• Miˬyehˇ Miˇkʼahˬ heu naˇ aˬ jeˬ nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 7. Miˬyehˇ Miˇkʼahˬ˗euˬ zahˇ sahˇ kʼoꞈ, tsawˇ haˬ zaˬ˗euˬ zahˇ sahˇ kʼoꞈ naˆ maˬ tseˇ muiˬ dzehˬ

      Sahˬ paˬ sahˬ ma deuˬ zaˬ lahˇ deuˬ˗ahˇ ngehˬ gʼeh haw piˇ nehˬ˗eu zahˇ sahˇ kʼoꞈ deuˬ jahˇ doˆ taˬ˗euˬ loꞈ˗ehˇ, Miˬyehˇ Miˇkʼahˬ jiˇ zaˬ lahˇ deuˬ ya mˇ caw˗eu zahˇ sahˇ kʼoꞈ deuˬ jaˆ˗eu meh. 1 Gawˇliˬtu 6:9-11-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Tsawˇ haˬ yawˬ gʼaˬ na luꞈ Miˬyehˇ˗euˬ zahˇ dawˬ˗ahˇ mˇ caw naˇ, miˇ tsaˬ heu siˬ aˬ joˆ˗ehˇ pyeuꞈ paˬ˗ehˇ gʼeh˗eu nga?a

      • Yeˬhawˇbaˬ Miˬyehˇ Miˇkʼahˬ uˆ lahˇ˗eu uˬ moˆ jawˇ˗eu deuˬ˗ahˇ zahˇ dawˬ kʼoꞈ dawˬ heu deuˬ˗ahˇ mˇ caw lehˇ ehˇ˗eu aˬ kawˬ˗aˬ jaˆ ngaˇ lehˇ noeˬ miˇ˗a laˬ? Aˬ jeˬ miˇ neh?

      • Zahˇ dawˬ kʼoꞈ dawˬ heu deuˬ˗ahˇ maˬ dehꞈ caw˗euˬ deuˬ, paˇ laˇ nya˗eu lehˇ aˬ joˆ˗ehˇ siˬ laˇ˗eu nga?—Aˇ deuˆ 11˗ahˇ haw.

      Gaˇ ma˗ahˇ haw˗eu yehˇ tiˬ gʼaˬ lawˬ liˬ tiˬ mawˇ˗ahˇ laˆ naˬ luꞈ ngeh, aˇ kʼoꞈ beu gaˇ˗eu tsawˇ haˬ deuˬ cah cehˆ luꞈ.

      Sahˬ paˬ sahˬ ma deuˬ zaˬ lahˇ deuˬ˗ahˇ ngehˬ gʼeh haw piˇ˗eu gʼaˇ duˬ, zahˇ sahˇ kʼoꞈ deuˬ jahˇ doˆ taˬ˗euˬ meh. Miˬyehˇ Miˇkʼahˬ jiˇ zaˬ lahˇ deuˬ˗ahˇ ngehˬ gʼeh haw piˇ˗eu gʼaˇ duˬ, teu naˆ maˬ tseˇ muiˬ˗eu zahˇ sahˇ kʼoꞈ deuˬ jaˆ meh

  • Yuꞈ taꞈ jawˇ taꞈ˗eu jeˬ nehˬ˗ehˇ taꞈ leˇ˗awˇ Jaˇliꞈ aˬ joˆ˗ehˇ ehˇ˗eu nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • Yeˬhawˇbaˬ aˬ dui˗euˬ gʼaˇ duˬ muiˬ dzehˬ˗eu jeˬ˗ahˇ siˬ nya˗eu meh. Aˬ yawꞈ aˬ dui˗ahˇ yaw muiˬ yaw shawˇ shawˇ˗ehˇ aˬ joˆ˗ehˇ dehꞈ nya˗eu lehˇ mehˬ nehˬ laꞈ˗awˇ, teu loꞈ˗ehˇ dehꞈ˗eu teu aˬ dui˗ahˇ aˬ joˆ˗ehˇ gaˇ dahˇ tsoeˬ˗eu lehˇ jiˇ mehˬ nehˬ taˬ˗euˬ meh. Dawˬdaˬ 7:7-27-ahˇ gui. Maˬ ngeuˇ naˇ, biˬdiˬoˬ pah. Kʼoeˇ naˇ, naˇ haˬ˗eu jeˬ heu˗ahˇ ja sawˇ.

