Loꞈ˗eu nymˇgoˇ Awˆlai Sahˬ boꞈ taˬ duˬ
Loꞈ˗eu nymˇgoˇ
Awˆlai Sahˬ boꞈ taˬ duˬ
Akha
?
  • ˆ
  • ꞈ
  • ˇ
  • ˬ
  • Jaˇliꞈ
  • Jahˇ doˆ taˬ˗euˬ jeˬ
  • Mehˬ bawˬ
  • Yeˬhawˇbaˬ˗euˬ Saˇ kiˇ deuˬ˗euˬ mehˬ bawˬ nawˬ˗ahˇ aˬ joˆ˗ehˇ gaˇ dahˇ tsoeˬ˗eu nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw
    • Dzaw deuˆ 10: Bawˬ dzaˬ luꞈ ngeh Yeˬhawˇbaˬ˗euˬ Saˇ kiˇ tiˬ gʼaˬ zaˬ yo aˬ li tiˬ gʼaˬ˗ahˇ Jaˇliꞈ pah˗awˇ bi haw luꞈ.

      Dzaw deuˆ 10

      Yeˬhawˇbaˬ˗euˬ Saˇ kiˇ deuˬ˗euˬ mehˬ bawˬ nawˬ˗ahˇ aˬ joˆ˗ehˇ gaˇ dahˇ tsoeˬ˗eu nga?

      Nawˇ Yeˬhawˇbaˬ˗euˬ Saˇ kiˇ deuˬ˗euˬ mehˬ bawˬ˗ahˇ iˇ haw maˬ loˇ? Maˬ iˇ haw˗euˬ naˇ ui cuiˆ na shaˬ zahˬ naꞈ˗eu paˬ. ‘Aˬ yawꞈ maꞈ˗euˬ mehˬ bawˬ˗ahˇ aˬ jeˬ jeˇ jahˇ˗eu nga? Mehˬ bawˬ heu aˬ jeˬ miˇ neh aˇ yeˇ huiˬ˗eu nga? Ngaˇ mehˬ bawˬ˗ahˇ aˬ jeˬ miˇ neh iˇ paˬ˗ehˇ gʼeh˗eu nga?’ lehˇ kʼawꞈ noeˬ˗eu paˬ. Mehˬ bawˬ˗ahˇ iˇ˗eu heu naˇ, Miˬyehˇ nehˬ˗ehˇ bi gʼoeˇ leˇ˗awˇ, nawˬ˗euˬ gʼaˇ duˬ jiˇ gaˇ dahˇ tsoeˬ˗eu lehˇ heu kawˆ laꞈ kʼoeˇ ja sawˇ ngeh ya siˬ meh.

      1. Yeˬhawˇbaˬ˗euˬ Saˇ kiˇ deuˬ aˬ jeˬ miˇ neh tiˬ kawˆ loꞈ˗ehˇ mehˬ bawˬ mˇ˗eu nga?

      Jaˇliꞈ boꞈ˗euˬ tiˬ gʼaˬ, tiˬ kawˆ loꞈ˗ehˇ mehˬ bawˬ mˇ˗eu teu naˇ aˬ jeˬ miˇ neh aˇ yeˇ huiˬ dui dui˗eu lehˇ ehˇ nehˬ taˬ˗euˬ meh. Aˬ yawꞈ ‘Ngaˇ tsawˇ haˬ aˇ maꞈ gʼahˇ ceh yawꞈ˗awˇ, Sahˬpaˬ Miˬyehˇ˗ahˇ ja ceuˬ ma’ lehˇ ehˇ˗eu meh. (Ja ceuˬ 26:12) Teu gaˇ duˇ ni Yeˬhawˇbaˬ˗euˬ Saˇ kiˇ deuˬ jiˇ tiˬ kawˆ loꞈ˗ehˇ mehˬ bawˬ ya mˇ gaˇ laˬ kʼaˬ cehˇ˗eu meh. Aˬ yawꞈ maꞈ Miˬyehˇ˗ahˇ ja ceuˬ˗awˇ uˬ duˬ tahˬ˗eu gʼaˇ duˬ maˬ ehˇ, dawˬ caˇ caˇ˗awˇ guiˬ lahˬ shaˇ˗eu gʼaˇ duˬ maˬ ehˇ, yawˬ jaw na luꞈ mawˇ dzoeˇ˗eu meh. Kʼoeˇ naˇ yawˬ kʼoꞈ na luꞈ huiˬ˗eu mehˬ bawˬ jiˇ jaˆ˗eu meh.

