Ngaˇ aˬ suˇ suˇ gʼaˬ˗ahˇ kuˇ paˬ nga?

Yawˬ kʼoꞈ na luꞈ aˬ dui, aˬ dui˗euˬ tsaꞈ gaˬ duˬ˗ahˇ jawˇ˗eu tsawˇ haˬ deuˬ˗ahˇ Noeˬ mawˇ˗eu mehˬ bawˬ˗ahˇ bi laˇ˗eu gʼaˇ duˬ, leh jeh˗awˇ kuˇ gaˬ˗iˇ˗eu ma. Teu laꞈ kʼoeˇ˗euˬ myaˬ tiˬ paˆ naˇ aˬ dui maˬ siˬ nya˗eu tsawˇ haˬ pyeuꞈ meh. Teu miˇ neh, aˬ dui siˬ nya˗eu deuˬ˗ahˇ jiˇ kuˇ gaˬ˗iˇ paˬ˗ehˇ gʼeh˗eu meh. Aˬ myah myah naˇ, tsawˇ haˬ deuˬ yawˬ ha siˬ nya˗eu deuˬ neh kuˇ naˇ laˇ mawꞈ dzehˬ˗eu meh. (yb08-E 11 ¶3; 14 ¶1) Nawˇ aˬ suˇ suˇ gʼaˬ˗ahˇ kuˇ nya˗eu nga?

• Aˬ yuiꞈ aˬ nyiˇ deuˬ

• Gaˇ mˇ cawˬ hawˇ˗eu sahˬ boꞈ dzaw cawˬ deuˬ

• Nymˇ kaˬ taꞈ˗eu deuˬ

• Gʼaˬ kʼoꞈ iˇ˗eu deuˬ, Jaˇliꞈ dzaw zaˬ deuˬ, aˬ dui nehˬ˗ehˇ Jaˇliꞈ dzaw haw˗euˬ deuˬ

Aˇ muˇ˗ahˇ sheuˬ gʼeh˗eu deuˬ maˬ paˇ tsaꞈ gaˬ˗eu deuˬ˗ahˇ kuˇ gaˬ iˇ paˬ˗ehˇ gʼeh˗eu meh. Aˬ dui siˬ nya˗eu deuˬ aˬ dui˗euˬ aˇ muˇ˗euˬ tsaꞈ gaˬ duˬ˗ahˇ maˬ jawˇ naˇ, aˬ yawꞈ˗euˬ iˇ kahˇ dawˬ peh jaˆ˗eu bawˬ dzaˬ duˬ poˆ nehˬ nya˗awˇ, aˬ geu ngeh bawˬ dzaˬ nga lehˇ jiˇ poˆ nehˬ nya meh. Teu poˆ˗eu gʼaˇ duˬ, jw.org gʼoeˇsaiˇ˗euˬ dahˬ beh˗eu myaˆ pyawˬ˗ahˇ Nga maꞈ nehˬ˗ehˇ taꞈ˗eu lehˇ boꞈ taˬ gaˇ iˇ˗awˇ, “Noeˬ mawˇ˗eu” lehˇ boꞈ taˬ gaˇ iˇ. Nawˇ heu kʼoꞈ˗euˬ Noeˬ mawˇ˗eu mehˬ bawˬ gʼaˇ duˬ lehˬ hmˬ ngeh, aˬ suˇ suˇ˗ahˇ kuˇ gaˬ˗eu lehˇ shaˇ noeˬ˗awˇ kʼaˇ gʼeh nya gaˇ neh leh jeh˗awˇ kuˇ gaˬ iˇ luꞈ˗uˇ.