Miˬyehˇ˗euˬ gaˇ mˇ paw bym laˇ—Myaˆ behꞈ deuˬ˗ahˇ tsaꞈ gaˬ

Aˬ jeˬ miˇ neh aˇ yeˇ huiˬ˗eu nga? Myaˆ behꞈ deuˬ yawˬ ha maˬ siˬ nya˗eu tsawˇ haˬ deuˬ nehˬ˗ehˇ maˬ ngehˬ cawˬ peuˬ˗a. Teu miˇ neh, aˬ dui aˬ yawꞈ maꞈ˗ahˇ tsaꞈ gaˬ˗eu gʼaˇ duˬ, aˬ joˆ˗ehˇ ngehˬ˗eu lehˇ yaw muiˬ˗ehˇ shaˇ noeˬ. Yeˬhawˇbaˬ myaˆ behꞈ deuˬ˗ahˇ gaˬ˗awˇ kʼahˬ lahˇ˗eu meh. (Uˬduˬtahˬ˗eu 19:14) Aˬ dui myaˆ behꞈ deuˬ˗ahˇ nui jah ahˇ laˇ ni caw ba nehˬ˗awˇ, Miˬyehˇ˗ahˇ dzaw geuꞈ nya meh.

Mˇ paˬ˗ehˇ gʼeh˗eu jeˬ:

• Myaˆ behꞈ deuˬ˗ahˇ ‘poˆ iˇ’. (Maꞈtehˬ 10:11) Nawˇ nymˇ jiˇ laꞈ kʼoeˇ myaˆ behꞈ deuˬ jawˇ˗eu tsawˇ haˬ˗ahˇ siˬ nya ma loˇ? Nawˬ˗euˬ tsaꞈ gaˬ duˬ˗ahˇ myaˆ behꞈ deuˬ˗euˬ gʼaˇ duˬ jahˇ doˆ taˬ˗euˬ jeˬ˗ahˇ geuꞈ mawꞈ˗eu, sahˬ boꞈ dzaw nymˇ, myaˆ behꞈ deuˬ˗ahˇ cu duˬ, heu deuˬ jaˆ meh loˇ?

• Aˬ yawꞈ maꞈ˗ahˇ maˇ diˇ caw ba mawꞈ˗eu lehˇ bi siˬ. Nawˇ yaw gʼoeˇ gʼoeˇ lehˇ gʼeh˗awˇ, tsawˇ haˬ deuˬ˗ahˇ maˇ diˇ caw ba mawꞈ˗eu lehˇ mˇ doˆ laꞈ naˇ, myaˆ behꞈ deuˬ nawˬ nehˬ˗ehˇ ngehˬ cawˬ peuˬ˗eu meh. Teu gaˇ jawˇ˗eu tsawˇ haˬ deuˬ siˬ nya mawꞈ˗eu gaˇ kawˆ neh ngehˬ dahˬ beh

• Nui jah ahˇ laˇ ni caw ba. Myaˆ behꞈ deuˬ hawˇ˗eu yaw kʼaˆ˗ehˇ maˬ mawˇ shawˇ nya˗eu deuˬ˗ahˇ caw ba˗eu gʼaˇ duˬ, aˬ dui˗euˬ aˇ maꞈ aˇ muˇ gʼawˬ mya jeˬ jahˇ doˆ taˬ˗euˬ meh. Jaˇliꞈ dzaw mawꞈ miˇ˗a laˬ lehˇ aˬ yawꞈ maꞈ˗ahˇ naˇ haˬ. Tsaꞈ gaˬ˗eu gaˇ˗ahˇ nyehꞈ tehˬ˗eu gʼaˬ, sahˬ boꞈ˗ahˇ haw˗eu gʼaˬ myaˆ behꞈ deuˬ˗euˬ gʼaˇ duˬ jahˇ doˆ taˬ˗euˬ jeˬ shaˇ˗eu gʼaˇ duˬ, sahˬ boꞈ boꞈ˗euˬ ngaˇ laˬ lehˇ yaw muiˬ˗ehˇ haw