Poˆ jeˬ poˆ kawˆ

Zaˬ deuˬ mui niˇ gʼa˗eu gʼaˇ duˬ

Aˬ da aˬ ma deuˬ, zaˬ deuˬ˗ahˇ Yeˬhawˇbaˬ˗ahˇ siˬ nya laˇ ni mehˬ nehˬ˗eu aˇ yeˇ huiˬ dui dui˗eu meh. (Eˇpeˇsu 6:4) Yeˬhawˇbaˬ˗euˬ aˇ maꞈ aˇ muˇ aˬ da aˬ ma deuˬ˗ahˇ caw ba nehˬ˗eu gʼaˇ duˬ yaw myaˬ jeˬ lehˬ hmˬ taˬ˗euˬ meh. Nawˇ teu deuˬ˗ahˇ zmˬ˗awˇ zaˬ deuˬ˗ahˇ aˬ joˆ˗ehˇ mehˬ nya˗eu nga?

• jw.org gʼoeˇsaiˇ˗ahˇ haw. Aˬ dui˗euˬ gʼoeˇsaiˇ laꞈ kʼoeˇ zaˬ deuˬ˗euˬ gʼaˇ duˬ biˬdiˬoˬ hawˇ˗eu boꞈ niˇ gʼa nya˗eu jeˬ gʼawˬ mya ni ahˇ˗eu meh.a Aˬ jeˬ jeˇ jaˆ˗eu nga lehˇ haw˗eu gʼaˇ duˬ, “Zaˬ deuˬ” maˬ ngeuˇ naˇ “Zaˬ guˬ deuˬ” lehˇ boꞈ˗awˇ poˆ haw.

• Nawˬ˗euˬ zaˬ nehˬ˗ehˇ tsaˬ leˇ˗eu jeˬ˗ahˇ tseˇ. “Zaˬ deuˬ” lehˇ boꞈ taˬ˗euˬ gaˇ leˇ˗awˇ, nawˬ˗euˬ zaˬ nehˬ˗ehˇ gaˇ dahˇ tsoeˬ˗eu biˬdiˬoˬ hawˇ˗eu dawˬ caˇ deuˬ˗ahˇ tseˇ. Kʼoeˇ naˇ nawˇ “Nymˇ jiˇ uˬ duˬ tahˬ ngeh jahˇ nya˗eu jeˬ” lehˇ boꞈ˗awˇ poˆ nya meh.

• Zaˬ nehˬ˗ehˇ ngehˬ cawˬ˗eu aˇ yamˬ biꞈ. Biˬdiˬoˬ zaˬ tiˬ gʼaˬ tehꞈ˗ehˇ taˬ bi haw. Aˇ baˇ boꞈ niˇ gʼa˗eu jeˬ tehꞈ˗ehˇ taˬ bi jahˇ. Ehˇ kʼawꞈ zaˬ deuˬ˗ahˇ Yeˬhawˇbaˬ nehˬ˗ehˇ gʼoeˇ leˇ ni caw ba nehˬ˗eu gʼaˇ duˬ, tiˬ kawˆ loꞈ˗ehˇ mˇ mˇ˗ehˇ jahˇ.