Maˬ pyehˆ tseˇ mi naˆ˗ehˇ nui ma lehˬ hmˬ

Aˬ dui Jaˇliꞈ gui˗awˇ pyehˆ tsehˇ ngeh, Yeˬhawˇbaˬ nehˬ˗ehˇ taꞈ leˇ˗awˇ ya siˬ˗euˬ jeˬ, aˬ dui˗euˬ nui noeˬ, nui ma hawˇ˗eu mˇ jeˬ shaˇ kawˆ˗ahˇ bi uˆ lahˇ mawꞈ˗eu ma. Teu nehˬ˗ehˇ taꞈ leˇ˗awˇ, Eˇzaˬlaˬ yaw muiˬ˗ehˇ mˇ mehˬ yaꞈ˗euˬ meh. Aˬ yawꞈ ‘Sahˬ paˬ Miˬyehˇ˗euˬ zahˇ dawˬ kʼoꞈ dawˬ˗ahˇ dzaw geuꞈ˗eu gʼaˇ duˬ, noeˬ tsehˆ taˬ˗euˬ’ meh. (Eˇzaˬlaˬ 7:10) Eˇzaˬlaˬ loꞈ˗ehˇ nui ma˗ahˇ aˬ joˆ˗ehˇ lehˬ hmˬ taˬ nya˗eu nga?

Guiˬ lahˬ shaˇ. Maˬ pyehˆ tseˇ mi naˆ˗ehˇ guiˬ lahˬ shaˇ. Pyehˆ tseˇ˗eu gaˇ kawˆ˗ahˇ gʼoˆ shaw nya˗eu gʼaˇ duˬ hawˇ˗eu zmˬ˗iˇ nya˗eu gʼaˇ duˬ caw ba nehˬ laꞈ lehˇ Yeˬhawˇbaˬ shaˇ.—Ja ceuˬ 119:18, 34.

Taˬ aw˗eu jeˬ bi ahˇ. Yeˬhawˇbaˬ yawˬ ha˗euˬ zaˬ siˬ nui gahˇ˗ahˇ gʼaˬ gʼoe˗eu deuˬ hawˇ˗eu nui ma huiˬ˗eu deuˬ˗ahˇ yaw tsaˬ yaw dawˇ jeˬ maˬ pah mehˬ nehˬ˗a. (Luˇkaꞈ 10:21) Aˬ cawˬ˗euˬ mehˬ shi yawˬ ha bym˗eu nya˗eu lehˇ byaˬ˗eu gʼaˇ duˬ lehˇ noeˬ˗awˇ taˬ pyehˆ tseˇ. Yawˬ ha noeˬ˗eu jeˬ Miˬyehˇ˗euˬ nui noeˬ nehˬ˗ehˇ maˬ tsaˬ˗eu lehˇ ya siˬ ngeh, taˬ aw˗eu laꞈ kʼoeˇ laˆ poˆ laˆ paˇ mˇ.

Miˬyehˇ Miˇkʼahˬ dawˬ caˇ naˇ haˬ. Deuˇ˗mˬ teˇ saˇ heu naˇ, nui ma˗ahˇ zaw laˇ nya˗eu baoˬ ahˇ˗eu meh. Miˬyehˇ˗ahˇ uˬ duˬ tahˬ˗eu gʼaˇ duˬ nui ma˗ahˇ lehˬ hmˬ nehˬ˗eu meh. Teu miˇ neh yawˬ haˇ yawˬ ha Jaˇliꞈ maˬ pyehˆ tseˇ mi naˆ˗ehˇ Miˬyehˇ Miˇkʼahˬ dawˬ caˇ naˇ haˬ˗eu heu naˇ, nui ma˗ahˇ lehˬ hmˬ nehˬ˗eu jeˬ pyeuꞈ meh.

(Taiˬ hawˇ˗eu Mam dawˬ˗ahˇ haw nya meh.)