Yeˬhawˇbaˬ˗euˬ gaˇ mˇ lehˇ tseˇ

Nawˇ iˇ cuꞈ maˬ shawˇ˗euˬ tsaꞈ gaˬ gʼaˬ pyeuꞈ˗awˇ aˇ kʼoꞈ nyiˇ˗eu uˬ taꞈ, Jaˇliꞈ dzaw luꞈ naˇ iˇ cuꞈ shawˇ˗eu lehˇ aˇ pyaˇ daˬ taˬ maˬ loˇ? Nawˇ aˬ jeˬ miˇ neh iˇ cuꞈ shawˇ mawꞈ paˬ˗ehˇ gʼeh˗eu nga? Aˬ jeˬ miˇ neh ehˇ naˇ a nehˬ˗awˇ iˇ cuꞈ shawˇ˗eu jeˬ heu naˇ, Yeˬhawˇbaˬ nehˬ˗ehˇ cawˬ cawˬ nya laˇ˗eu dahˬ beh˗eu jeˬ pyeuꞈ meh. (Ja ceuˬ 91:1) Kʼoeˇ naˇ ka kʼoꞈ˗eu jeˬ jiˇ za˗eu meh. (1 Beˬtuˆluˆ 3:21) Heu tiˆ˗ahˇ le keuˆ nya˗eu gʼaˇ duˬ nawˇ aˬ jeˬ jeˇ ya jahˇ˗eu nga?

Nawˇ gaˇ kawˆ heu yaw tsaˬ yaw dawˇ jeˬ pyeuꞈ meh lehˇ ya jah˗awˇ, gaˇ kawˆ tiˬ jeˬ˗ahˇ maˬ jah coeˇ ni gʼeh naˇ yaw muiˬ˗ehˇ poˆ tseˇ. (Loˇmaˆ 12:2) Nawˇ Yeˬhawˇbaˬ˗ahˇ nui kʼahˇ bi shiˇ mawꞈ˗eu miˇ neh aˬ jeˬ jeˇ laˆ paˇ paˬ˗ehˇ gʼeh nga lehˇ haw˗awˇ ya siˬ ngeh laˆ paˇ. (Dawˬdaˬ 27:11; Eˇpeˇsu 4:23, 24) Miˬyehˇ neh bi caw ba˗eu gʼaˇ duˬ aˬ myah luꞈ guiˬ lahˬ shaˇ. Yeˬhawˇbaˬ nawˬ˗ahˇ ziꞈ dah ni bi gʼeh laˇ˗awˇ gʼaˬ biꞈ˗eu gʼaˇ duˬ, muiˬ˗eu shawˇ˗eu yaw sahˇ neh caw ba meh lehˇ jah. (1 Beˬtuˆluˆ 5:10, 11) Nawˬ neh leh jeh˗euˬ jeˬ aˇ poeˬ baw dui dui˗eu meh. Yeˬhawˇbaˬ˗euˬ gaˇ mˇ˗eu heu naˇ muiˬ dui dui˗eu dehꞈ ziꞈ pyeuꞈ meh.—Ja ceuˬ 16:11.

Iˇ cuꞈ shawˇ˗eu aˇ tiˆ˗ahˇ le keuˆ nya˗eu gaˇ ma lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

Tiˬ gʼaˬ na iˇ cuꞈ shawˇ˗eu gʼaˇ duˬ, aˬ jeˬ jeˇ˗euˬ shaˬ zahˬ˗ahˇ ya gʼaˬ leˇ˗euˬ nga?
Yeˬhawˇbaˬ˗ahˇ a nehˬ mawꞈ˗eu nui jah ahˇ laˇ˗eu gʼaˇ duˬ, aˬ jeˬ jeˇ ya jahˇ˗eu nga?
Tiˬ gʼaˬ na˗ahˇ iˇ cuꞈ shawˇ˗eu aˇ tiˆ˗ahˇ le keuˆ mawꞈ ni, laˆ noeˬ nehˬ˗eu aˬ jeˬ nga?
Yeˬhawˇbaˬ˗euˬ gaˇ mˇ˗eu lehˇ tseˇ˗euˬ deuˬ, guiˬ lahˬ aˬ jeˬ jeˇ za˗euˬ nga?
A nehˬ˗eu jeˬ hawˇ˗eu iˇ cuꞈ shawˇ˗eu jeˬ heu naˇ, aˬ jeˬ˗ahˇ ehˇ mawꞈ˗eu nga?

Iˇ cuꞈ shawˇ˗eu dawˬ mehˬ mehˬ˗eu jiˇ leˇ dzaˬ˗ahˇ dawˬ mehˬ mehˬ˗eu gʼaˬ iˇ cuꞈ shawˇ˗eu lehˇ gʼeh˗eu deuˬ˗ahˇ bi tuˇ˗awˇ, laꞈ oˆ jaˆ˗eu naˇ haˬ˗eu jeˬ heu 2 kawˆ˗ahˇ teˇ saˇ yaw kʼaˆ kʼaˆ lehˇ maˇ jawˆ ni dawˬ kʼoꞈ bi biꞈ˗eu meh.

Nawˇ yawˬ ha˗euˬ iˬ baˇ noeˬ poˆ noeˬ paˇ˗awˇ, Yeˬhawˇbaˬ˗ahˇ a nehˬ˗euˬ uˬ taꞈ, aˬ yawꞈ neh Yeˬsuˇ Ka li˗ahˇ neh nawˇ ya buˬ iˇ ni caw ba nehˬ laꞈ˗euˬ jeˬ˗ahˇ nawˇ ha geuꞈ ma loˇ?

Nawˇ iˇ cuꞈ shawˇ˗eu teu naˇ, Yeˬhawˇbaˬ˗euˬ Saˇ kiˇ tiˬ gʼaˬ pyeuꞈ laˇ˗awˇ, Yeˬhawˇbaˬ˗euˬ aˇ maꞈ aˇ muˇ nehˬ˗ehˇ tiˬ kawˆ loꞈ˗ehˇ gaˇ mˇ laˇ˗eu lehˇ nawˇ gʼoˆ shaw maˬ loˇ?

Naˇ haˬ taˬ˗euˬ jeˬ heu 2 kawˆ˗ahˇ maˇ jawˆ ni dawˬ kʼoꞈ biꞈ˗eu heu naˇ, iˇ cuꞈ shawˇ˗eu gʼaˬ ka kʼoꞈ˗eu jeˬ˗ahˇ jah˗awˇ, Yeˬhawˇbaˬ˗ahˇ a nehˬ dzeuˇ˗euˬ lehˇ baˬ maꞈ˗euˬ mehˬ shi “saˇ kiˇ kamˬ˗euˬ” jeˬ pyeuꞈ meh.—Loˇmaˆ 10:9, 10.