Miˬyehˇ˗euˬ gaˇ mˇ paw bym laˇ—Laˆ poˆ laˆ paˇ mˇ

Aˬ jeˬ miˇ neh aˇ yeˇ huiˬ˗eu nga? Tseˇ doˆ taˬ˗euˬ deuˬ hawˇ˗eu yawˇ nui deuˬ “dehꞈ˗eu jeˬ biꞈ˗eu iˇ cuꞈ yawˬ ngehꞈ˗ehˇ dawˇ laˇ” lehˇ tsawˇ haˬ yawˬ gʼaˬ na luꞈ˗ahˇ kuˇ luꞈ meh. (Pah mehˬ˗eu 22:17, Yaw Shawˇ Yehˇboꞈ 2018) Dehꞈ˗eu jeˬ biꞈ˗eu iˇ cuꞈ heu naˇ, ehˇ dawˬ naˇ haˬ˗eu tsawˇ haˬ zaˬ˗ahˇ iˬ baˇ hawˇ˗eu shiˇ˗eu jeˬ˗ahˇ neh bi buˬ˗iˇ˗eu gʼaˇ duˬ, Yeˬhawˇbaˬ neh lehˬ hmˬ nehˬ taˬ˗euˬ yawˬ jeˬ na luꞈ˗ahˇ ehˇ mawꞈ˗eu meh. Aˬ dui tsawˇ jeuˬ tsawˇ ca hawˇ˗eu zahˇ yawˬ zahˇ na luꞈ˗ahˇ˗euˬ tsawˇ haˬ deuˬ˗ahˇ caw ba˗eu gʼaˇ duˬ, “mˬ maˬ maˬ byaˆ zaˇ ziˇ laˬ kʼaˬ cehˇ˗eu guiˬ lahˬ dawˬ” yawˬ gʼaˬ na luꞈ˗euˬ nui ma˗ahˇ zaw leˇ ni ya dzawˇ nehˬ˗eu meh.—Pah mehˬ˗eu 14:6.

Mˇ paˬ˗ehˇ gʼeh˗eu jeˬ:

• Nawˬ˗euˬ tsaꞈ gaˬ duˬ˗ahˇ˗euˬ tsawˇ haˬ deuˬ˗euˬ nui ma˗ahˇ zaw leˇ˗eu gaˇ kawˆ hawˇ˗eu Jaˇliꞈ aˇ deuˆ˗ahˇ tseˇ. Nawˇ ngehˬ jeˬ ngehˬ kawˆ yaw jeˬ ma jeˬ˗ahˇ zmˬ nya˗awˇ, nawˬ neh zmˬ laꞈ haw˗euˬ muiˬ˗eu jeˬ˗ahˇ jiˇ zmˬ nya meh. Tsawˇ haˬ deuˬ gaˇ kawˆ aˬ geu kawˆ hawˇ˗eu Jaˇliꞈ aˇ deuˆ aˬ geu deuˆ˗ahˇ ha geuꞈ˗eu nga? Tsawˇ haˬ deuˬ nymˬ˗mˇ pyeuꞈ luꞈ˗eu gaˇ kawˆ aˬ geu kawˆ˗ahˇ siˬ nya mawꞈ˗eu nga? Zaˬ yo aˬ li deuˬ aˬ jeˬ gaˇ kawˆ˗ahˇ nui ma ahˇ˗eu nga? Zaˬ miˬ aˬ buˇ deuˬ aˬ jeˬ gaˇ kawˆ˗ahˇ nui ma ahˇ˗eu nga?

• Nymˇ sahˇ deuˬ˗ahˇ dawˬ cawˬ puˬ ngeh, teu gaˇ jawˇ˗eu tsawˇ haˬ deuˬ jahˇ˗eu loꞈ˗ehˇ jahˇ.—2 Gawˇliˬtu 6:3, 4

• Nui ma ahˇ deuˬ˗ahˇ ya mawˇ ngeh yaw muiˬ˗ehˇ dzawˇ nehˬ nya˗eu gʼaˇ duˬ, Mehˬ˗eu Keu ka bawˬ keuˆ laꞈ kʼoeˇ ahˇ˗eu boꞈ doˆ jahˇ doˆ taˬ˗euˬ jeˬ˗ahˇ zmˬ dzaw taˬ

• Nawˬ˗euˬ tsaꞈ gaˬ duˬ˗ahˇ ya mawˇ˗eu tsawˇ jeuˬ yawˬ jeuˬ yawˬ˗euˬ dawˬ deuˬ jiˇ daoˇloˆ taˬ

• Nymˇ sahˇ gʼaˬ nehˬ˗ehˇ tsaˬ leˇ˗eu aˬ geu kawˆ nga lehˇ haw˗awˇ laˆ poˆ laˆ paˇ mˇ. (1 Gawˇliˬtu 9:19-23) Yaw jeˬ ma jeˬ, nymˇ sahˇ gʼaˬ ngaˇ gaˬ˗eu gʼaˬ shiˇ˗aˬ lehˇ ehˇ laˇ naˇ nawˇ aˬ joˆ˗ehˇ ngehˬ le?

Biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Tsaꞈ gaˬ˗eu gʼaˬ nymˇ sahˇ gʼaˬ nehˬ˗ehˇ aˬ jeˬ˗euˬ gaˇ kawˆ ngehˬ dahˬ beh˗euˬ nga?

• Nymˇ sahˇ gʼaˬ aˬ jeˬ˗euˬ gaˇ kawˆ˗ahˇ tahˬ puˬ luꞈ˗eu nga?

• Gaˇ kawˆ heu˗ahˇ caw ba nya˗eu Jaˇliꞈ aˇ deuˆ aˬ geu deuˆ nga? Aˬ jeˬ miˇ neh?

• Nawˬ˗euˬ tsaꞈ gaˬ duˬ˗ahˇ˗euˬ tsawˇ haˬ deuˬ nui ma bi ahˇ laˇ˗eu gʼaˇ duˬ, ngehˬ jeˬ ngehˬ kawˆ aˬ joˆ˗ehˇ laˆ poˆ laˆ paˇ mˇ nya˗eu nga?