Iˇteuꞈnehꞈ laꞈ kʼoeˇ nawˬ˗euˬ cawˬ aˬ suˇ gʼaˬ le?

Cawˬ lehˇ ehˇ˗eu heu naˇ, “tiˬ gʼaˬ tiˇ gʼaˬ gʼoeˇ˗eu gaˬ˗eu deuˬ”˗ahˇ ehˇ mawꞈ˗eu meh. Yaw jeˬ ma jeˬ, Daˬbiˇ Gawˇliˇyaˆ˗ahˇ sehꞈ gʼaˬ ngeh, Yawˇnaˆshaˬ nehˬ˗ehˇ gʼoeˇ˗eu cawˬ pyeuꞈ laˇ˗euˬ meh. (1 Saˬmeuˬlaˆ 18:1) Aˬ yawꞈ nyaꞈ nyiˬ gʼaˬ luꞈ nui ma yaw muiˬ miˇ neh, tiˬ gʼaˬ tiˇ gʼaˬ cawˬ cawˬ mawꞈ˗eu meh. Teu miˇ neh aˬ dui tiˬ gʼaˬ paˬ nehˬ˗ehˇ gʼoeˇ˗eu gʼaˇ duˬ, aˬ yawꞈ˗ahˇ yaw muiˬ˗ehˇ ya siˬ nya˗eu meh. Heu naˇ aˇ yamˬ ya zmˬ˗awˇ ya leh jeh˗eu meh. Ehˇ kʼawꞈ, iˇteuꞈnehꞈ laꞈ kʼoeˇ naˇ aˬ dui tiˬ poˆ tehˬ˗ehˇ toeˬ˗eu kʼawꞈ ni, taˆ lehˇ cawˬ pyeuꞈ nya˗eu meh. Iˇteuꞈnehꞈ laꞈ kʼoeˇ˗euˬ tsawˇ haˬ deuˬ, aˬ jeˬ boꞈ taˬ˗eu, aˬ cawˬ neh aˬ yawꞈ˗ahˇ aˬ joˆ˗ehˇ bi haw˗eu lehˇ jahˇ nya meh. Teu baˬ da neh aˬ dui aˬ yawꞈ maꞈ maˇ maˇ ni aˬ joˆ˗ehˇ gʼeh˗eu tsawˇ haˬ pyeuꞈ˗eu lehˇ maˬ siˬ nya˗a. Teu miˇ neh aˬ dui iˇteuꞈnehꞈ laꞈ kʼoeˇ aˬ suˇ gʼaˬ nehˬ˗ehˇ cawˬ cawˬ˗eu lehˇ yaw muiˬ˗ehˇ ya shaˇ noeˬ˗eu meh. Tiˬ gʼaˬ paˬ nawˬ˗ahˇ cawˬ shaˇ cawˬ laˇ ngeh, maˬ lehˇ ehˇ nehˬ naˇ aˬ yawꞈ nui ma nyiˇ nga lehˇ guˆ˗eu maˬ loˬ˗a. Tiˬ gʼaˬ na yawˬ ha˗ahˇ lehˬ laˇ ca laˇ gaˇ guˆ˗eu miˇ neh, iˇteuꞈnehꞈ laꞈ kʼoeˇ cawˬ maˬ cawˬ lehˇ noeˬ tsehˆ˗euˬ meh. Ehˇ kʼawꞈ nawˇ, cawˬ˗eu lehˇ noeˬ tsehˆ naˇ, aˬ jeˬ jeˇ˗ahˇ ya noeˬ keuˆ˗eu nga?

Iˇteuꞈnehꞈ laꞈ kʼoeˇ yaw gahˇ gahˇ˗ehˇ cawˬ cawˬ taꞈ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Aˬ dui iˇteuꞈnehꞈ laꞈ kʼoeˇ sahˬ boꞈ maˬ ngeuˇ naˇ aˇ baˇ maˬ yuˇ daˆ˗eu mi naˆ˗ehˇ, aˬ jeˬ jeˇ˗ahˇ ya noeˬ keuˆ˗eu nga?

• 

  Aˬ dui iˇteuꞈnehꞈ laꞈ kʼoeˇ aˬ suˇ gʼaˬ nehˬ˗ehˇ cawˬ cawˬ˗eu lehˇ, aˬ jeˬ miˇ neh yaw muiˬ˗ehˇ ya tseˇ˗eu nga?

• 

  Aˬ dui iˇteuꞈnehꞈ naˬ liˬ aˇ myaˆ laꞈ mui˗eu lehˇ, aˬ jeˬ miˇ neh ya laˆ duˬ taˬ˗euˬ nga?—Eˇpeˇsu 5:15, 16