• Iˇ cuꞈ shawˇ˗eu lehˇ noeˬ tsoˆ taˬ˗eu heu naˇ, aˇ yeˇ huiˬ dui dui
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 3. Iˇ cuꞈ shawˇ˗eu aˇ tiˆ˗ahˇ le keuˆ nya˗eu gʼaˇ duˬ, aˬ jeˬ jeˇ ya jahˇ˗eu nga?

      Aˬ dui iˇ cuꞈ maˬ shawˇ mi naˆ˗ehˇ Yeˬhawˇbaˬ˗euˬ gaˇ kawˆ ya siˬ nya˗awˇ, aˬ yawꞈ˗ahˇ nui jah ya ahˇ˗eu meh. (Heˬbyehˇ 11:6-ahˇ gui.) Aˬ dui zaˬ siˬ nui gahˇ hawˇ˗eu nui jah ngehˬ˗ehˇ myaˬ laˇ naˇ ngehˬ˗ehˇ, Yeˬhawˇbaˬ˗ahˇ gaˬ dzehˬ laˇ˗awˇ aˬ yawꞈ˗euˬ gaˇ kawˆ aˬ cawˬ˗ahˇ ja nehˬ mawꞈ laˇ˗eu uˬ taꞈ, aˬ yawꞈ˗euˬ zahˇ dawˬ˗ahˇ jiˇ dehꞈ caw mawꞈ laˇ˗eu meh. (2 Tiˆmoˇseˬ 4:2; 1 Yoˇhaˬ 5:3) Kʼoeˇ naˇ, Yeˬhawˇbaˬ Miˬyehˇ ‘bi dehꞈ mawꞈ˗eu loꞈ˗ehˇ dehꞈ nya laˇ˗awˇ aˬ yawꞈ nui kʼahˇ shiˇ˗eu jeˬ˗ahˇ mˇ nya laˇ’ ngeh, aˬ dui˗euˬ dehꞈ ziˇ Miˬyehˇ˗ahˇ a nehˬ˗awˇ iˇ cuꞈ shawˇ mawꞈ laˇ˗eu meh.—Gawˇlawˇsehˇ 1:9, 10.a

  • Nawˇ iˇ cuꞈ shawˇ˗eu dah laˇ maˬ loˇ?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 1. Iˇ cuꞈ maˬ shawˇ mi naˆ˗ehˇ Jaˇliꞈ laꞈ kʼoeˇ˗euˬ gaˇ kawˆ aˇ naˆ ni ya siˬ nya˗eu nga?

      Iˇ cuꞈ shawˇ nya˗eu gʼaˇ duˬ, ‘yaw tsaˬ yaw dawˇ jeˬ˗ahˇ ya siˬ nya’˗eu meh. (1 Tiˆmoˇseˬ 2:4) Heu naˇ Jaˇliꞈ laꞈ kʼoeˇ˗euˬ gaˇ kawˆ yawˬ jeˬ na luꞈ˗ahˇ ya siˬ nya jiˇ meh lehˇ ehˇ mawꞈ˗eu maˬ ngeuˇ˗a. Iˇ cuꞈ shawˇ˗euˬ myahˇ laˇ˗euˬ Ka li zaˬ deuˬ kʼawꞈ, Jaˇliꞈ laꞈ kʼoeˇ˗euˬ gaˇ kawˆ ya pyehˆ tseˇ daˆ leꞈ˗eu meh. (Gawˇlawˇsehˇ 1:9, 10) Nawˇ iˇ cuꞈ shawˇ nya˗eu gʼaˇ duˬ, Jaˇliꞈ laꞈ kʼoeˇ˗euˬ gaˇ kawˆ kawˆ ma deuˬ˗ahˇ ya siˬ nya˗eu meh. Aˇ muˇ˗ahˇ sheuˬ gʼeh˗eu deuˬ nawˬ neh siˬ nya taˬ˗euˬ jeˬ teu, loꞈ maˬ loꞈ lehˇ siˬ nya laˇ ni caw ba nehˬ nya meh.