Nawˇ siˬ nya ma loˇ?

Yeˬsuˇ aˬ jeˬ miˇ neh kamˬ˗eu jeˬ˗ahˇ maˬ ya leˇ˗eu nga?

Moˇseˬ˗euˬ Zahˇ dawˬ laꞈ kʼoeˇ tsawˇ haˬ deuˬ “Ngaˇ Miˬyehˇ laꞈ kʼoeˇ kamˬ˗eu ma Ngaˇ Yeˬhawˇbaˬ˗euˬ tsawˇ myahˇ laꞈ kʼoeˇ kamˬ˗eu ma” lehˇ kamˬ nya˗eu meh. Ehˇ kʼawꞈ Yeˬsuˇ˗euˬ saˇ ka˗ahˇ naˇ kamˬ˗eu jeˬ tiˬ jeˬ maˬ ngeuˇ˗eu loꞈ˗ehˇ pyeuꞈ iˇ taˬ˗euˬ meh. Yuˇdaˆ tsawˇ jeuˬ deuˬ kʼaˇ ngeuˇ jeˬ˗ahˇ kamˬ˗eu meh. Aˬ yawꞈ maꞈ yawˬ ha neh ngehˬ˗eu jeˬ˗ahˇ aˬ cawˬ bi jah dzehˬ laˇ˗eu gʼaˇ duˬ teu loꞈ˗ehˇ jahˇ˗euˬ meh. Ehˇ kʼawꞈ gaˇ dahˇ maˬ tsoeˬ gaˇ kamˬ˗eu jeˬ˗ahˇ Yeˬsuˇ nyiˬ poˆ dehˬ˗euˬ meh. “Ngeuˇ naˇ ‘Ngeuˇ ma’ maˬ ngeuˇ naˇ ‘Maˬ ngeuˇ’ lehˇ tehꞈ˗ehˇ ehˇ˗awˬ” lehˇ Yeˬsuˇ mehˬ˗eu meh.—Maꞈtehˬ 5:33-37; 23:16-22.

Paˇ dmˬ tiˬ dmˬ laꞈ kʼoeˇ (Theological Dictionary of the New Testament) Tawˇmuꞈ paˇ dmˬ heu naˇ Yuˇdaˆ tsawˇ jeuˬ deuˬ yawˬ ha˗euˬ dawˬ maˇ maˇ ni gʼeh meh lehˇ gʼaˬ biꞈ˗eu gʼaˇ duˬ tiˬ jeˬ maˬ ngeuˇ˗eu loꞈ˗ehˇ kamˬ meh lehˇ aˬ dui˗ahˇ bi siˬ laꞈ˗eu meh. Aˬ jeˬ miˇ neh ehˇ naˇ Tawˇmuꞈ paˇ dmˬ laꞈ kʼoeˇ kamˬ˗eu aˬ geu jeˬ˗ahˇ ya mˇ caw˗eu aˬ jeˬ˗ahˇ maˬ ya mˇ caw˗eu lehˇ duꞈ yawˇ ni ja sawˇ taˬ˗euˬ miˇ neh meh.

Yeˬsuˇ gaˇ kawˆ heu˗ahˇ maˬ ya leˇ˗eu tiˬ gʼaˬ tehꞈ maˬ ngeuˇ˗a. Yaw jeˬ ma jeˬ gaˇ hu gaˇ kawˆ˗ahˇ pyehˆ tseˇ˗eu Yuˇdaˆ tsawˇ jeuˬ pyeuꞈ˗eu Peˇbiˬ˗ya Joˇsiˇpehꞈ kamˬ˗eu jeˬ˗ahˇ yahˇ˗eu Yuˇdaˆ tsawˇ jeuˬ tiˬ muˇ˗euˬ gaˇ kawˆ boꞈ taˬ˗euˬ meh. Teu muˇ naˇ kamˬ˗eu jeˬ˗aˬ jaˬ myawꞈ myawꞈ˗eu jeˬ naˆ maˬ tseˇ bahˬ nga lehˇ jah˗eu meh. Aˬ yawꞈ maꞈ yawˬ ha neh ngehˬ˗eu jeˬ˗ahˇ aˬ cawˬ bi jah˗eu gʼaˇ duˬ kamˬ naˇ jaˬ myawꞈ ya myawꞈ meh lehˇ jah˗eu meh. Siˆlaˆ˗euˬ zaˬ siˬ tsawˇ gahˇ boꞈ˗euˬ Yuˇdaˆ tsawˇ jeuˬ˗euˬ paˇ dmˬ maˬ ngeuˇ naˇ Dawˬtsoˆtsoˆ˗eu sahˬ boꞈ (23:11) laꞈ kʼoeˇ kʼawꞈ ni “Kamˬ˗eu deuˬ haiˬ˗eu tsawˇ haˬ pyeuꞈ meh” lehˇ ehˇ˗eu meh. Yeˬsuˇ aˇ yeˇ maˬ huiˬ˗eu gaˇ kawˆ˗ahˇ kamˬ gaˇ maˬ ya leˇ˗a. Aˬ dui aˬ myah luꞈ maˇ maˇ ni gʼeh˗eu jeˬ tehꞈ˗ehˇ ngehˬ naˇ aˬ dui neh ngehˬ˗eu jeˬ˗ahˇ aˬ cawˬ bi jah dzehˬ laˇ˗eu gʼaˇ duˬ kamˬ˗eu maˬ loˬ˗a.