• Tsawˇ haˬ shiˇ naˇ aˬ jeˬ pyeuꞈ˗iˇ˗eu nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 2. Shiˇ˗euˬ deuˬ maˇ maˇ ni aˬ joˆ˗ehˇ pyeuꞈ luꞈ˗eu lehˇ siˬ nya˗eu heu naˇ, aˬ dui˗ahˇ aˬ joˆ˗ehˇ gaˇ dahˇ tsoeˬ˗eu nga?

      Tsawˇ haˬ gʼawˬ mya ni shiˇ˗eu jeˬ˗ahˇ guˆ˗awˇ, shiˇ˗euˬ deuˬ˗ahˇ jiˇ guˆ˗eu meh. Ehˇ kʼawꞈ shiˇ˗eu jeˬ nehˬ˗ehˇ taꞈ leˇ˗awˇ Jaˇliꞈ mehˬ˗eu jeˬ˗ahˇ siˬ nya laˇ ngeh, nui ma saˇ laˇ meh. “Yaw tsaˬ yaw dawˇ jeˬ naw maꞈ˗ahˇ bi buˬ˗iˇ tehꞈ˗a” lehˇ Yeˬsuˇ ehˇ˗eu meh. (Yoˇhaˬ 8:32) Zahˇ tiˬ deuˬ na tsawˇ haˬ shiˇ dzeuˇ˗euˬ kʼawꞈ, saꞈ laˇ dehꞈ luꞈ˗a siˬ lehˇ mehˬ˗eu meh. Ehˇ kʼawꞈ Jaˇliꞈ teu loꞈ˗ehˇ maˬ mehˬ˗a. Shiˇ dzeuˇ˗euˬ deuˬ tiˬ jeˬ˗iˬ maˬ paˇ shaˬ, tiˬ jeˬ˗iˬ maˬ paˇ siˬ nya, aˬ dui˗ahˇ jiˇ tiˬ jeˬ˗iˬ yaw doeˇ maˬ jahˇ laˇ nya˗a. Teu miˇ neh aˬ yawꞈ maꞈ˗ahˇ damˬ nehˬ lawˇ nehˬ˗eu, guiˬ lahˬ shaˇ nehˬ˗eu, uˬ duˬ tahˬ˗eu maˬ loˬ˗a.

      Tiˬ deuˬ na shiˇ dzeuˇ˗euˬ deuˬ nehˬ˗ehˇ ngehˬ cawˬ nya ma lehˇ ehˇ˗eu meh. Ehˇ kʼawꞈ teu maˬ pyeuꞈ leˇ nya˗a. Nymˬ˗mˇ aˬ dui neh ja sawˇ laꞈ˗euˬ loꞈ˗ehˇ, shiˇ dzeuˇ˗euˬ deuˬ “tiˬ jeˬ˗iˬ maˬ paˇ siˬ nya” meh. Shiˇ dzeuˇ˗euˬ yawˬ ha gaˬ˗eu deuˬ nehˬ˗ehˇ ngehˬ cawˬ luꞈ ma lehˇ noeˬ˗eu deuˬ, maˇ diˇ naˇ shiˇ dzeuˇ˗euˬ deuˬ˗ahˇ laˆ duˇ taˬ˗euˬ nehꞈ deuˬ nehˬ˗ehˇ ngehˬ cawˬ luꞈ˗eu jeˬ pyeuꞈ meh. Teu miˇ neh shiˇ˗euˬ deuˬ maˇ diˇ naˇ aˬ joˆ˗ehˇ gʼeh˗eu lehˇ siˬ nya˗eu heu naˇ, nehꞈ deuˬ aˬ dui˗ahˇ yaw doeˇ jahˇ laˇ˗eu jeˬ˗ahˇ neh buˬ˗iˇ ni caw ba nehˬ laꞈ˗eu meh. Nehꞈ deuˬ nehˬ˗ehˇ ngehˬ cawˬ˗eu heu naˇ, aˬ dui˗ahˇ yaw haiˬ yaw doeˇ jeˬ keuˆ le meh lehˇ Yeˬhawˇbaˬ siˬ nya˗eu miˇ neh, shiˇ dzeuˇ˗euˬ deuˬ nehˬ˗ehˇ taˬ ngehˬ cawˬ lehˇ aˬ dui˗ahˇ saˇ tiˇ biꞈ˗eu meh.—Dawˬmehˬmehˬ˗eu 18:10-12-ahˇ gui.