      Biˬdiˬoˬ: Maˬ noeˬ siˬ nya˗eu tsawˇ haˬ (9:31)

      • Aˬ li zaˬ guˬ teu gʼaˬ, aˬ yawꞈ˗ahˇ lawˬ haw laˇ paˬ˗ehˇ gʼeh˗eu jawˇ duˬ˗ahˇ aˬ joˆ˗ehˇ iˇ keuˆ˗euˬ nga?—Dawˬdaˬ 7:8, 9-ahˇ haw.

      • Dawˬdaˬ 7:23, 26-ahˇ haw ngeh, dehꞈ bahˬ dehꞈ muˆ˗eu teu naˇ aˬ dui˗ahˇ maˬ muiˬ˗eu doeˇ dui dui˗eu jeˬ bi keuˆ le nya˗eu lehˇ siˬ laˇ˗eu meh. Aˬ dui yaw muiˬ yaw shawˇ shawˇ˗ehˇ dehꞈ naˇ, aˬ jeˬ jeˇ˗euˬ shaˬ zahˬ˗ahˇ yahˇ pyawˇ nya˗eu nga?

      • Yaw muiˬ yaw shawˇ shawˇ˗ehˇ dehꞈ˗eu heu naˇ, aˬ dui˗ahˇ mˬ maˬ maˬ byaˆ zaˇ ziˇ laˬ kʼaˬ tiˬ cehˇ dehꞈ nya ni aˬ joˆ˗ehˇ caw ba nehˬ˗eu nga?

      Tiˬ gʼaˬ na aˬ li aˬ buˇ cawˬ cawˬ kʼaˬ miˬ sheu˗eu jeˬ nehˬ˗ehˇ taꞈ leˇ˗awˇ Jaˇliꞈ mehˬ˗eu jeˬ teu aˇ dzehˬ dzeuˇ nya lehˇ noeˬ˗eu meh. Ehˇ kʼawꞈ gʼoeˇ˗eu gaˬ˗eu jeˬ pyeuꞈ˗eu Miˬyehˇ Yeˬhawˇbaˬ, aˬ dui yawˬ gʼaˬ na luꞈ˗ahˇ mˬ maˬ maˬ byaˆ zaˇ ziˇ laˬ kʼaˬ tiˬ cehˇ bi dehꞈ mawꞈ˗eu meh. Aˬ dui teu loꞈ˗ehˇ dehꞈ nya˗eu gʼaˇ duˬ, Miˬyehˇ˗euˬ zahˇ dawˬ˗ahˇ ya mˇ caw˗eu meh. 1 Gawˇliˬtu 6:9-11-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Miˬyehˇ˗euˬ mehˬ shi maˬ tsaˬ˗eu jeˬ naˇ, aˬ li aˬ buˇ cawˬ cawˬ kʼaˬ miˬ sheu˗eu heu tiˬ jeˬ tehꞈ nga laˬ?

      Miˬyehˇ aˬ dui˗ahˇ nui kʼahˇ bi shiˇ˗eu gʼaˇ duˬ, aˬ dui yawˬ gʼaˬ na luꞈ ya dehꞈ poˆ ya dehꞈ paˇ˗eu meh. Teu naˇ leh jeh poeˬ kʼoꞈ ngaˇ laˬ? Ja ceuˬ 19:8, 11-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Yuꞈ taꞈ jawˇ taꞈ˗eu jeˬ nehˬ˗ehˇ taꞈ leˇ˗awˇ Yeˬhawˇbaˬ˗euˬ zahˇ dawˬ heu naˇ tsaˬ ngaˇ lehˇ noeˬ miˇ˗a laˬ? Aˬ jeˬ miˇ neh?

      Aˇ baˇ: 1. Uˬ ciꞈ paw dawˬ deh gʼa duˬ˗ahˇ, laˬ kʼaˬ tiˬ pawꞈ˗iˬ maˬ cehˇ˗eu zaˬ miˬ aˬ buˇ tiˬ gʼaˬ, aˬ yawꞈ˗euˬ zaˬ kʼaˬ˗euˬ gaˇ dzeˇ nuiˇ taˬ˗awˇ, cawˬ deuˬ nehˬ˗ehˇ jiˇ baˬ hawˇ˗eu paꞈ yoˆ dawˇ luꞈ. 2. Zaˬ miˬ aˬ buˇ teu gʼaˬ Bawˬdzaˬnymˇ˗ahˇ mehˇ nmˇ deuˬ nehˬ˗ehˇ laˬ kʼaˬ tiˬ cehˇ ngehˬ cawˬ luꞈ.

