Jiˇ baˬ maˬ dawˇ mi naˆ˗ehˇ yaw muiˬ˗ehˇ shaˇ noeˬ

Ka li zaˬ yawˬ gʼaˬ na luꞈ dzaˬ yehꞈ dawˇ yehꞈ˗eu gaˇ kawˆ nehˬ˗ehˇ taꞈ leˇ˗awˇ, yawˬ ha nui ma˗ahˇ gʼaˬ leˇ ni ya leh jeh˗eu meh. (Dawˬdaˬ 23:20, 29-35; 1 Gawˇliˬtu 6:9, 10) Jiˇ baˬ dawˇ˗eu lehˇ tseˇ˗euˬ deuˬ tsaˬ tsaˬ ni ya dawˇ˗eu meh. Ka li zaˬ deuˬ dzaˬ yehꞈ dawˇ yehꞈ˗eu tsawˇ haˬ maˬ ya pyeuꞈ˗eu uˬ taꞈ, aˬ cawˬ˗ahˇ sahˬ tiꞈ tiꞈ leˇ ni jiˇ maˬ ya dawˇ˗a. (1 Gawˇliˬtu 10:23, 24; 1 Tiˆmoˇseˬ 5:23) Aˬ dui aˬ cawˬ˗ahˇ jiˇ baˬ dawˇ lehˇ jiˇ maˬ ya kaˬ tiˇ˗a, zaˬ guˬ deuˬ˗ahˇ ngehˬ˗ehˇ dzehˬ meh.

Maˬ dawˇ mi naˆ˗ehˇ yaw muiˬ˗ehˇ shaˇ noeˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Ka li zaˬ deuˬ jiˇ baˬ dawˇ˗eu gaˇ kawˆ nehˬ˗ehˇ taꞈ leˇ˗awˇ, miˇ kʼahˬ˗euˬ zahˇ dawˬ kʼoꞈ dawˬ˗ahˇ aˬ jeˬ miˇ neh ya mˇ caw˗eu nga?—Loˇmaˆ 13:1-4

• Aˬ dui jiˇ baˬ dawˇ ni aˬ cawˬ neh aˬ jeˬ miˇ neh maˬ bi nyehꞈ suꞈ paˬ˗ehˇ gʼeh˗eu nga?—Loˇmaˆ 6:16

• Jiˇ baˬ dawˇ˗eu jeˬ˗ahˇ neh lehˬ laˇ ca laˇ nya˗eu jeˬ˗ahˇ aˬ dui aˬ joˆ˗ehˇ yahˇ nya˗eu nga?