  • Tsawˇ haˬ shiˇ naˇ aˬ jeˬ pyeuꞈ˗iˇ˗eu nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 4. Shiˇ˗euˬ deuˬ maˇ diˇ naˇ aˬ joˆ˗ehˇ pyeuꞈ luꞈ˗eu lehˇ siˬ duˬ˗eu heu, gaˇ dahˇ tsoeˬ

      Shiˇ˗euˬ deuˬ aˬ joˆ˗ehˇ gʼeh˗eu lehˇ yaw duˬ duˬ˗ehˇ siˬ nya taˬ naˇ, aˬ dui shiˇ˗euˬ deuˬ˗ahˇ maˬ paˇ guˆ meh. Dawˬtsoˆ 9:10-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Shiˇ˗euˬ deuˬ aˬ dui˗ahˇ yaw doeˇ jahˇ laˇ nya ngaˇ laˬ?

      Shiˇ˗eu jeˬ nehˬ˗ehˇ taꞈ leˇ˗awˇ maˇ maˇ ni Jaˇliꞈ mehˬ˗eu jeˬ˗ahˇ siˬ nya taˬ naˇ, mehˬ bahˬ taˬ˗euˬ gʼawˬ mya jeˬ˗ahˇ neh bi buˬ˗iˇ˗eu meh. Yaw jeˬ ma jeˬ, shiˇ˗euˬ tsawˇ haˬ˗ahˇ lawˇ nehˬ˗eu, aˬ yawꞈ maꞈ˗ahˇ uˬ duˬ tahˬ˗eu heu meh. Uˬduˬtahˬ˗eu 20:6 hawˇ˗eu Pah mehˬ˗eu 4:11-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Shiˇ dzeuˇ˗euˬ deuˬ˗ahˇ uˬ duˬ tahˬ˗eu maˬ ngeuˇ naˇ, aˬ yawꞈ maꞈ˗ahˇ shaˇ ju˗eu deuˬ˗ahˇ Yeˬhawˇbaˬ aˬ joˆ˗ehˇ noeˬ˗eu nga?

      Aˇ baˇ: Shiˇ˗euˬ tsawˇ haˬ˗ahˇ yaw zeu baw˗eu zahˇ sahˇ kʼoꞈ deuˬ. 1. Zaˬ yo aˬ li tiˬ gʼaˬ shiˇ˗euˬ tsawˇ haˬ˗ahˇ lawˇ nehˬ˗eu gʼaˇ duˬ, paw tsuiꞈ dmˬ˗awˇ guiˬ lahˬ shaˇ luꞈ. 2. Zaˬ yo aˬ li smˇ gʼaˬ yawˬ ha˗euˬ zahˇ sahˇ kʼoꞈ jaˆ˗eu loꞈ˗ehˇ gaˇ nyeh nyeh luꞈ. 3. Tsawˇ haˬ tiˬ deuˬ tsawˇ shiˇ˗euˬ aˇ nah zahˇ jahˇ ngeh, myaˆ pyawˬ˗ahˇ nehꞈ˗euˬ aˇ baˇ tsahˬ taˬ˗awˇ tiˬ kawˆ loꞈ˗ehˇ cah luꞈ.

      Shiˇ˗euˬ deuˬ maˇ maˇ ni aˬ joˆ˗ehˇ gʼeh luꞈ˗eu lehˇ ya siˬ duˬ˗euˬ heu naˇ, aˬ dui˗ahˇ Yeˬhawˇbaˬ maˬ ya leˇ˗eu zahˇ sahˇ kʼoꞈ˗ahˇ neh bi buˬ˗iˇ