Ngaˬ˗euˬ laꞈ taꞈ aˬ jeˬ aˇ yeˇ huiˬ dzehˬ nya?

Yaˬkoˆ aˇ yeˇ huiˬ dui dui˗eu jeˬ za˗eu gʼaˇ duˬ, mˬ taˆ gʼaˬ kʼehˇ nehˬ˗ehˇ dawꞈ ceh ceh˗euˬ meh. Heu naˇ, Yeˬhawˇbaˬ˗euˬ guiˬ lahˬ pyeuꞈ meh. (Aˇdahˬbeh˗eu 32:24-31; Hawˇseˬ 12:3, 4) Aˬ dui tawˇ neh? Aˬ dui Yeˬhawˇbaˬ˗euˬ guiˬ lahˬ˗ahˇ za˗eu gʼaˇ duˬ, nui ma keuˆ˗eu laꞈ kʼoeˇ aˬ yawꞈ˗euˬ ehˇ dawˬ kʼaˇ gʼeh nya gaˇ neh naˇ haˬ luꞈ ma loˇ? Yaw jeˬ ma jeˬ, aˬ dui mehˬ bawˬ˗ahˇ iˇ˗euˬ laˬ, maˬ ngeuˇ naˇ gaˇ naˬ liˬ 2 laꞈ 3 laꞈ mˇ dzehˬ˗eu laˬ lehˇ ya tseˇ naˇ, aˬ geu jeˬ˗ahˇ tseˇ de? Aˬ dui yawˬ ha˗euˬ gʼaˬ hawˇ˗eu aˇ yamˬ maˬ ehˇ, pyuˇ shuiˇ myawˬ gahˬ maˬ ehˇ, Yeˬhawˇbaˬ˗euˬ gaˇ tiˬ byah tiˬ loꞈ mˇ naˇ, aˬ yawꞈ jiˇ aˬ dui˗ahˇ “muiˬ˗eu guiˬ lahˬ dawˬ tawˆ luꞈ byah kʼaˇ˗iˇ gaˇ keuˆ ni” biꞈ nehˬ laꞈ˗eu meh. (Maˬlaˬkiˇ 3:10) Aˬ yawꞈ aˬ dui˗ahˇ sheuˬ gʼeh haw piˇ˗awˇ, kʼaˇ loˬ˗eu jeˬ biꞈ nehˬ laꞈ˗eu meh.—Maꞈtehˬ 6:33; Heˬbyehˇ 13:5.

Miˬyehˇ˗euˬ gaˇ mˇ˗eu lehˇ haw tsoˆ taˬ lehˇ ehˇ˗eu biˬdiˬoˬ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Mehˇ nmˇ zaˬ miˬ aˬ buˇ heu gʼaˬ aˬ yawꞈ ya leˇ˗eu jeˬ neh aˬ joˆ˗ehˇ bi lawˬ haw˗euˬ nga?

• 

  Gaˇ heu naˇ aˬ dui˗ahˇ aˬ joˆ˗ehˇ lawˬ haw laˇ nya˗eu nga?

• 

  Tiˆmoˇseˬ nui jah paw huiˬ loˆ laˇ˗euˬ kʼawꞈ, aˬ jeˬ miˇ neh aˇ pyaˇ ya daˬ taˬ daˆ leꞈ˗eu nga?—1 Tiˆmoˇseˬ 4:16

• 

  Aˬ dui˗euˬ gʼaˇ duˬ “aˇ yeˇ huiˬ dzehˬ˗eu gaˇ” aˬ jeˬ pyeuꞈ˗eu lehˇ aˬ joˆ˗ehˇ mˇ mawˇ nya˗eu nga?