“Nga maꞈ˗euˬ nui ma tiˬ jawˇ˗iˬ gʼaˬ maˬ baˬ”

4:16-18

Oeˇ dui dui˗awˇ pyaˆ iˇ˗eu keuˆ laˇ˗euˬ iˇ kahˇ˗ahˇ jawˇ luꞈ˗eu nymˇ jiˇ nyiˬ jiˇ˗euˬ aˇ baˇ˗ahˇ shaˇ noeˬ haw sheˇ. Tiˬ pehˬ naˇ gʼaˬ baˬ˗awˇ noeˬ tmˬ kʼaˇ maˬ ya ni jawˇ luꞈ ngeh, tiˬ pehˬ naˇ laˬ kʼaˬ tiˬ cehˇ jawˇ˗eu meh. Aˬ jeˬ miˇ neh toˆ˗ehˇ gʼeh˗eu nga? Aˬ yawꞈ pehˬ gʼawˬ myahˇ maˬ gʼeh˗ehˇ muiˬ dui dui˗eu iˇ kahˇ yaw shuiꞈ˗ahˇ ya jawˇ˗iˇ miˇ neh meh.

“Kʼaˇ beh taˬ˗euˬ yawˬ jeˬ na luꞈ iˬ nah keuˆ ni shaˬ zahˬ naꞈ˗awˇ, zaˬ baw ngeh naˇ˗eu miˇ neh mahˇ˗eu loꞈ˗ehˇ ya mahˇ luꞈ˗eu” kʼawꞈ, Miˬyehˇ˗euˬ tsawˇ haˬ deuˬ naˇ, noeˬ tmˬ˗eu jeˬ jaˆ˗eu miˇ neh oˇ coeˇ˗eu meh. (Maˆ 8:22) Miˬyehˇ neh saˇ jaˇ dzaˬ taˬ˗euˬ miˇ shuiꞈ laꞈ kʼoeˇ mˬ maˬ maˬ byaˆ zaˇ ziˇ ya dehꞈ˗eu jeˬ nehˬ˗ehˇ sheu cehˆ ngeh, nymˬ˗mˇ aˬ dui ya tahˬ puˬ˗eu shaˬ zahˬ heu naˇ ‘tiˬ kʼehˬ tiˬ yamˬ laꞈ kʼoeˇ ya daˬ luꞈ˗eu ehˇ nyaꞈ maˬ nyeuˆ˗eu shaˬ zahˬ’ pyeuꞈ meh lehˇ aˬ dui siˬ nya˗eu ma. Aˬ dui mehˬ hu paw Miˬyehˇ Miˇkʼahˬ mˇ nehˬ le˗eu jeˬ˗ahˇ noeˬ mawˇ˗eu heu naˇ, aˬ dui˗ahˇ gʼaˬ maˬ bi baˬ˗eu uˬ taꞈ, laˬ kʼaˬ jiˇ cehˇ ni caw ba nehˬ˗eu meh.