Ka li zaˬ˗euˬ dehꞈ ziˇ
Jaˇliꞈ yawˬ nah na luꞈ gui˗awˇ zaˬ siˬ nui gahˇ poˆ
Miˬyehˇ˗euˬ zaˬ siˬ nui gahˇ, laˆ zaꞈ taˬ˗euˬ pyuˇ shuiˇ myawˬ gahˬ loꞈ˗ehˇ aˇ poeˬ baw dui dui˗eu meh. (Dawˬdaˬ 2:1-6) Zaˬ siˬ nui gahˇ heu naˇ, aˬ dui˗ahˇ noeˬ dahˇ doe ni hawˇ˗eu yaw muiˬ˗ehˇ noeˬ tsehˆ nya ni caw ba nehˬ˗awˇ, aˬ dui˗ahˇ jiˇ haw piˇ nya˗eu meh. Teu miˇ neh zaˬ siˬ tsawˇ gahˇ˗ahˇ “dawˬ tawˆ luꞈ naˆ maˬ tseˇ nawˇ poˆ paˬ˗ehˇ gʼeh˗eu” meh. (Dawˬdaˬ 4:5-7) Jaˇliꞈ laꞈ kʼoeˇ ahˇ˗eu Miˬyehˇ˗euˬ zaˬ siˬ nui gahˇ˗ahˇ poˆ˗eu gʼaˇ duˬ, ya leh jeh˗eu meh. Teu loꞈ˗ehˇ jahˇ dahˬ beh˗eu gʼaˇ duˬ, “uˬ ciꞈ nah gʼahˇ maˬ ehˇ” Jaˇliꞈ ya gui˗eu meh. Teu naˇ yawˬ nah na luꞈ gui˗eu heu meh. (Yawˇshuˆ 1:8) Aˬ dui˗ahˇ Miˬyehˇ˗euˬ dawˬ˗ahˇ aˬ myah luꞈ gui mawꞈ ni caw ba nehˬ˗eu, nui noeˬ nui duˇ tiˬ jeˬ na˗ahˇ haw ma.
Miˬyehˇ˗euˬ dawˬ˗ahˇ gaˬ laˇ ni leh jeh luꞈ˗eu zaˬ guˬ deuˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Biˬdiˬoˬ heu laꞈ kʼoeˇ˗euˬ zaˬ guˬ deuˬ, Jaˇliꞈ gui˗eu heu naˇ, aˬ jeˬ miˇ neh maˬ awˬ nya lehˇ ehˇ˗eu nga? Aˬ myah luꞈ Jaˇliꞈ gui nya ni aˬ yawꞈ maꞈ˗ahˇ caw ba nehˬ˗euˬ aˬ jeˬ nga?
Mehˇlaˬniˬ
Saˬmeuˬlaˆ
Seuˇliˬ
Laˇpaˬeˬloˬ
Jaˇliꞈ aˬ geu gaˇ gui keuˆ˗euˬ lehˇ kawˆ taˬ: