Noeˬ siˬ noeˬ mawˇ nya ni aˬ myah luꞈ leh jeh

Mui ceh ceh˗eu deuˬ aˬ myah luꞈ yaw muiˬ˗ehˇ mui nya˗eu gʼaˇ duˬ, yawˬ ha˗euˬ shaˬ jiˇ shaˬ jehˆ˗ahˇ tiˬ kʼehˬ maˬ taˬ zmˬ dzaw˗eu loꞈ˗ehˇ, aˬ dui jiˇ ni yaw muiˬ˗ehˇ noeˬ tsehˆ nya˗eu gʼaˇ duˬ, yawˬ ha noeˬ siˬ noeˬ mawˇ nya˗eu jeˬ˗ahˇ ya zmˬ dzaw˗eu meh. (Heˬbyehˇ 5:14) Aˬ dui aˬ cawˬ deuˬ loꞈ˗ehˇ noeˬ tsehˆ˗eu jeˬ˗ahˇ ya leˇ kʼawꞈ yawˬ haˇ yawˬ ha noeˬ tsehˆ nya˗eu gʼaˇ duˬ yawˬ ha˗euˬ nui noeˬ ya zmˬ dzaw˗eu meh. Aˬ jeˬ miˇ neh? Aˬ dui yawˬ gʼaˬ na luꞈ yawˬ ha neh noeˬ tsehˆ˗eu jeˬ˗ahˇ yawˬ ha ya yehˬ˗eu miˇ neh meh.—Loˇmaˆ 14:12.

Aˬ dui iˇ cuꞈ shawˇ laꞈ˗euˬ yaw myaˬ kʼoꞈ byah laˇ˗euˬ miˇ neh yawˬ jawˇ na luꞈ yaw muiˬ˗ehˇ noeˬ tsehˆ nya maˬ lehˇ maˬ ya noeˬ˗a. Aˬ dui yaw gahˇ gahˇ˗ehˇ noeˬ tsehˆ nya˗eu gʼaˇ duˬ, aˬ dui Yeˬhawˇbaˬ hawˇ˗eu Jaˇliꞈ˗ahˇ nui ma ya taˬ˗awˇ, aˬ yawꞈ˗euˬ aˇ maꞈ aˇ muˇ˗ahˇ jiˇ tiˬ byah tiˬ loꞈ nui ma ya taˬ˗eu meh.—Yawˇshuˆ 1:7, 8; Dawˬdaˬ 3:5, 6; Maꞈtehˬ 24:45.

“Siˬ nya˗eu nui ma aˬ myah luꞈ yaw shawˇ shawˇ˗ehˇ bi jaˆ” lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Eˇmaˬ aˬ jeˬ˗euˬ gaˇ kawˆ˗ahˇ ya noeˬ tsehˆ˗eu nga?

• 

  Siˬ nya˗eu nui ma gaˇ kawˆ nehˬ˗ehˇ taꞈ leˇ˗awˇ, aˬ dui aˬ jeˬ miˇ neh yawˬ ha˗euˬ nui noeˬ maˬ ya ehˇ nehˬ˗eu nga?

• 

  Miˬ zaˬ yo zaˬ tiˬ gu Eˇmaˬ˗ahˇ muiˬ˗eu nui noeˬ nui duˇ aˬ jeˬ biꞈ˗euˬ nga?

• 

  Eˇmaˬ gaˇ dahˇ tsoeˬ˗eu gaˇ kawˆ aˇ gaˇ neh poˆ mawˇ˗euˬ nga?