      2. Mehˬ bawˬ˗ahˇ neh aˬ jeˬ jeˇ ya siˬ˗eu nga?

      Mehˬ bawˬ mˇ ngeh, Jaˇliꞈ mehˬ nehˬ laꞈ˗awˇ, “Miˬyehˇ˗euˬ zahˇ dawˬ kʼoꞈ dawˬ˗ahˇ dawˬ tsuiꞈ yuˇ doˆ˗awˇ yaw muiˬ paˬ˗ehˇ ja sawˇ mehˬ nehˬ” laꞈ˗eu meh. (Neˬhaˬmiˇ 8:8-ahˇ gui.) Teu gaˇ iˇ naˇ, Yeˬhawˇbaˬ˗euˬ gaˇ kawˆ hawˇ˗eu aˬ yawꞈ aˬ joˆ˗ehˇ gʼeh˗eu Miˬyehˇ pyeuꞈ˗eu lehˇ ya siˬ˗awˇ, Miˬyehˇ nawˬ˗ahˇ aˇ naˆ ni gaˬ˗eu lehˇ ya siˬ ngeh, aˬ yawꞈ nehˬ˗ehˇ gʼoeˇ dzehˬ laˇ˗eu meh. Kʼoeˇ naˇ, nawˬ˗euˬ dehꞈ ziˇ muiˬ daˆ laˇ ni, aˬ yawꞈ aˬ joˆ˗ehˇ caw ba nehˬ luꞈ˗eu lehˇ jiˇ ya siˬ˗eu meh.—Iˇsaˬyaˇ 48:17, 18.

      3. Mehˬ bawˬ˗ahˇ laˇ˗euˬ deuˬ nehˬ˗ehˇ ngehˬ cawˬ˗eu heu naˇ, aˬ joˆ˗ehˇ gaˇ dahˇ tsoeˬ˗eu nga?

      Yeˬhawˇbaˬ aˬ dui˗ahˇ ‘aˬ cawˬ˗ahˇ gʼoeˇ nya gaˬ nya˗awˇ yaw muiˬ jeˬ mˇ nya ni, aˬ dui tiˬ gʼaˬ tiˇ gʼaˬ kʼahˇ kʼoꞈ˗awˇ ngehˬ gʼeh, tiˬ kawˆ loꞈ˗ehˇ tahˬ dzoeˇ’ lehˇ ehˇ˗eu meh. (Heˬbyehˇ 10:24, 25) Mehˬ bawˬ˗ahˇ iˇ ngeh, tiˬ gʼaˬ tiˇ gʼaˬ maˇ maˇ ni gaˬ˗eu deuˬ˗ahˇ ya mawˇ˗awˇ, nawˇ loꞈ˗ehˇ Miˬyehˇ˗euˬ gaˇ kawˆ˗ahˇ siˬ nya mawꞈ˗eu deuˬ˗ahˇ jiˇ ya mawˇ˗eu meh. Kʼoeˇ naˇ, Jaˇliꞈ˗ahˇ dawˬ pehˬ taˬ˗eu gʼaˬ bi ahˇ laˇ˗eu gaˇ kawˆ˗ahˇ jiˇ ya gaˬ˗eu meh. (Loˇmaˆ 1:11, 12-ahˇ gui.) Kʼoeˇ uˬ taꞈ, shaˬ zahˬ˗ahˇ yaw muiˬ˗ehˇ laˆ piˇ nya˗eu, nymˇ dahˬ baw˗eu deuˬ hawˇ˗eu maˬ baw˗eu deuˬ nehˬ˗ehˇ jiˇ cawˬ cawˬ nya˗eu meh. Teu miˇ neh Yeˬhawˇbaˬ aˬ dui˗ahˇ mehˬ bawˬ˗ahˇ bi iˇ mawꞈ˗eu meh. Heu naˇ aˬ dui˗ahˇ gaˇ dahˇ tsoeˬ˗eu tiˬ kawˆ na tehꞈ˗a siˬ.

