Jaˇliꞈ tsawˇ haˬ˗euˬ dehꞈ ziˇ˗ahˇ laˆ paˇ

Aˬ yawꞈ maꞈ “aˇ dzehˬ dzeuˇ ni muiˬ˗eu aˇ caˇ caˇ kʼawꞈ sehˇ”˗ahˇ mawˇ mehˬ

Yeˬsuˇ Miˬyehˇ˗euˬ Miˇkʼahˬ tsawˇ haˬ zaˬ˗euˬ shaˬ zahˬ dawˬ tawˆ luꞈ˗ahˇ laˆ byoˆ nehˬ jiˇ meh lehˇ mehˬ˗eu meh. (Maꞈtehˬ 6:10) Aˬ yawꞈ Miˬyehˇ Miˇkʼahˬ nehˬ˗ehˇ taꞈ˗eu yaw tsaˬ yaw dawˇ jeˬ heu, aˇ poeˬ aˇ naˆ ni baw˗eu lehˇ bi siˬ˗eu gʼaˇ duˬ, Maꞈtehˬ 13:44-46 laꞈ kʼoeˇ yaw jeˬ ma jeˬ nyiˬ kawˆ˗ahˇ zmˬ˗awˇ dzawˇ nehˬ taˬ˗euˬ meh. Teu naˇ heu nyiˬ kawˆ meh.

Aˇ baˇ: Yeˬsuˇ neh ja˗euˬ yaw jeˬ ma jeˬ laꞈ kʼoeˇ˗euˬ tsawˇ haˬ nyiˬ gʼaˬ. 1. Zaˬ yo aˬ li tiˬ gʼaˬ deh ma duˬ luꞈ ngeh, ya mawˇ˗euˬ jeˬ˗ahˇ zahˬ leˇ˗awˇ haw luꞈ. 2. Nyaˆ taꞈ tiˬ gʼaˬ naˇ, aˇ caˇ caˇ kʼawꞈ sehˇ˗ahˇ haw haw˗ehˇ laˬ kʼaˬ cehˇ luꞈ.

Tsawˇ haˬ tiˬ gʼaˬ maˬ noeˬ˗euˬ gaˇ yaꞈ taˬ˗euˬ pyuˇ pahˬ˗ahˇ ya mawˇ˗euˬ meh.
Muiˬ dui dui˗eu aˇ caˇ caˇ kʼawꞈ sehˇ shaˇ poˆ luꞈ˗eu tsawˇ haˬ tiˬ gʼaˬ, aˇ dzehˬ˗ehˇ muiˬ˗eu aˇ caˇ caˇ kʼawꞈ sehˇ tiˬ siˬ˗ahˇ ya mawˇ˗euˬ meh.

Heu nyiˬ gʼaˬ luꞈ yawˬ ha neh ya mawˇ˗euˬ jeˬ˗ahˇ zeuˇ˗eu gʼaˇ duˬ, yawˬ ha kʼaˆ jaˆ˗eu jeˬ ahˬ˗euˬ meh. Heu nyiˬ gʼaˬ naˇ, Miˬyehˇ Miˇkʼahˬ˗ahˇ aˇ poeˬ taˬ baw dui dui˗eu miˇ neh, Miˇkʼahˬ heu˗ahˇ neh muiˬ˗eu jeˬ za˗eu gʼaˇ duˬ, gʼawˬ mya jeˬ˗ahˇ byehˇ˗euˬ deuˬ˗ahˇ ehˇ mawꞈ˗eu meh. (Luˇkaꞈ 18:29, 30) Biˬdiˬoˬ heu laꞈ kʼoeˇ Yeˬsuˇ neh ja˗euˬ loꞈ˗ehˇ mˇ˗euˬ tsawˇ haˬ nyiˬ gʼaˬ˗euˬ gaˇ kawˆ˗ahˇ ya siˬ meh.