• Cawˬ shaˇ baw˗eu hawˇ˗eu maˬ shaˇ baw˗eu gaˇ kawˆ˗ahˇ Jaˇliꞈ aˬ joˆ˗ehˇ ehˇ˗eu nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 5. Aˬ suˇ gʼaˬ nehˬ˗ehˇ nymˇ dahˬ dahˬ dzaˬ˗eu lehˇ yaw muiˬ˗ehˇ tseˇ

      Aˬ suˇ gʼaˬ nehˬ˗ehˇ nymˇ dahˬ dahˬ dzaˬ˗eu lehˇ tseˇ˗eu heu naˇ, dehꞈ ziˇ laꞈ kʼoeˇ yaw muiˬ˗ehˇ ya noeˬ tsehˆ˗eu aˇ yeˇ huiˬ dui dui˗eu tiˬ jeˬ pyeuꞈ meh. Maꞈtehˬ 19:4-6, 9-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Ka li zaˬ deuˬ cawˬ shaˇ baw˗eu aˬ jeˬ miˇ neh aˬ tehˬ tehˬ paˬ˗ehˇ maˬ gʼeh˗eu nga?

      Aˬ dui aˬ joˆ˗ehˇ gʼeh˗eu tsawˇ haˬ nehˬ˗ehˇ yuˇ paˬ˗ehˇ gʼeh˗eu lehˇ Jaˇliꞈ laꞈ kʼoeˇ ehˇ nehˬ taˬ˗euˬ meh. Aˇ yeˇ kʼaˇ huiˬ˗eu jeˬ naˇ, Yeˬhawˇbaˬ˗ahˇ gaˬ˗eu tsawˇ haˬ ya bi pyeuꞈ meh.b 1 Gawˇliˬtu 7:39 hawˇ˗eu 2 Gawˇliˬtu 6:14-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Aˬ jeˬ miˇ neh Ka li zaˬ pyeuꞈ˗eu deuˬ nehˬ˗ehˇ tehꞈ˗ehˇ cawˬ shaˇ baw paˬ˗ehˇ gʼeh˗eu nga?

      • Aˬ dui Yeˬhawˇbaˬ˗ahˇ maˬ gaˬ˗eu deuˬ nehˬ˗ehˇ cawˬ shaˇ baw naˇ, Yeˬhawˇbaˬ˗ahˇ aˬ joˆ˗ehˇ gʼeh leˇ paˬ nga lehˇ noeˬ nya?

      Gʼaˬ kʼaˆ dui dui˗eu mawˇ neˇ hawˇ˗eu yaw tiˇ tiˇ lehˇ gʼeh˗eu mahˬ tahˬ laˆ˗ahˇ gaˇ bi mˇ taˬ.

      Beu gaˇ dui dui˗eu jeˬ zaˬ nyiˬ mawˇ˗ahˇ gaˇ tiˬ kawˆ loꞈ˗ehˇ bi mˇ naˇ, nyiˬ mawˇ luꞈ shaˬ dui dui˗eu meh. Teu gaˇ duˇ ni, jah˗eu jeˬ maˬ duˇ leˇ˗eu deuˬ nehˬ˗ehˇ cawˬ shaˇ baw naˇ, gaˇ kawˆ gʼawˬ mya jeˬ doˆ laˇ nya meh