-
Gʼoꞈ dehꞈ laˇ˗eu jeˬ, yaw duˬ baw˗eu noeˬ tmˬ˗eu jeˬ pyeuꞈLoꞈ˗eu nymˇgoˇ (Dzaw dmˬ)—2020 | Tseˇ nyiꞈ siˬ ba la
-
-
Gʼawˬ mya gʼaˬ gʼoꞈ dehꞈ laˇ˗awˇ mˬ kʼoeˇ taˆ ya le˗eu kʼawꞈ, Yeˬsuˇ naˇ aˇ dahˬ beh˗eu gʼaˬ pyeuꞈ (Aˇ deuˆ 15-16-ahˇ haw)b
15. “Paˇ ya gʼoꞈ dehꞈ laˇ”˗eu “tsawˇ haˬ dawˬ tawˆ luꞈ” laꞈ kʼoeˇ aˬ suˇ gʼaˬ keuˬ˗eu nga?
15 Pawˇluˆ ‘Tsawˇ haˬ dawˬ tawˆ luꞈ, Ka li˗ahˇ taꞈ leˇ˗eu laꞈ kʼoeˇ paˇ ya gʼoꞈ dehꞈ laˇ tehꞈ˗a’ lehˇ ehˇ taˬ˗euˬ meh. (1 Gawˇliˬtu 15:22) Pawˇluˆ sahˬ boꞈ heu taꞈ mˬ kʼoeˇ taˆ ya gʼoꞈ dehꞈ leˇ˗eu Gawˇliˬtu meuˬ˗ahˇ jawˇ˗eu tseˇ doˆ taˬ˗euˬ Ka li zaˬ deuˬ˗ahˇ boꞈ nehˬ˗euˬ meh. Aˬ yawꞈ maꞈ naˇ “Miˬyehˇ˗euˬ muiˬ˗eu shawˇ˗eu tsawˇ haˬ bi geuꞈ˗eu gʼaˇ duˬ bi kuˇ doˆ˗awˇ” Pawˇluˆ aˬ yawꞈ maꞈ˗ahˇ “Ka li˗ahˇ jah˗eu shiˇ dzeuˇ˗euˬ tsawˇ haˬ deuˬ” pyeuꞈ meh lehˇ ehˇ˗eu meh. (1 Gawˇliˬtu 1:2; 15:18; 2 Gawˇliˬtu 5:17) Pawˇluˆ sahˬ boꞈ dzaˇ˗iˬ tiˬ taꞈ˗ahˇ ‘Aˬ yawꞈ loꞈ˗ehˇ shiˇ˗euˬ laꞈ kʼoeˇ aˬ yawꞈ˗ahˇ taꞈ leˇ’˗eu deuˬ, ‘aˬ yawꞈ loꞈ˗ehˇ paˇ gʼoꞈ dehꞈ laˇ˗eu laꞈ kʼoeˇ aˬ yawꞈ˗ahˇ paˇ ya taꞈ’˗eu meh lehˇ boꞈ˗euˬ meh. (Loˇmaˆ 6:3-5) Yeˬsuˇ mˬ taˆ˗euˬ gʼawˇ mawˇ gʼaˇ duˬ gʼoꞈ dehꞈ laˇ˗awˇ, mˬ kʼoeˇ taˆ le˗euˬ meh. Teu miˇ neh, muiˬ˗eu shawˇ˗eu yaw sahˇ neh tseˇ doˆ˗euˬ Yeˬsuˇ˗euˬ zaˬ lahˇ yawˬ gʼaˬ na luꞈ jiˇ teu loꞈ˗ehˇ gʼeh˗eu meh.
-
-
Gʼoꞈ dehꞈ laˇ˗eu jeˬ, yaw duˬ baw˗eu noeˬ tmˬ˗eu jeˬ pyeuꞈLoꞈ˗eu nymˇgoˇ (Dzaw dmˬ)—2020 | Tseˇ nyiꞈ siˬ ba la
-
-
17. Muiˬ˗eu shawˇ˗eu yaw sahˇ neh tseˇ doˆ˗euˬ ‘Ka li˗ahˇ jah˗eu tsawˇ haˬ deuˬ’ mˬ taˆ˗euˬ laꞈ sawˬ aˬ geu ngeh za˗eu nga?
17 Pawˇluˆ Gawˇliˬtu meuˬ˗ahˇ˗euˬ Ka li zaˬ deuˬ˗ahˇ sahˬ boꞈ boꞈ nehˬ ngeh, muiˬ˗eu shawˇ˗eu yaw sahˇ neh tseˇ doˆ˗euˬ ‘Ka li˗ahˇ jah˗eu tsawˇ haˬ deuˬ’ mˬ kʼoeˇ taˆ maˬ ya gʼoꞈ dehꞈ leˇ˗aˬ siˬ. Pawˇluˆ gaˇ kawˆ heu mehˬ hu paw pyeuꞈ laˇ meh lehˇ ehˇ˗eu meh. Pawˇluˆ “aˬ yawꞈ gʼaˬ yawꞈ˗ahˇ yawˬ ha˗euˬ aˇ yamˬ tsaˬ laˇ ngeh bi gʼoꞈ dehꞈ laˇ tehꞈ˗a. Ka li˗ahˇ aˬ cawˬ jeˬ hu bi gʼoꞈ dehꞈ laˇ gʼaˬ˗euˬ meh. Kʼoeˇ jiˇ naˇ, aˬ yawꞈ zaꞈ le ngeh, aˬ yawꞈ˗ahˇ taꞈ˗eu tsawˇ haˬ deuˬ˗ahˇ bi gʼoꞈ dehꞈ laˇ tehꞈ˗a” lehˇ boꞈ taˬ˗euˬ meh. (1 Gawˇliˬtu 15:23; 1 Teˇsaˬloˇni 4:15, 16) Shiˇ dzeuˇ˗euˬ gʼaˬ kʼehˇ deuˬ hawˇ˗eu muiˬ˗eu shawˇ˗eu yaw sahˇ neh tseˇ doˆ˗euˬ ‘Ka li˗ahˇ jah˗eu tsawˇ haˬ deuˬ’ Yeˬsuˇ zaꞈ le ngeh keuˆ ni dawˬ keuˆ˗awˇ neh tehꞈ˗ehˇ mˬ kʼoeˇ taˆ˗euˬ laꞈ sawˬ za˗awˇ, Yeˬsuˇ loꞈ˗ehˇ “paˇ gʼoꞈ dehꞈ laˇ˗eu laꞈ kʼoeˇ aˬ yawꞈ˗ahˇ paˇ ya taꞈ”˗eu meh. Nymˬ˗mˇ aˬ dui aˇ yamˬ teu yamˬ˗ahˇ dehꞈ luꞈ˗eu ma.
-