      Yeˬhawˇbaˬ aˬ yawꞈ˗euˬ zahˇ dawˬ˗ahˇ mˇ caw nya ni tsawˇ haˬ gʼawˬ mya ni˗ahˇ caw ba nehˬ˗euˬ meh. Nawˬ˗ahˇ jiˇ caw ba nehˬ nya meh

  • Jiˇ baˬ dawˇ˗eu gaˇ kawˆ˗ahˇ Jaˇliꞈ aˬ joˆ˗ehˇ ehˇ˗eu nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 6. Tiˬ deuˬ na jiˇ baˬ aˬ joˆ˗ehˇ daˇ nya˗euˬ nga?

      Jiˇ baˬ dawˇ dzoˆ haw˗euˬ zaˬ yo aˬ li tiˬ gʼaˬ˗ahˇ jiˇ baˬ daˇ nya ni caw ba nehˬ˗euˬ aˬ jeˬ nga? Biˬdiˬoˬ pah gʼaˬ naˇ, naˇ haˬ˗eu jeˬ heu˗ahˇ ja sawˇ.

      Biˬdiˬoˬ: ‘Ngaˇ yawˬ ha˗euˬ dehꞈ jeˬ dehꞈ kawˆ˗ahˇ dehˆ dui dui laˇ haw˗euˬ ma’ (6:32)

      Aˇ baˇ: ‘Ngaˇ yawˬ ha˗euˬ dehꞈ jeˬ dehꞈ kawˆ˗ahˇ dehˆ dui dui laˇ haw˗euˬ ma’ lehˇ ehˇ˗eu biˬdiˬoˬ laꞈ kʼoeˇ neh laˇ˗euˬ aˇ baˇ tiˬ baˇ na. 1. Diˬmiˬtiˬ jiˇ baˬ maˇ caꞈ˗ahˇ haw luꞈ. 2. Diˬmiˬtiˬ aˬ yawꞈ peh˗euˬ nymˇ jiˇ nehˬ˗ehˇ Jaˇliꞈ ja sawˇ luꞈ.

      • Biˬdiˬoˬ laꞈ kʼoeˇ˗euˬ Diˬmiˬtiˬ, jiˇ baˬ dawˇ yehꞈ shawˇ˗euˬ naˇ aˬ joˆ˗ehˇ gʼeh˗eu nga?

      • Aˬ yawꞈ jiˇ baˬ tiˬ poˆ tehꞈ˗ehˇ taˆ lehˇ daˇ nya˗euˬ nga laˬ?

      • Aˇ nah naˇ, aˬ yawꞈ jiˇ baˬ aˬ joˆ˗ehˇ daˇ nya˗euˬ nga?

      1 Gawˇliˬtu 6:10, 11-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Jiˇ baˬ yehꞈ˗eu jeˬ nehˬ˗ehˇ taꞈ leˇ˗awˇ Jaˇliꞈ aˬ joˆ˗ehˇ ehˇ˗eu nga?

      • Jiˇ baˬ dawˇ dzoˆ˗euˬ deuˬ dehꞈ poˆ dehꞈ paˇ nya˗eu lehˇ aˬ joˆ˗ehˇ siˬ laˇ˗eu nga?

      Maꞈtehˬ 18:8-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Aˬ kuiˇ aˬ laꞈ deuˆ tsehˆ lehˇ ehˇ˗eu yaw jeˬ ma jeˬ heu naˇ, aˬ dui˗ahˇ Yeˬhawˇbaˬ nui kʼahˇ bi shiˇ˗eu gʼaˇ duˬ, aˬ dui tiˬ jeˬ na ya jahˇ gaˇ ehˇ mawꞈ˗eu meh. Nawˇ jiˇ baˬ dawˇ dzoˆ˗euˬ naˇ, jiˇ baˬ daˇ˗eu gʼaˇ duˬ aˬ jeˬ ya jahˇ˗eu nga?a

      1 Gawˇliˬtu 15:33-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Jiˇ baˬ aˇ dzehˬ˗ehˇ dawˇ˗eu deuˬ nehˬ˗ehˇ cawˬ cawˬ naˇ, nawˬ˗ahˇ aˬ joˆ˗ehˇ deuˬ laˇ nya˗eu nga?