• Yeˬsuˇ˗euˬ mehˬ nah caw teh˗eu jeˬ˗ahˇ tiˬ jeˬ neh˗iˬ taˬ bi laˆ tsoeˬ
    Loꞈ˗eu nymˇgoˇ (Dzaw dmˬ)—2021 | Ngaˬ siˬ ba la

    • (1) Yeˬsuˇ neh huiˬ laˇ˗euˬ jawˇ duˬ

      Piˇliˇpuˆ Naˬdaˬneˬlaˇ˗ahˇ dawˬ peh nuiˇ luꞈ˗eu, Yeˬsuˇ˗euˬ dawˬ peh ciˆ leˇ lehˇ gʼaˬ biꞈ.

      Yeˬsuˇ neh huiˬ laˇ˗euˬ jawˇ duˬ baˬ da neh, tsawˇ haˬ gʼawˬ mya gʼaˬ Yeˬsuˇ˗ahˇ maˬ ha geuꞈ˗a. Nymˬ˗mˇ iˬ nah tsawˇ haˬ deuˬ jiˇ gaˇ kawˆ teu baˬ da neh aˬ dui˗ahˇ maˬ ha geuꞈ. (Aˇ deuˆ 5-ahˇ haw)b

      5. Tiˬ deuˬ na Yeˬsuˇ˗ahˇ Meˬsiˇya maˬ ngeuˇ˗a lehˇ aˬ jeˬ miˇ neh noeˬ nya˗eu nga?

      5 Tsawˇ haˬ gʼawˬ mya gʼaˬ Yeˬsuˇ neh huiˬ laˇ˗euˬ jawˇ duˬ˗ahˇ haw˗awˇ aˬ yawꞈ˗ahˇ maˬ ha geuꞈ˗a. Aˬ yawꞈ maꞈ Yeˬsuˇ mehˬ nya dui dui˗awˇ zahˬ leˇ paˬ˗ehˇ gʼeh˗eu gʼawˬ mya jeˬ jahˇ nya meh lehˇ siˬ nya kʼawꞈ, Yeˬsuˇ˗ahˇ iˇ shaˬ shaˬ˗eu laꞈ saˇ maˇ˗euˬ aˬ liˬ tiˬ gʼaˬ pyeuꞈ˗eu lehˇ tehꞈ˗ehˇ haw˗eu meh. Kʼoeˇ naˇ Yeˬsuˇ aˬ cawˬ deuˬ teu naˆ naˆ˗ehˇ aˬ yeˇ maˬ huiˬ˗a lehˇ haw˗eu Naˬzaˬlehˇ meuˬ˗ahˇ˗euˬ tiˬ gʼaˬ pyeuꞈ˗eu meh. Yeˬsuˇ˗euˬ zaˬlahˇ tiˬ gʼaˬ pyeuꞈ laˇ˗eu Naˬdaˬneˬlaˇ kʼawꞈ ni “Naˬzaˬlehˇ meuˬ˗ahˇ gaˇ dahˇ tsoeˬ˗eu jeˬ mˇ doˆ laꞈ nya˗eu tsawˇ haˬ jawˇ tehꞈ˗a loˇ” lehˇ ehˇ˗eu meh. (Yoˇhaˬ 1:46) Toˆ˗ehˇ ehˇ˗eu teu naˇ Yeˬsuˇ jawˇ˗eu Naˬzaˬlehˇ meuˬ˗aˬ, teu naˆ naˆ˗ehˇ aˇ yeˇ maˬ huiˬ˗eu lehˇ haw˗eu miˇ neh kʼawꞈ pyeuꞈ nya˗awˇ, Meˬsiˇya˗aˬ Naˬzaˬlehˇ meuˬ˗ahˇ maˬ ngeuˇ˗eu Behˬlehˬhehˬ meuˬ˗ahˇ dehꞈ le meh lehˇ Miˇkaˬ 5:2 laꞈ kʼoeˇ maˬ keuˆ laˇ miˇ ehˇ taˬ˗euˬ dawˬ˗ahˇ siˬ nya˗eu miˇ neh kʼawꞈ pyeuꞈ nya meh.

      6. Yeˬsuˇ˗euˬ saˇ ka˗ahˇ˗euˬ tsawˇ haˬ deuˬ Yeˬsuˇ Meˬsiˇya pyeuꞈ meh lehˇ siˬ nya ni caw ba nehˬ paˬ˗ehˇ gʼeh˗eu aˬ jeˬ jaˆ˗eu nga?