      Naꞈ suiˇ ni dzaw

      Yeˬhawˇbaˬ˗euˬ Saˇ kiˇ deuˬ˗euˬ mehˬ bawˬ aˬ joˆ˗ehˇ gʼeh˗eu nga, mehˬ bawˬ˗ahˇ aˬ jeˬ miˇ neh leh jeh˗awˇ iˇ paˬ˗ehˇ gʼeh˗eu nga lehˇ haw.

      4. Yeˬhawˇbaˬ˗euˬ Saˇ kiˇ deuˬ˗euˬ mehˬ bawˬ

      Dahˬ beh˗euˬ Ka li zaˬ deuˬ Yeˬhawˇbaˬ˗ahˇ uˬ duˬ tahˬ˗eu gʼaˇ duˬ, aˬ myah luꞈ uiˬ laˇ˗eu meh. (Loˇmaˆ 16:3-5) Gawˇlawˇsehˇ 3:16-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Dahˬ beh˗euˬ Ka li zaˬ deuˬ Yeˬhawˇbaˬ˗ahˇ uˬ duˬ tahˬ ngeh aˬ jeˬ jeˇ jahˇ˗eu nga?

      Nymˬ˗mˇ iˬ nah˗euˬ Yeˬhawˇbaˬ˗euˬ Saˇ kiˇ deuˬ jiˇ aˬ myah luꞈ tiˬ kawˆ loꞈ˗ehˇ uiˬ leˇ˗eu meh. Aˬ yawꞈ maꞈ˗euˬ mehˬ bawˬ aˬ joˆ˗ehˇ gʼeh˗eu nga lehˇ haw˗eu gʼaˇ duˬ, biˬdiˬoˬ pah. Kʼoeˇ naˇ mehˬ bawˬ mˇ˗eu aˇ baˇ˗ahˇ haw˗awˇ, naˇ haˬ˗eu jeˬ heu˗ahˇ ja sawˇ.

      Biˬdiˬoˬ: Miˬyehˇ Miˇkʼahˬ Bawˬdzaˬnymˇ˗ahˇ nga maꞈ aˬ jeˬ jeˇ jahˇ˗eu nga? (2:12)

      • Nymˬ˗mˇ iˬ nah Bawˬdzaˬnymˇ˗ahˇ jahˇ luꞈ˗eu jeˬ, Gawˇlawˇsehˇ 3:16-ahˇ ehˇ taˬ˗euˬ jeˬ nehˬ˗ehˇ aˬ jeˬ jeˇ duˇ leˇ˗eu nga?

      • Biˬdiˬoˬ hawˇ˗eu aˇ baˇ˗ahˇ haw ngeh, nawˬ˗ahˇ aˬ geu jeˬ˗ahˇ ya leˇ nya?

      2 Gawˇliˬtu 9:7-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Yeˬhawˇbaˬ˗euˬ Saˇ kiˇ deuˬ˗euˬ mehˬ bawˬ˗ahˇ aˬ jeˬ miˇ neh pyuˇ damˬ maˬ oˆ˗eu nga?

      Heu jaw˗euˬ mehˬ bawˬ˗ahˇ aˬ jeˬ jeˇ˗euˬ gaˇ kawˆ˗ahˇ ja sawˇ˗eu nga lehˇ, nawˬ˗ahˇ Jaˇliꞈ mehˬ˗eu gʼaˬ nehˬ˗ehˇ haw.

