Zaˬ guˬ deuˬ—Nawˇ Yeˬhawˇbaˬ˗ahˇ nawˬ˗euˬ kʼaˇ muiˬ˗eu cawˬ bi pyeuꞈ maˬ loˇ?

Nawˬ˗ahˇ aˬ joˆ˗ehˇ gʼeh˗eu cawˬ baw mawꞈ nya? Tsawˇ tsiˇ maˬ tsiˇ˗eu, nawˬ˗ahˇ kʼahˬ lahˇ˗eu, nawˬ˗ahˇ maˬ byehˇ jeh˗eu, heu loꞈ˗ehˇ gʼeh˗eu cawˬ˗ahˇ ya leˇ˗eu maˬ ngeuˇ nya loˇ? Yeˬhawˇbaˬ seuˆ dzeuꞈ aˇ gʼehˇ heu dawˬ tawˆ luꞈ ahˇ jiˇ˗eu meh. (Doˆ˗iˇ˗eu 34:6; Gʼaˬkʼehˇ 14:17) Aˬ yawꞈ aˬ dui˗euˬ shaˇ dawˬ˗ahˇ naˇ haˬ nehˬ laꞈ˗awˇ aˬ dui loˬ ngeh yawˬ poˆ na luꞈ caw ba nehˬ laꞈ˗eu meh. (Ja ceuˬ 18:19, 35) Mˇ bahˬ ngeh aˬ yawꞈ aˬ dui˗ahˇ iˬ baˇ pyehˬ nehˬ meh. (1 Yoˇhaˬ 1:9) Yeˬhawˇbaˬ muiˬ dui dui˗eu cawˬ pyeuꞈ˗eu meh.

Aˬ dui Yeˬhawˇbaˬ nehˬ˗ehˇ cawˬ aˬ joˆ˗ehˇ cawˬ nya˗eu nga? Aˬ yawꞈ˗ahˇ siˬ nya dzehˬ laˇ˗eu gʼaˇ duˬ, Jaˇliꞈ gui˗awˇ guiˬ lahˬ shaˇ˗eu laꞈ kʼoeˇ yawˬ jeˬ na luꞈ aˬ yawꞈ˗ahˇ dzawˇ nehˬ nya meh. (Ja ceuˬ 62:8; 142:2) Aˬ dui jiˇ ni Yeˬhawˇbaˬ˗euˬ mehˬ shi aˇ yeˇ huiˬ˗eu jeˬ pyeuꞈ˗eu aˬ yawꞈ˗euˬ Zaˬmaˇ hawˇ˗eu aˬ yawꞈ˗euˬ Miˇkʼahˬ˗ahˇ maˬ ehˇ, mehˬ hu paw nehˬ˗ehˇ taꞈ˗eu saˇ jaˇ dawˬ deuˬ˗ahˇ maˬ ehˇ, aˇ poeˬ taˬ baw˗eu lehˇ mˇ mawˇ. Kʼoeˇ naˇ aˬ yawꞈ˗euˬ gaˇ kawˆ aˬ cawˬ˗ahˇ ja nehˬ. (Dawˬmehˬmehˬ˗eu 32:3) Aˬ dui Yeˬhawˇbaˬ nehˬ˗ehˇ gʼoeˇ leˇ ni leh jeh naˇ, aˬ yawꞈ aˬ dui nehˬ˗ehˇ aˬ myah luꞈ cawˬ cawˬ˗eu meh.—Ja ceuˬ 73:25, 26, 28.

Zaˬ guˬ deuˬ—Pyehˆ tseˇ haw ‘Yeˬhawˇbaˬ muiˬ dui dui’ gaˇ ya siˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• 

  Nawˇ Yeˬhawˇbaˬ˗ahˇ a nehˬ˗awˇ iˇ cuꞈ shawˇ mawꞈ naˇ aˬ jeˬ jeˇ ya jahˇ˗eu nga?

• 

  Nawˇ Yeˬhawˇbaˬ˗euˬ gaˇ mˇ nya ni aˇ muˇ laꞈ kʼoeˇ jawˇ˗eu deuˬ aˬ joˆ˗ehˇ caw ba nya˗eu nga?

• 

  Yeˬhawˇbaˬ˗euˬ gaˇ mˇ˗eu heu naˇ, aˬ yawꞈ nehˬ˗ehˇ aˬ joˆ˗ehˇ gʼoeˇ dzehˬ leˇ nya˗eu nga?

• 

  Nawˇ Miˬyehˇ˗euˬ gaˇ laꞈ kʼoeˇ aˬ jeˬ jeˇ mˇ nya˗eu nga?

• Nawˇ Yeˬhawˇbaˬ nehˬ˗ehˇ taꞈ leˇ˗awˇ aˬ jeˬ˗ahˇ ya leˇ nya?