• Nymˇ jiˇ laˬ kʼaˬ cehˇ ni aˬ joˆ˗ehˇ ya jahˇ˗eu nga?—Aˇ tsehˆ 1
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • Tiˬ jeˬ˗iˬ gaˇ kawˆ maˬ jaˆ˗eu nymˇ dahˬ lehˇ˗aˬ maˬ jawˇ˗a. Teu miˇ neh gaˇ kawˆ doˆ laˇ ngeh tiˬ kawˆ loꞈ˗ehˇ ya laˆ piˇ˗eu meh. Biˬdiˬoˬ pah gʼaˬ naˇ, naˇ haˬ˗eu jeˬ heu˗ahˇ ja sawˇ.

      Biˬdiˬoˬ: Nymˇ jiˇ ziꞈ laˇ ni jahˇ (5:44)

      • Biˬdiˬoˬ laꞈ kʼoeˇ˗euˬ miˬ sawˇ yo zaˬ heu gu, yaw beh loꞈ˗ehˇ maˬ paˇ gʼoeˇ˗euˬ lehˇ aˬ joˆ˗ehˇ siˬ laˇ˗eu nga?

      • Aˬ yawꞈ nyaꞈ yawˬ ha˗euˬ nymˇ dahˬ ziꞈ laˇ ni, aˬ jeˬ jeˇ jahˇ˗euˬ nga?

      1 Gawˇliˬtu 10:24 hawˇ˗eu Gawˇlawˇsehˇ 3:13-ahˇ gui. Jaˇliꞈ tiˬ deuˆ˗ahˇ kʼaˇ gui gʼaˬ ngeh, naˇ haˬ˗eu jeˬ heu˗ahˇ tiˬ poˆ naˇ haˬ.

      • Heu deuˆ laꞈ kʼoeˇ ehˇ taˬ˗euˬ jeˬ˗ahˇ mˇ caw naˇ, nymˇ dahˬ aˬ joˆ˗ehˇ ziꞈ laˇ˗eu nga?

      Jaˇliꞈ laꞈ kʼoeˇ tiˬ gʼaˬ tiˇ gʼaˬ ya taˬ huiˬ meh lehˇ ehˇ taˬ˗euˬ meh. Aˬ dui tiˬ gʼaˬ tiˇ gʼaˬ taˬ huiˬ˗eu gʼaˇ duˬ, nahˬ yu ni ya gʼeh˗awˇ yaw zeu ya baw˗eu meh. Loˇmaˆ 12:10 (Miˇ shuiꞈ dawˬ paˇ Jaˇliꞈa) gui gʼaˬ naˇ, naˇ haˬ˗eu jeˬ heu˗ahˇ ja sawˇ:

      • Miˬ sawˇ yo zaˬ deuˬ yawˬ ha˗euˬ nymˇ dahˬ paw neh jeˬ hu taˬ huiˬ nehˬ laꞈ gaˇ dawˬ paˬ˗ehˇ gʼeh ngaˇ laˬ? Aˬ jeˬ miˇ neh?

  • Aˇ muˇ laꞈ kʼoeˇ mehˬ bawˬ gm ni leh jeh
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 3. Mehˇ nmˇ tiˬ gʼaˬ na nehˬ˗ehˇ gaˇ kawˆ jaˆ naˇ aˬ joˆ˗ehˇ ya jahˇ˗eu nga?

