Sehˬ gʼawˆ laꞈ kʼoeˇ neh aˇ yeˇ kʼaˇ huiˬ˗eu jeˬ

25:9, 21, 22

Dawˬ ma saˇ jaˇ bahˬ keuˆ heu naˇ, Iˇsaˬleˬlaˆ deuˬ˗euˬ taˆ˗ahˇ jaˆ˗eu sehˬ gʼawˆ laꞈ kʼoeˇ˗euˬ aˇ yeˇ kʼaˇ huiˬ˗eu hmˬ pyeuꞈ meh. Dawˬ ma saˇ jaˇ bahˬ keuˆ kʼawˬ pymˬ kʼoeˇ taˆ jaˆ˗eu jeˬluˇbeˬ nyiˬ mawˇ˗euˬ yaw kaˬ˗ahˇ du luꞈ˗eu uˬ kʼoeˬ kʼoeˇ naˇ, Yeˬhawˇbaˬ aˬ yawꞈ maꞈ nehˬ˗ehˇ jawˇ˗eu lehˇ bi siˬ˗eu jeˬ pyeuꞈ˗eu meh. Yawˬ kʼoꞈ na luꞈ Iˬ baˇ sha dzeh˗eu aˇ nah˗ahˇ Piˇ ma yaw huiˬ gʼaˬ Iˇsaˬleˬlaˆ tsawˇ haˬ deuˬ˗euˬ iˬ baˇ pyehˬ nehˬ˗eu gʼaˇ duˬ, Muiˬ dui shawˇ dui dui˗eu jawˇ duˬ˗ahˇ le ahˇ˗awˇ dawˬ ma saˇ jaˇ bahˬ keuˆ˗euˬ mehˬ shi ciꞈ myehꞈ hawˇ˗eu mawˇ neˇ˗euˬ shiˬ byaˆ shehˬ˗eu meh. (Uˬduˬtahˬ˗eu 16:14, 15) Gaˇ kawˆ heu naˇ huiˬ dzehˬ dzehˬ˗eu Piˇ ma Yaw huiˬ gʼaˬ pyeuꞈ˗eu Yeˬsuˇ aˬ yawꞈ neh ka kʼoꞈ˗eu jeˬ mˬ kʼoeˇ taˆ Yeˬhawˇbaˬ˗ahˇ lawˇ nehˬ leˇ˗eu gaˇ kawˆ˗ahˇ aˇ baˇ baˇ mawˇ nehˬ˗eu jeˬ pyeuꞈ meh.—Heˬbyehˇ 9:24-26.

Ka kʼoꞈ˗eu jeˬ˗ahˇ neh aˬ dui za nya˗eu jeˬ hawˇ˗eu Jaˇliꞈ aˇ deuˆ heu deuˬ yuˇ dzoeˇ.

Jaˇliꞈ aˇ deuˆ

• 1 Yoˇhaˬ 1:8, 9

• Heˬbyehˇ 9:13, 14

• Loˇmaˆ 6:23

Aˬ dui za nya˗eu jeˬ

• mˬ maˬ maˬ byaˆ zaˇ ziˇ dehꞈ˗eu noeˬ tmˬ˗eu jeˬ za

• iˬ baˇ˗ahˇ pyehˬ nehˬ

• siˬ nya˗eu nui ma shawˇ jehˆ ni gʼeh

Aˬ dui heu deuˬ˗ahˇ za nya˗eu gʼaˇ duˬ, aˬ jeˬ ya jahˇ˗eu nga?