Jaˇliꞈ˗ahˇ aˇ baˇ kʼawˆ teuꞈ loꞈ˗ehˇ zmˬ

Yaˬkoˆ Jaˇliꞈ˗ahˇ aˬ dui aˬ joˆ˗ehˇ gʼeh˗eu tsawˇ haˬ pyeuꞈ˗eu lehˇ bi mawˇ laˇ˗eu aˇ baˇ kʼawˆ teuꞈ nehˬ˗eh sheu cehˆ taˬ˗euˬ meh. (Yaˬkoˆ 1:22-25) Aˬ dui Jaˇliꞈ˗ahˇ aˇ baˇ kʼawˆ teuꞈ loꞈ˗ehˇ aˬ joˆ˗ehˇ zmˬ nya˗eu nga?

Yaw muiˬ˗ehˇ duꞈ yawˇ ni gui. Aˬ dui aˇ baˇ kʼawˆ teuꞈ˗ahˇ kʼaˇ haw maˬ haw tehꞈ˗ehˇ haw naˇ, laˆ paˇ paˬ˗ehˇ gʼeh˗eu tiˬ tsahˇ na˗ahˇ haw dzeuˇ gʼeh nya˗eu meh. Teu gaˇ duˇ ni aˬ dui Jaˇliꞈ˗ahˇ tehˬ law baw law˗ehˇ gui naˇ, laˆ paˇ paˬ˗ehˇ gʼeh˗eu jeˬ˗ahˇ maˬ mawˇ nya˗eu miˇ neh duꞈ yawˇ ni yaw muiˬ˗ehˇ ya gui˗eu meh.

Aˬ cawˬ laˆ paˇ paˬ˗ehˇ gʼeh˗eu jeˬ˗ahˇ maˬ ngeuˇ˗eu, yawˬ ha laˆ paˇ paˬ˗ehˇ gʼeh˗eu jeˬ˗ahˇ haw tsoˆ taˬ. Tiˬ poˆ na aˬ dui aˇ baˇ kʼawˆ teuꞈ˗ahˇ haw ngeh aˬ cawˬ˗ahˇ kʼawꞈ mawˇ laˇ nya˗awˇ, aˬ yawꞈ maꞈ laˆ paˇ paˬ˗ehˇ gʼeh˗eu jeˬ˗ahˇ kʼawꞈ mawˇ laˇ nya meh. Teu gaˇ duˇ ni aˬ dui Jaˇliꞈ gui ngeh jiˇ aˬ cawˬ gʼaˬ baˬ˗eu jeˬ˗ahˇ noeˬ doˆ laˇ nya˗eu meh. Toˆ˗ehˇ gʼeh naˇ, aˬ dui yawˬ ha laˆ paˇ paˬ˗ehˇ gʼeh˗eu jeˬ maˬ paˇ laˆ paˇ nya meh.

Gaˇ kahˇ dahˇ. Aˬ dui yawˬ ha gʼaˬ baˬ˗eu tsahˇ˗ahˇ tehꞈ˗ehˇ haw naˇ nui ma nyiˇ laˇ nya˗eu meh. Teu miˇ neh Jaˇliꞈ gui ngeh gaˇ kahˇ ya dahˇ˗awˇ, Yeˬhawˇbaˬ aˬ dui˗ahˇ noeˬ tmˬ˗eu taꞈ˗ehˇ yawˬ haˇ yawˬ ha aˇ dzehˬ˗ehˇ taˬ noeˬ tmˬ dzeuˇ.—Yaˬkoˆ. 3:17.

(Taiˬ hawˇ˗eu Mam dawˬ˗ahˇ haw nya meh.)