      6 Jaˇliꞈ˗ahˇ aˬ jeˬ ehˇ taˬ˗euˬ nga? Muiˇ˗eu deuˬ Meˬsiˇya aˬ gaˇ neh aˬ joˆ˗ehˇ dehꞈ le˗eu gaˇ kawˆ˗ahˇ myaˆ haw maˬ cawˬ˗a lehˇ bawˇlawˇpeh Iˇsaˬyaˇ maˬ keuˆ laˇ miˇ ehˇ taˬ˗euˬ meh. (Iˇsaˬyaˇ 53:8) Maˇ diˇ naˇ gaˇ kawˆ teu˗ahˇ duꞈ yawˇ ni ehˇ taˬ dzeuˇ˗euˬ meh. Aˬ yawꞈ maꞈ gaˇ kawˆ teu˗ahˇ duꞈ yawˇ ni siˬ nya paˬ˗ehˇ leh jeh naˇ, Yeˬsuˇ˗aˬ Behˬlehˬhehˬ meuˬ˗ahˇ dehꞈ le˗awˇ Sahˬ paˬ Daˬbiˇ˗euˬ zaˬ deuˬ uˆ deuˬ pyeuꞈ˗eu lehˇ ya siˬ˗eu meh. (Luˇkaꞈ 2:4-7) Teu miˇ neh Yeˬsuˇ neh dehꞈ le˗euˬ jawˇ duˬ˗aˬ, Miˇkaˬ 5:2 laꞈ kʼoeˇ maˬ keuˆ laˇ miˇ ehˇ taˬ˗euˬ jawˇ duˬ nehˬ˗ehˇ duˇ leˇ˗eu meh. Toˆ˗ehˇ naˇ aˬ yawꞈ maꞈ Yeˬsuˇ˗ahˇ aˬ jeˬ miˇ neh maˬ ha geuꞈ˗eu nga? Aˬ yawꞈ maꞈ Yeˬsuˇ˗euˬ gaˇ kawˆ˗ahˇ duꞈ yawˇ ni maˬ siˬ nya mi na˗ehˇ kawˇ maˇ˗ehˇ daˇ˗eu miˇ neh meh.

  • Yeˬsuˇ˗euˬ mehˬ nah caw teh˗eu jeˬ˗ahˇ tiˬ jeˬ neh˗iˬ taˬ bi laˆ tsoeˬ
    Loꞈ˗eu nymˇgoˇ (Dzaw dmˬ)—2021 | Ngaˬ siˬ ba la

    • (2) Yeˬsuˇ zahˬ leˇ paˬ˗ehˇ gʼeh˗eu jeˬ jahˇ˗awˇ kʼahˬ sehˇ maˬ jehˆ

      Yeˬsuˇ tsawˇ haˬ deuˬ nehˬ˗ehˇ ngehˬ cawˬ luꞈ.

      Yeˬsuˇ zahˬ leˇ paˬ˗ehˇ gʼeh˗eu jeˬ maˬ mˇ˗eu baˬ da neh, tsawˇ haˬ gʼawˬ mya gʼaˬ Yeˬsuˇ˗ahˇ maˬ ha geuꞈ˗a. Nymˬ˗mˇ iˬ nah tsawˇ haˬ deuˬ jiˇ gaˇ kawˆ teu baˬ da neh aˬ dui˗ahˇ maˬ ha geuꞈ. (Aˇ deuˆ 9-10-ahˇ haw)c

