Nawˬ˗euˬ gʼaˬ hawˇ˗eu aˇ yamˬ Yeˬhawˇbaˬ˗ahˇ damˬ nehˬ nya ma loˇ?

Iˇsaˬyaˇ neh ehˇ taˬ˗euˬ loꞈ˗ehˇ, nymˬ˗mˇ miˇ tsaˬ kʼoeˇ taˆ jaˆ˗eu Yeˬhawˇbaˬ˗euˬ aˇ maꞈ aˇ muˇ huiˬ laˇ mahˇ laˇ luꞈ gaˇ aˬ dui ya mawˇ˗euˬ ma. Heu loꞈ˗ehˇ tiˬ jawˇ˗iˬ maˬ pyeuꞈ laˇ haw˗aˬ siˬ. (Iˇsaˬyaˇ 54:2) Teu miˇ neh, Bawˬdzaˬnymˇ maˬ ehˇ, huiˬ˗eu Bawˬdzaˬnymˇ maˬ ehˇ, beˬdeˬlaˇ maˬ ehˇ, tsoˆ lahˬ paˬ˗ehˇ tsaˬ laˇ˗euˬ meh. Myahˇ laˇ ngeh, nymˇ heu deuˬ˗ahˇ ya laˆ saˆ˗awˇ, nymˇ tiˬ nymˇ na naˇ ya laˆ muiˬ˗eu meh. Aˬ dui Yeˬhawˇbaˬ˗ahˇ gʼaˬ hawˇ˗eu aˇ yamˬ damˬ nehˬ nya ni, gaˇ heu deuˬ aˬ jeˬ jeˇ muiˬ˗eu aˬ kawˬ˗aˬ biꞈ nehˬ laꞈ˗eu nga?

• Aˬ dui˗euˬ tsaꞈ gaˬ˗eu aˇ muˇ Bawˬdzaˬnymˇ˗ahˇ laˆ saˆ lehˇ biˇ daˇ laꞈ ngeh, aˬ dui caw ba nya

• Bawˬdzaˬnymˇ˗ahˇ laˆ saˆ˗eu gaˇ kawˆ mehˬ nehˬ laꞈ ngeh, dzaw iˇ nya

• Aˬ dui jawˇ˗eu dawˬ peh Bawˬdzaˬnymˇ tsoˆ gaˇ hawˇ˗eu laˆ saˆ gaˇ, tiˬ nah na tehꞈ˗ehˇ caw ba iˇ˗eu gʼaˇ duˬ, aˬ dui Tsoˆ˗eu paw hawˇ˗eu aˇ baˇ mawˇ kawˇ jahˇ doˆ˗eu paw caw ba iˇ˗eu gʼaˇ duˬ, jaˇ laˇ dawˆ˗eu sahˬ boꞈ (DC-50)˗ahˇ boꞈ˗awˇ sha gʼeh nya

• Beˬdeˬlaˇ˗ahˇ maˬ ehˇ, yawˬ gaˇ yawˬ maˬ ehˇ, tiˬ jaw maˬ ngeuˇ naˇ teu myah maˬ tseˇ caw ba iˇ mawꞈ naˇ, Caw ba˗iˇ˗eu gʼaˇ duˬ jaˇ laˇ dawˆ˗eu sahˬ boꞈ (A-19)˗ahˇ boꞈ˗awˇ sha gʼeh nya

Tsoˆ˗eu lehˇ gʼeh˗eu jeˬ nehˬ˗ehˇ taꞈ leˇ˗awˇ bawˬ toˆ toˆ taˬ˗euˬ jeˬ lehˇ ehˇ˗eu yaw nymˇ nymˇ lehˇ gʼeh˗eu biˬdiˬoˬ˗ahˇ haw gʼaˬ naˇ, laˆ oꞈ jaˆ˗eu naˇ˗eu jeˬ heu deuˬ˗ahˇ dawˬ kʼoꞈ biꞈ.

• 2014 kʼoꞈ˗ahˇ neh naˇ, aˬ dui biˬdiˬoˬ˗ahˇ aˬ joˆ˗ehˇ zmˬ myaˬ laˇ˗euˬ nga?

• Loˬ˗eu aˇ yamˬ˗ahˇ biˬdiˬoˬ jahˇ dahˬ nya˗eu gʼaˇ duˬ, aˬ jeˬ jeˇ bawˬ toˆ toˆ taˬ˗euˬ nga? Bawˬ toˆ heu aˬ geu ngeh mˇ dahˬ beh˗awˇ aˬ geu ngeh mˇ luiˆ jiˇ˗eu nga?

• Caw ba mawꞈ˗eu deuˬ, gaˇ heu˗ahˇ aˬ joˆ˗ehˇ caw ba nya˗eu nga?

• Aˬ dui Lehˇmaˇpoˬ˗ahˇ tsoˆ gaˇ caw ba˗iˇ mawꞈ naˇ, aˬ jeˬ miˇ neh jaˇ laˇ dawˆ˗eu sahˬ boꞈ DC-50 ya boꞈ˗eu uˬ taꞈ, aˬ dui jawˇ˗eu dawˬ peh tsoˆ˗eu paw maˬ ehˇ, aˇ baˇ mawˇ kawˇ jahˇ doˆ˗eu paw maˬ ehˇ, aˬ jeˬ miˇ neh ya caw ba˗iˇ˗eu nga?

• Yeˬhawˇbaˬ gaˇ heu hmˬ˗ahˇ sheuˬ gʼeh luꞈ˗eu lehˇ aˬ joˆ˗ehˇ siˬ laˇ˗eu nga?

• Aˬ dui maˬ caw ba˗iˇ nya naˇ, gaˇ heu˗ahˇ gʼaˬ aˬ joˆ˗ehˇ biꞈ nya˗eu nga?