• Aˬ dui laˬ kʼaˬ cehˇ˗eu guiˬ lahˬ dawˬ, aˬ joˆ˗ehˇ ja nehˬ nya˗eu nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 1. Nawˇ dzaw luꞈ˗eu gaˇ kawˆ, nawˇ siˬ nya˗eu tsawˇ haˬ deuˬ˗ahˇ aˬ joˆ˗ehˇ ja nehˬ nya˗eu nga?

      Yeˬsuˇ˗euˬ zaˬ lahˇ deuˬ ‘Nga maꞈ neh kʼaˇ ya gaˬ kʼaˇ ya mawˇ˗euˬ gaˇ kawˆ heu maˬ ja˗ehˇ maˬ jawˇ coeˇ nya’ lehˇ ehˇ˗eu meh (Gʼaˬkʼehˇ 4:20) Aˬ yawꞈ maꞈ yaw tsaˬ yaw dawˇ jeˬ˗ahˇ aˇ poeˬ taˬ baw dui dui˗eu miˇ neh, tsawˇ haˬ deuˬ˗ahˇ kʼaˇ gʼeh nya gaˇ neh ja nehˬ mawꞈ˗eu meh. Nawˬ˗ahˇ jiˇ teu loꞈ˗ehˇ gʼeh miˇ˗a laˬ? Toˆ˗ehˇ naˇ aˬ geu ngeh yehꞈ laˇ nga lehˇ haw˗awˇ, nawˬ neh ya dzaw˗euˬ jeˬ nymˇ jiˇ laꞈ kʼoeˇ˗euˬ deuˬ hawˇ˗eu cawˬ deuˬ˗ahˇ yaw zeu baw˗eu laꞈ kʼoeˇ ja nehˬ nya meh.—Gawˇlawˇsehˇ 4:6-ahˇ gui.

      Heu loꞈ˗ehˇ jahˇ dahˬ beh nya

      • “Heu jaw˗ahˇ ngaˇ nui ma ahˇ laˇ paˬ˗ehˇ gʼeh˗eu gaˇ kawˆ tiˬ kawˆ˗ahˇ ya siˬ deˬ” lehˇ ehˇ˗awˇ, Jaˇliꞈ laꞈ kʼoeˇ˗euˬ gaˇ kawˆ tiˬ kawˆ ja nehˬ.

      • Jawˇ saˇ maˬ doˆ˗eu, maˬ ngeuˇ naˇ noeˬ shaˬ kʼahˬ lahˇ luꞈ˗eu cawˬ tiˬ gʼaˬ˗ahˇ, gʼaˬ bi ahˇ leˇ˗eu Jaˇliꞈ aˇ deuˆ tiˬ deuˆ gui nehˬ.

      • Nawˬ˗euˬ gaˇ mˇ cawˬ tiˬ gʼaˬ na, koꞈ nah jawˇ nah˗ahˇ aˬ gaˇ iˇ deˬ lehˇ naˇ haˬ laˇ ngeh, aˇ muˇ˗euˬ mehˬ bawˬ maˬ ngeuˇ naˇ Jaˇliꞈ dzaw˗euˬ gaˇ neh ya siˬ˗euˬ jeˬ ja nehˬ.

      • Cawˬ deuˬ˗ahˇ jw.org gʼoeˇsaiˇ bi haw.

      • Nawˇ Jaˇliꞈ dzaw ngeh tiˬ gʼaˬ na˗ahˇ jiˇ cawˬ laꞈ. Maˬ ngeuˇ naˇ jw.org gʼoeˇsaiˇ laꞈ kʼoeˇ ahˇ leˇ˗awˇ Jaˇliꞈ aˬ joˆ˗ehˇ shaˇ dzaw nya˗eu lehˇ mehˬ nehˬ.

  • Aˬ dui laˬ kʼaˬ cehˇ˗eu guiˬ lahˬ dawˬ, aˬ joˆ˗ehˇ ja nehˬ nya˗eu nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 4. Yaw zeu baw

      Aˬ cawˬ˗ahˇ laˬ kʼaˬ cehˇ˗eu guiˬ lahˬ dawˬ ja nehˬ ngeh, aˬ jeˬ˗euˬ gaˇ kawˆ ja nehˬ˗eu lehˇ tehꞈ˗ehˇ maˬ ngeuˇ˗eu, aˬ joˆ˗ehˇ ja nehˬ˗eu lehˇ jiˇ yaw muiˬ˗ehˇ ya shaˇ noeˬ˗eu meh. 2 Tiˆmoˇseˬ 2:24 hawˇ˗eu 1 Beˬtuˆluˆ 3:15-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Aˬ cawˬ˗ahˇ Jaˇliꞈ gaˇ kawˆ ja nehˬ ngeh, Jaˇliꞈ aˇ deuˆ heu deuˬ˗ahˇ aˬ joˆ˗ehˇ mˇ caw nya˗eu nga?

      • Nymˇ jiˇ laꞈ kʼoeˇ˗euˬ tiˬ gʼaˬ na hawˇ˗eu cawˬ deuˬ nawˬ neh ja nehˬ˗euˬ jeˬ˗ahˇ nui ma maˬ tsaˬ naˇ, aˬ jeˬ ya jahˇ˗eu nga? Aˬ jeˬ maˬ ya jahˇ˗eu nga?

      • Aˬ yawꞈ maꞈ˗ahˇ kʼoeˇ heu˗ahˇ ya jah˗a lehˇ maˬ ka tiˇ ni, naˇ haˬ˗eu jeˬ law muˇ zmˬ˗awˇ yaw muiˬ˗ehˇ ja sawˇ nehˬ naˇ, aˬ jeˬ miˇ neh muiˬ dzehˬ nga?

      Jaˇliꞈ dzaw zaˬ tiˬ gʼaˬ yawˬ ha˗euˬ yuiꞈ nyiˇ˗ahˇ Jaˇliꞈ laꞈ kʼoeˇ˗euˬ gaˇ kawˆ ja nehˬ luꞈ.