      9. Yeˬsuˇ zahˬ leˇ paˬ˗ehˇ gʼeh˗eu jeˬ maˬ jahˇ ngeh, aˬ jeˬ pyeuꞈ laˇ˗euˬ nga?

      9 Yeˬsuˇ˗euˬ saˇ ka˗ahˇ˗euˬ tiˬ gʼaˬ na Yeˬsuˇ neh mehˬ˗euˬ jeˬ˗ahˇ tehꞈ˗ehˇ maˬ ngeuˇ˗eu Yeˬsuˇ Meˬsiˇya pyeuꞈ ngaˇ lehˇ siˬ duˬ˗eu gʼaˇ duˬ “mˬ kʼoeˇ taˆ˗euˬ zahˬ leˇ paˬ˗ehˇ gʼeh˗eu jeˬ” bi jahˇ mawꞈ˗eu meh. (Maꞈtehˬ 16:1) Aˬ yawꞈ maꞈ toˆ˗ehˇ bi jahˇ mawꞈ˗eu teu naˇ Daˬyeˬlaˇ 7:13, 14 laꞈ kʼoeˇ˗euˬ maˬ keuˆ laˇ miˇ ehˇ taˬ˗euˬ dawˬ˗ahˇ gʼoˆ shaw bahˬ˗euˬ miˇ neh kʼawꞈ pyeuꞈ nya meh. Ehˇ kʼawꞈ maˬ keuˆ laˇ miˇ ehˇ taˬ˗euˬ dawˬ teu bi byah laˇ˗eu gʼaˇ duˬ, Yeˬhawˇbaˬ neh ehˇ taˬ˗euˬ aˇ yamˬ maˬ keuˆ laˇ˗aˬ siˬ. Maˇ diˇ naˇ, aˬ yawꞈ maꞈ Yeˬsuˇ neh mehˬ˗euˬ jeˬ˗ahˇ haw˗awˇ, Yeˬsuˇ Meˬsiˇya pyeuꞈ˗eu lehˇ jah paˬ˗ehˇ gʼeh˗eu meh. Yeˬsuˇ aˬ yawꞈ maꞈ mawˇ mawꞈ˗eu zahˬ leˇ paˬ˗ehˇ gʼeh˗eu jeˬ maˬ jahˇ˗eu miˇ neh, aˬ yawꞈ maꞈ Yeˬsuˇ˗ahˇ maˬ ha geuꞈ˗a.—Maꞈtehˬ 16:4.

      10. Yeˬsuˇ Iˇsaˬyaˇ neh Meˬsiˇya gaˇ kawˆ nehˬ˗ehˇ taꞈ leˇ˗awˇ maˬ keuˆ laˇ miˇ ehˇ taˬ˗euˬ dawˬ˗ahˇ aˬ joˆ˗ehˇ mˇ byah˗euˬ nga?

      10 Jaˇliꞈ˗ahˇ aˬ jeˬ ehˇ taˬ˗euˬ nga? Bawˇlawˇpeh Iˇsaˬyaˇ Meˬsiˇya nehˬ˗ehˇ taꞈ leˇ˗awˇ “aˬ yawꞈ teˇ saˇ yaw kʼaˆ˗ehˇ maˬ guˇ ni, gaˇ ma kʼoeˇ taˆ aˬ yawꞈ˗euˬ dawˬ maˬ ya gaˬ˗a” lehˇ boꞈ taˬ˗euˬ meh. (Iˇsaˬyaˇ 42:1, 2) Yeˬsuˇ Miˬyehˇ˗euˬ gaˇ mˇ ngeh ciˬ cuˇ saˆ ni mˇ˗euˬ meh. Aˬ yawꞈ uˬ duˬ tahˬ nymˇ nymˇ ma lawˬ muˇ maˬ tsoˆ˗eu uˬ taꞈ, zahˇ paw taꞈ˗eu mehˬ tsoeˬ jiˇ maˬ dm˗a, aˇ yaˬ jaˆ˗eu tsawˇ myahˇ jiˇ maˬ bi kuˇ˗a. Yeˬsuˇ˗ahˇ nyehꞈ gʼeh˗awˇ naˇ haˬ tseˇ luꞈ ngeh, sahˬ paˬ Heˬloˆ Yeˬsuˇ zahˬ leˇ paˬ˗ehˇ gʼeh˗eu jeˬ jahˇ gaˇ mawˇ mawꞈ kʼawꞈ aˬ yawꞈ maˬ jahˇ nehˬ˗aˬ. (Luˇkaꞈ 23:8-11) Yeˬsuˇ miˇ tsaˬ kʼoeˇ taˆ jawˇ ngeh zahˬ leˇ paˬ˗ehˇ gʼeh˗eu jeˬ jahˇ kʼawꞈ, aˬ yawꞈ˗euˬ gʼaˇ duˬ aˇ yeˇ kʼaˇ huiˬ˗eu jeˬ naˇ, laˬ kʼaˬ cehˇ˗eu guiˬ lahˬ dawˬ tsaꞈ gaˬ˗eu heu pyeuꞈ meh. Yeˬsuˇ aˬ yawꞈ˗euˬ zaˬ lahˇ deuˬ˗ahˇ “dawˬ mehˬ mehˬ˗iˇ˗eu lehˇ ngaˇ oe˗euˬ ma” lehˇ ehˇ nehˬ˗euˬ meh.—Maˬkuˆ 1:38.