• Miˬyehˇ aˬ suˇ gʼaˬ nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 4. Yeˬhawˇbaˬ aˬ dui˗ahˇ aˬ yawꞈ˗euˬ tsawˇ myahˇ bi siˬ nya mawꞈ˗awˇ bi zmˬ mawꞈ

      Yeˬhawˇbaˬ aˬ dui˗ahˇ aˬ yawꞈ˗euˬ tsawˇ myahˇ bi siˬ nya mawꞈ˗eu lehˇ aˬ joˆ˗ehˇ siˬ laˇ˗eu nga? Biˬdiˬoˬ pah gʼaˬ naˇ, naˇ haˬ˗eu jeˬ heu˗ahˇ ja sawˇ.

      Biˬdiˬoˬ: Miˬyehˇ tsawˇ myahˇ baw meh loˇ?—Tiˬ tsahˇ na (3:11)

      ‘Miˬyehˇ tsawˇ myahˇ baw meh loˇ?—Tiˬ tsahˇ na’ lehˇ ehˇ˗eu biˬdiˬoˬ˗ahˇ neh laˇ˗euˬ aˇ baˇ tiˬ baˇ na. Zaˬ yo aˬ li tiˬ gʼaˬ 1611 kʼoꞈ˗ahˇ˗euˬ, ‘Kiˇ Jeˬ Jaˇliꞈ’ laꞈ kʼoeˇ, Ja ceuˬ 83:18-ahˇ Miˬyehˇ˗euˬ tsawˇ myahˇ Yeˬhawˇbaˬ lehˇ boꞈ taˬ˗euˬ gaˇ ya mawˇ.

      • Yeˬhawˇbaˬ aˬ dui˗ahˇ aˬ yawꞈ˗euˬ tsawˇ myahˇ˗ahˇ bi siˬ nya mawꞈ ngaˇ lehˇ noeˬ miˇ˗a loˇ? Aˬ jeˬ miˇ neh toˆ˗ehˇ noeˬ nya?

      Yeˬhawˇbaˬ tsawˇ haˬ deuˬ˗ahˇ aˬ yawꞈ˗euˬ tsawˇ myahˇ bi zmˬ mawꞈ˗eu meh. Loˇmaˆ 10:13-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Yeˬhawˇbaˬ lehˇ kuˇ˗eu Miˬyehˇ˗euˬ tsawˇ myahˇ˗ahˇ zmˬ˗eu heu naˇ, aˬ jeˬ miˇ neh aˇ yeˇ huiˬ˗eu nga?

      • Tiˬ gʼaˬ paˬ nawˬ˗euˬ tsawˇ myahˇ˗ahˇ noeˬ taˬ˗awˇ kuˇ ngeh, nawˬ˗ahˇ aˬ joˆ˗ehˇ gʼeh laˇ nya?

      • Aˬ dui Miˬyehˇ˗euˬ tsawˇ myahˇ˗ahˇ zmˬ ngeh, aˬ yawꞈ˗ahˇ aˬ joˆ˗ehˇ gʼeh leˇ paˬ nga?

  • Zahˇ kʼawꞈ deuˬ Miˬyehˇ˗euˬ tsawˇ myahˇ˗ahˇ laˆ cawˆ
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 1. Zahˇ kʼawꞈ deuˬ aˬ yawꞈ maꞈ mehˬ˗eu jeˬ neh Miˬyehˇ˗euˬ tsawˇ myahˇ˗ahˇ aˬ joˆ˗ehˇ laˆ cawˆ˗eu nga?

      Zahˇ kʼawꞈ deuˬ “Miˬyehˇ˗euˬ gaˇ kawˆ tsaˬ˗eu dawˇ˗eu jeˬ yuˇ˗awˇ, maˬ tsaˬ maˬ dawˇ˗eu jaˬ myawꞈ myawꞈ˗eu jeˬ˗ahˇ paˇ geuꞈ˗euˬ meh.” (Loˇmaˆ 1:25) Yaw jeˬ ma jeˬ, zahˇ deuˬ myaˬ tiˬ paˆ zaˬ lahˇ deuˬ˗ahˇ Miˬyehˇ˗euˬ tsawˇ myahˇ maˬ mehˬ nehˬ˗a. Jaˇliꞈ laꞈ kʼoeˇ naˇ, aˬ dui Miˬyehˇ˗euˬ tsawˇ myahˇ ya zmˬ meh lehˇ ehˇ taˬ˗euˬ meh. (Loˇmaˆ 10:13, 14) Zahˇ˗euˬ aˬ yuiꞈ tiˬ deuˬ na, maˬ muiˬ˗eu gaˇ kawˆ pyeuꞈ laˇ ngeh, teu naˇ Miˬyehˇ neh bi pyeuꞈ laˇ˗euˬ meh lehˇ ehˇ˗eu meh. Ehˇ kʼawꞈ maˇ diˇ naˇ teu loꞈ˗ehˇ maˬ ngeuˇ˗a, Miˬyehˇ maˬ muiˬ˗eu jeˬ˗ahˇ tiˬ jawˇ˗iˬ maˬ bi pyeuꞈ laˇ haw˗aˬ. (Yaˬkoˆ 1:13-ahˇ gui.) Zahˇ deuˬ neh mehˬ bahˬ˗euˬ jeˬ, tsawˇ haˬ deuˬ˗ahˇ Miˬyehˇ nehˬ˗ehˇ bi kaˬ˗iˇ˗eu meh.