Aˇ baˇ˗ahˇ gaˇ dahˇ tsoeˬ˗eu jeˬ˗ehˇ zmˬ

Aˬ dui˗euˬ aˇ maꞈ aˇ muˇ˗euˬ paˇ dmˬ deuˬ laꞈ kʼoeˇ, aˇ yeˇ huiˬ˗eu gaˇ kawˆ˗ahˇ mehˬ nehˬ˗eu aˇ baˇ deuˬ gʼawˬ mya ni ahˇ˗eu meh. Aˬ dui aˇ baˇ˗ahˇ gaˇ dahˇ tsoeˬ˗eu jeˬ˗ehˇ aˬ joˆ˗ehˇ zmˬ nya˗eu nga?

• Gaˇ kawˆ˗ahˇ maˬ gui mi naˆ˗ehˇ aˇ baˇ˗ahˇ jeˬ hu haw. Kuiˇ laˇ paˬ˗ehˇ gʼeh˗eu gʼawˬ nyoeˇ˗ahˇ haw ngeh dzaˬ mawꞈ laˇ˗eu loꞈ˗ehˇ, aˇ baˇ˗ahˇ jeˬ hu haw naˇ jiˇ gaˇ kawˆ deuˬ˗ahˇ gui mawꞈ˗awˇ siˬ nya mawꞈ laˇ˗eu meh. Teu miˇ neh yawˬ ha˗ahˇ ‘Ngaˬ˗ahˇ aˬ jeˬ mawˇ laˇ nya?’ lehˇ naˇ haˬ.—Aˬmoˆ 7:7, 8.

• Gaˇ kawˆ˗ahˇ gui ngeh, aˇ baˇ heu baˇ aˬ jeˬ miˇ neh heu gaˇ dawˆ ahˇ taˬ nga lehˇ shaˇ noeˬ. Aˇ baˇ˗ahˇ taꞈ˗eu sahˬ boꞈ hawˇ˗eu aˇ baˇ˗euˬ gaˇ kawˆ jaˆ naˇ teu˗ahˇ jiˇ gui. Aˇ baˇ teu gaˇ kawˆ nehˬ˗ehˇ aˬ joˆ˗ehˇ taꞈ nga lehˇ shaˇ noeˬ˗awˇ, ngaˇ aˬ joˆ˗ehˇ zmˬ˗iˇ nya nga lehˇ shaˇ noeˬ.

• Gaˇ kawˆ˗ahˇ gui gʼaˬ naˇ, aˇ baˇ˗ahˇ tiˬ poˆ paˇ haw˗awˇ, heu kawˆ˗euˬ aˇ yeˇ huiˬ˗eu tsahˇ naˇ aˬ jeˬ nga lehˇ shaˇ noeˬ. Kʼoeˇ naˇ myaˆ nuiˆ miˆ tehˬ˗awˇ aˇ baˇ tiˬ poˆ paˇ shaˇ noeˬ haw. Aˇ yeˇ huiˬ˗eu tsahˇ˗ahˇ noeˬ taˬ nya ni leh jeh.

• Heu dmˬ laꞈ kʼoeˇ˗euˬ aˇ baˇ deuˬ˗ahˇ tiˬ poˆ paˇ haw˗awˇ, heu gaˇ ehˇ taˬ˗euˬ loꞈ˗ehˇ mˇ caw haw kaˇ˗euˇ.

(Taiˬ hawˇ˗eu Mam dawˬ˗ahˇ haw nya meh.)