      Aˬ dui˗aˬ mehˬ bawˬ gm kʼawꞈ, byah kuꞈ˗eu tsawˇ haˬ maˬ ngeuˇ. Tiˬ poˆ na aˬ dui tiˬ gʼaˬ tiˇ gʼaˬ nui ma laˆ cawˆ laˆ naˇ nya˗eu meh. Teu miˇ neh Jaˇliꞈ aˬ dui˗ahˇ aˬ myah luꞈ “tiˬ gʼaˬ tiˇ gʼaˬ iˬ baˇ pyehˬ˗awˬ” lehˇ ehˇ˗awˇ, ‘Yeˬhawˇbaˬ naw maꞈ˗ahˇ iˬ baˇ pyehˬ nehˬ laꞈ˗euˬ loꞈ˗ehˇ, tiˬ gʼaˬ tiˇ gʼaˬ iˬ baˇ pyehˬ˗awˬ’ lehˇ ehˇ˗eu meh. (Gawˇlawˇsehˇ 3:13-ahˇ gui.) Aˬ dui Yeˬhawˇbaˬ˗ahˇ nui ma gʼawˬ mya poˆ laˆ cawˆ nehˬ˗euˬ kʼawꞈ, aˬ yawꞈ aˬ dui˗ahˇ iˬ baˇ pyehˬ nehˬ laꞈ˗eu meh. Teu miˇ neh aˬ yawꞈ aˬ dui jiˇ mehˇ nmˇ deuˬ˗ahˇ iˬ baˇ pyehˬ nehˬ meh lehˇ noeˬ tmˬ˗eu meh. Nawˇ tiˬ gʼaˬ na˗ahˇ nui ma laˆ naˇ nehˬ˗euˬ lehˇ ya siˬ naˇ, yawˬ ha paw neh dahˬ beh˗awˇ laˆ tsaˬ˗eu leh jeh luꞈ˗uˇ.—Maꞈtehˬ 5:23, 24-ahˇ gui.b

  • Aˇ muˇ laꞈ kʼoeˇ mehˬ bawˬ gm ni leh jeh
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 5. Nui ma keuˆ˗eu laꞈ kʼoeˇ iˬ baˇ pyehˬ˗awˇ tsaˬ leˇ dzoeˇ leˇ ni leh jeh

      Yeˬhawˇbaˬ tiˬ jawˇ˗iˬ maˬ mˇ lehˬ haw˗euˬ miˇ neh iˬ baˇ shaˇ pyehˬ˗eu maˬ loˬ˗a. Ehˇ kʼawꞈ aˬ yawꞈ nui ma keuˆ˗eu laꞈ kʼoeˇ aˬ dui˗ahˇ iˬ baˇ pyehˬ nehˬ˗eu meh. Iˇsaˬyaˇ 55:7-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Yeˬhawˇbaˬ aˇ naˆ˗ahˇ keuˆ ni iˬ baˇ pyehˬ nehˬ˗eu nga?

      • Nawˇ Yeˬhawˇbaˬ neh iˬ baˇ pyehˬ nehˬ laꞈ˗euˬ jeˬ˗ahˇ, aˬ jeˬ miˇ neh guiˬ lahˬ huiˬ mawꞈ nya?

      • Aˬ geu ngeh aˬ cawˬ nehˬ˗ehˇ tsaˬ leˇ dzoeˇ leˇ˗eu yaw shaˬ nga?

      Yeˬhawˇbaˬ˗ahˇ dzaw geuꞈ˗eu laꞈ kʼoeˇ mehˇ nmˇ deuˬ nehˬ˗ehˇ tsaˬ leˇ dzoeˇ leˇ ni aˬ joˆ˗ehˇ ya jahˇ˗eu nga? Dawˬdaˬ 19:11-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Tiˬ gʼaˬ na aˬ dui˗ahˇ nui ma laˆ pehˇ laˇ ngeh, aˬ joˆ˗ehˇ jahˇ naˇ muiˬ dzehˬ nga?

      Tiˬ poˆ na aˬ dui aˬ cawˬ˗ahˇ nui ma laˆ pehˇ nya˗eu meh. Toˆ˗ehˇ pyeuꞈ laˇ ngeh aˬ dui aˬ joˆ˗ehˇ jahˇ paˬ˗ehˇ gʼeh˗eu nga? Biˬdiˬoˬ pah gʼaˬ naˇ, naˇ haˬ˗eu jeˬ heu˗ahˇ ja sawˇ.

      Biˬdiˬoˬ: Tsaˬ leˇ dzoeˇ leˇ˗eu jeˬ mˇ naˇ guiˬ lahˬ za (6:01)

      • Biˬdiˬoˬ laꞈ kʼoeˇ˗euˬ mehˇ nmˇ heu gʼaˬ laˆ tsaˬ laˆ dzoeˇ˗eu gʼaˇ duˬ, aˬ jeˬ jahˇ˗euˬ nga?