      • Nawˬ˗ahˇ aˬ geu kawˆ˗ahˇ siˬ nya mawꞈ˗awˇ, nawˬ˗euˬ gʼaˇ duˬ gaˇ dahˇ tsoeˬ˗eu aˬ geu kawˆ nga?

      Nawˇ siˬ nya ma loˇ?

      jw.org gʼoeˇsaiˇ laꞈ kʼoeˇ, miˇ kʼahˬ doe ni jaˆ˗eu Yeˬhawˇbaˬ˗euˬ Saˇ kiˇ deuˬ˗euˬ mehˬ bawˬ aˬ geu ngeh yamˬ˗ahˇ jahˇ˗awˇ, aˬ gaˇ jahˇ˗eu lehˇ poˆ˗iˇ nya meh.

      Collage:Mehˬ bawˬ dahˬ maˬ beh laˇ mi naˆ˗ehˇ maˬ ehˇ, mehˬ bawˬ mˇ luꞈ ngeh maˬ ehˇ, mehˬ bawˬ jiˇ ngeh maˬ ehˇ, aˬ jeˬ jeˇ jahˇ˗eu lehˇ bi siˬ laˇ˗eu aˇ baˇ A˗ahˇ neh D˗ahˇ keuˆ ni. A. Yeˬhawˇbaˬ˗euˬ Saˇ kiˇ tiˬ gʼaˬ Jaˇliꞈ˗ahˇ dawˬ pehˬ taˬ˗awˇ dawˬ mehˬ mehˬ luꞈ. B. Yeˬhawˇbaˬ˗euˬ Saˇ kiˇ zaˬ miˬ aˬ buˇ tiˬ gʼaˬ, naˇ haˬ˗awˇ dawˬ kʼoꞈ bi biꞈ˗eu tsahˇ˗ahˇ nui noeˬ nui duˇ biꞈ luꞈ. C. Yeˬhawˇbaˬ˗euˬ Saˇ kiˇ tiˬ gʼaˬ mehˬ bawˬ jiˇ ngeh nymˇ jiˇ tiˬ jiˇ nehˬ˗ehˇ ngehˬ cawˬ luꞈ. D. Yeˬhawˇbaˬ˗euˬ Saˇ kiˇ tiˬ gʼaˬ mehˬ bawˬ˗ahˇ laˇ˗euˬ aˬ bawˇ tiˬ gʼaˬ˗ahˇ laˇ oˆ pah nehˬ luꞈ.
      1. Nga maꞈ˗euˬ mehˬ bawˬ˗ahˇ dawˬ mehˬ mehˬ˗awˇ, biˬdiˬoˬ deuˬ byaˬ˗eu uˬ taꞈ, tsaꞈ gaˬ˗eu hawˇ˗eu mehˬ˗eu paw jiˇ bym laˇ byehˆ laˇ ni dzaw nehˬ laꞈ˗eu meh. Mehˬ bawˬ dahˬ beh ngeh hawˇ˗eu aˇ saˬ saˬ ngeh, dawˬ caˇ caˇ˗awˇ guiˬ lahˬ shaˇ˗eu meh

      2. Mehˬ bawˬ laꞈ kʼoeˇ˗euˬ tiˬ kawˆ na˗ahˇ, yawˬ gʼaˬ na luꞈ nui noeˬ nui duˇ biꞈ nya meh

      3. Zaˬ guˬ tsawˇ mawˬ maˬ ehˇ, nymˇ dahˬ baw˗eu hawˇ˗eu maˬ baw˗eu deuˬ˗ahˇ maˬ ehˇ, yawˬ gʼaˬ na luꞈ˗ahˇ ha geuꞈ meh

      4. Yeˬhawˇbaˬ˗euˬ Saˇ kiˇ deuˬ˗euˬ mehˬ bawˬ˗ahˇ pyuˇ damˬ maˬ oˆ˗a

      5. Mehˬ bawˬ˗ahˇ iˇ˗eu gʼaˇ duˬ ya leh jeh

      Yeˬsuˇ pehˬ˗euˬ nymˇ jiˇ˗ahˇ shaˇ noeˬ haw sheˇ. Aˬ yawꞈ maꞈ aˇ yeˇ huiˬ˗eu mehˬ bawˬ˗ahˇ yawˬ kʼoꞈ na luꞈ iˇ˗eu gʼaˇ duˬ, Naˬzaˬlehˇ meuˬ˗ahˇ neh Yeˬluˇsaˬlehˬ meuˬ˗ahˇ keuˆ ni, gawˬ jawˬ gawˬ duˇ doe˗i smˬ nah ehˇ gʼaˬ ni gaˇ ma ya cah˗eu meh. Luˇkaꞈ 2:39-42-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Yeˬluˇsaˬlehˬ meuˬ˗ahˇ iˇ˗eu gʼaˇ duˬ, ya leh jeh ngaˇ laˬ?

      • Nawˬ˗ahˇ tawˇ neh mehˬ bawˬ˗ahˇ iˇ˗eu gʼaˇ duˬ, aˬ jeˬ jeˇ ya leh jeh nya?

      • Leh jeh poeˬ kʼoꞈ ngaˇ lehˇ nawˬ˗ahˇ noeˬ miˇ˗a laˬ? Aˬ jeˬ miˇ neh?

      Aˇ baˇ: Yoˇsehˆ, Maˬliˇ, Yeˬsuˇ hawˇ˗eu aˬ yawꞈ˗euˬ aˬ nyiˇ tiˬ gʼaˬ, gaˇ ma doˆ˗iˇ˗eu gʼaˇ duˬ lehˬ hmˬ luꞈ. 1. Yoˇsehˆ mahˬ tahˬ laˆ kʼoeˇ taˆ mˇ myawˬ baꞈ daˆ luꞈ, Maˬliˇ dzaˬ dzaˬ dawˇ dawˇ lehˬ hmˬ luꞈ. 2. Naˬzaˬlehˇ˗ahˇ neh Yeˬluˇsaˬlehˬ meuˬ˗ahˇ iˇ˗eu miˇ kʼahˬ aˇ baˇ.

      Uˬ duˬ tahˬ˗eu gʼaˇ duˬ, tiˬ gaˇ uiˬ leˇ˗eu heu naˇ aˇ yeˇ huiˬ dui dui meh lehˇ Jaˇliꞈ ehˇ˗eu meh. Heˬbyehˇ 10:24, 25-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Aˬ dui aˬ jeˬ miˇ neh aˬ myah luꞈ mehˬ bawˬ˗ahˇ iˇ paˬ˗ehˇ gʼeh˗eu nga?

      Tiˬ gʼaˬ na ehˇ˗eu: “Aˬ cawˬ nehˬ˗ehˇ uiˬ leˇ˗eu maˬ loˬ˗a, iˇ kahˇ jawˇ neh Jaˇliꞈ gui naˇ gʼaˬ meh.”

      • Yeˬhawˇbaˬ aˬ dui˗ahˇ mehˬ bawˬ˗ahˇ bi iˇ mawꞈ˗eu lehˇ Jaˇliꞈ aˬ geu deuˆ˗ahˇ haw ngeh siˬ laˇ˗eu nga? Aˬ suˇ gʼaˬ˗euˬ gaˇ kawˆ yaw jeˬ ma jeˬ ahˇ˗eu nga?

      Kawˆ shawˆ

      Nawˇ mehˬ bawˬ˗ahˇ iˇ naˇ Yeˬhawˇbaˬ Miˬyehˇ˗euˬ gaˇ kawˆ˗ahˇ siˬ nya dzehˬ laˇ˗awˇ, Miˬyehˇ nehˬ˗ehˇ gʼoeˇ dzehˬ laˇ˗eu uˬ taꞈ, aˬ cawˬ nehˬ˗ehˇ jiˇ Yeˬhawˇbaˬ˗ahˇ uˬ duˬ tahˬ nya˗eu meh.

      Ja sawˇ poˆ˗eu

      • Yeˬhawˇbaˬ aˬ dui˗ahˇ aˬ jeˬ miˇ neh mehˬ bawˬ˗ahˇ bi iˇ mawꞈ˗eu nga?

      • Yeˬhawˇbaˬ˗euˬ Saˇ kiˇ deuˬ˗euˬ mehˬ bawˬ˗ahˇ neh nawˇ aˬ jeˬ jeˇ ya siˬ˗eu nga?

      • Mehˬ bawˬ˗ahˇ neh gaˇ dahˇ tsoeˬ˗eu aˬ jeˬ paˇ za nya nga siˬ?

      Ngaˇ mˇ˗eu lehˇ noeˬ taˬ˗euˬ jeˬ

      Haw lahˬ

      Nawˇ mehˬ bawˬ˗ahˇ iˇ˗eu gʼaˇ duˬ shaˬ zahˬ naꞈ luꞈ naˇ, teu loꞈ˗ehˇ gʼeh haw˗euˬ zaˬ yo aˬ li tiˬ gʼaˬ aˬ jeˬ miˇ neh mehˬ bawˬ˗ahˇ iˇ mawꞈ laˇ˗euˬ nga lehˇ haw.

      Lmˇ boˬ ni ha nehˬ laꞈ gaˇ maˬ ngehˇ leˇ coeˇ nya (4:16)

      Zaˬ guˬ tiˬ gʼaˬ aˬ jeˬ miˇ neh mehˬ bawˬ˗ahˇ iˇ gaˇ ya leˇ˗eu nga? Aˬ yawꞈ aˬ myah luꞈ iˇ nya˗eu gʼaˇ duˬ aˬ jeˬ jeˇ jahˇ˗euˬ nga lehˇ haw.

      Ngaˬ˗ahˇ mehˬ bawˬ˗ahˇ ya leˇ lehˇ miˇ˗a (4:33)

      Gʼawˬ mya gʼaˬ mehˬ bawˬ˗ahˇ ya iˇ gaˇ aˬ joˆ˗ehˇ noeˬ˗eu nga lehˇ haw.

      “Bawˬdzaˬnymˇ˗ahˇ aˬ jeˬ miˇ neh iˇ paˬ˗ehˇ gʼeh˗eu nga?” (Iˇteuꞈnehꞈ laꞈ kʼoeˇ˗euˬ gaˇ kawˆ)

      Tahˇ joe tiˬ gʼaˬ Yeˬhawˇbaˬ˗euˬ Saˇ kiˇ deuˬ˗euˬ mehˬ bawˬ˗ahˇ iˇ˗euˬ taꞈ naˇ, aˬ yawꞈ˗euˬ dehꞈ ziˇ aˬ joˆ˗ehˇ paˇ laˇ˗euˬ nga lehˇ haw.

      “Ngaˇ miˬ beuˆ maˬ yuˇ ni tiˬ gaˇ˗iˬ maˬ iˇ” (Loꞈ˗eu nymˇgoˇ, 2014 Koꞈ siˬ ba la 1)

  • Nymˬ˗mˇ Miˬyehˇ Miˇ kʼahˬ uˆ lahˇ shaw
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw
    • 5. 1914 kʼoꞈ˗ahˇ neh naˇ miˇ tsaˬ heu siˬ poˆ laˇ paˇ laˇ

      Biˬdiˬoˬ pah.

      Biˬdiˬoˬ: 1914 kʼoꞈ˗ahˇ neh naˇ, miˇ tsaˬ heu siˬ poˆ laˇ paˇ laˇ (1:10)

      Yeˬsuˇ aˬ yawꞈ Sahˬ paˬ keuˆ leˇ gʼaˬ ngeh, miˇ tsaˬ kʼoeˇ taˆ aˬ jeˬ jeˇ pyeuꞈ laˇ˗eu lehˇ maˬ keuˆ laˇ miˇ ehˇ taˬ˗euˬ meh. Luˇkaꞈ 21:9-11-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Jaˇliꞈ aˇ deuˆ heu deuˬ˗ahˇ ehˇ taˬ˗euˬ loꞈ˗ehˇ nawˇ aˬ jeˬ jeