ ehˇ mawꞈ˗eu meh. (Pah mehˬ˗eu 12:16) “Aˬ dui˗ahˇ ka kʼoꞈ˗eu Miˬyehˇ” Yeˬhawˇbaˬ, tiˬ poˆ na uˆ lahˇ tsawˇ haˬ deuˬ˗ahˇ laˆ noeˬ˗awˇ, aˬ yawꞈ˗euˬ tsawˇ haˬ deuˬ˗ahˇ bi caw ba˗eu meh.—Ja ceuˬ 68:20; Dawˬdaˬ 21:1.

Nawˇ nui jah baˬ da neh tawˬ˗ahˇ uˇ luꞈ naˇ lawˇ neh? Yeˬhawˇbaˬ nawˬ˗ahˇ haw luꞈ˗eu yaw duˬ baw meh. (Aˇdahˬbeh˗eu 39:21-23; Ja ceuˬ 105:17-20) Nawˬ˗euˬ nui jah laꞈ sawˬ za˗eu yaw duˬ baw˗awˇ, nawˬ neh saˇ jaˇ ziꞈ˗eu jeˬ jiˇ miˇ kʼahˬ doe ni jawˇ˗eu mehˇ nmˇ deuˬ˗ahˇ gʼaˬ bi ahˇ leˇ˗eu yaw duˬ baw meh.—Piˇliˇpiˆ 1:12-14; Pah mehˬ˗eu 2:10.

Koˬliˇ˗yaˬ mehˇ nmˇ deuˬ tawˬ˗ahˇ neh ya oe doˆ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Dzeuˇ yaꞈ ngeh Koˬliˇ˗yaˬ mehˇ nmˇ yaw myaˬ heˇ gʼaˬ, tawˬ˗ahˇ aˬ jeˬ miˇ neh biꞈ nyehꞈ ahˇ˗euˬ nga?

• Saˇ naˇ neh daˇ˗euˬ jeˬ heu, aˬ dui˗euˬ mehˇ nmˇ deuˬ˗ahˇ tawˬ˗ahˇ aˇ yamˬ maˬ uˇ byah mi naˆ˗ehˇ doˆ laˇ nya ni aˬ joˆ˗ehˇ caw ba nehˬ˗euˬ nga?

• Miˇ kʼahˬ doe ni nui jah baˬ da neh tawˬ˗ahˇ bi nyehꞈ uˇ taˬ˗euˬ mehˇ nmˇ deuˬ˗ahˇ, aˬ dui aˬ joˆ˗ehˇ caw ba nya˗eu nga?

• Nymˬ˗mˇ aˬ dui yawˬ ha naꞈ˗i jaˆ˗eu jeˬ˗ahˇ aˬ joˆ˗ehˇ zmˬ nya˗eu nga?

• Saˇ naˇ daˆ leˇ ngeh aˬ dui˗ahˇ ja behˬ nya ni caw ba nehˬ˗euˬ aˬ suˇ gʼaˬ nga?