Miˬyehˇ-euˬ gaˇ mˇ˗eu kʼoꞈ shuiꞈ laꞈ k’oeˇ, nawˇ aˬ jeˬ mˇ˗eu lehˇ aˇ pyaˇ daˬ taˬ leˬ?

Miˬyehˇ˗euˬ gaˇ mˇ˗eu lehˇ aˇ pyaˇ daˬ-eu jeˬ heu naˇ, Yeˬhawˇbaˬ-euˬ gaˇ-ahˇ yawˬ beh naˆ maˬ tseˇ mˇ˗awˇ, aˬ yawꞈ laˬ k’aˬ cehˇ ni mˇ gaˇ ehˇ mawꞈ-eu meh. Aˇ pyaˇ heu deuˬ naˇ, aˬ dui-ahˇ yaw tsaˬ yaw dawˇ paw huiˬ laˇ mahˇ laˇ ni caw ba˗awˇ gʼaˬ hawˇ˗eu aˇ yamˬ yaw gahˇ gahˇ˗ehˇ zmˬ nya ni caw ba nehˬ laꞈ-eu meh. (1 Tiˆmoˇseˬ 4:15) Aˬ dui aˬ jeˬ miˇ neh aˇ pyaˇ daˬ taˬ-eu jeˬ-ahˇ tiˬ k’ehˬ maˬ taˬ ya shaˇ noeˬ-eu nga? Aˬ jeˬ miˇ neh ehˇ naˇ aˬ dui-euˬ dehꞈ ziˇ poˆ laˇ paˇ laˇ nya-eu miˇ neh meh. Aˬ dui neh aˇ pyaˇ daˬ taˬ˗euˬ jeˬ-ahˇ maˬ paˇ mˇ nya-euˬ maˬ ngeuˇ naˇ, mˇ byah nya-awˇ aˇ pyaˇ yaw shuiꞈ hmˬ mˇ-eu lehˇ daˬ˗eu miˇ neh k’awꞈ pyeuꞈ nya meh.

Miˬyehˇ˗euˬ gaˇ mˇ˗eu lehˇ aˇ pyaˇ daˬ-eu k’aˇ muiˬ-eu aˇ yamˬ naˇ, Miˬyehˇ-euˬ gaˇ mˇ˗eu kʼoꞈ shuiꞈ laꞈ k’oeˇ dahˬ beh laˇ ngeh meh. Nawˇ yawˬ ha˗euˬ g’aˇ duˬ hawˇ-eu nymˇ jiˇ deuˬ˗euˬ gʼaˇ duˬ Miˬyehˇ-euˬ gaˇ mˇ-eu lehˇ aˇ pyaˇ daˬ-eu jeˬ nehˬ-ehˇ taꞈ leˇ˗awˇ nymˇ jiˇ uˬ duˬ tahˬ ngeh ngehˬ cawˬ paˬ-ehˇ g’eh˗eu meh.

Nawˇ aˬ jeˬ mˇ-eu lehˇ aˇ pyaˇ daˬ le? Nawˇ aˇ pyaˇ teu-ahˇ le keuˆ-eu gʼaˇ duˬ, aˬ jeˬ jeˇ ya mˇ-eu nga?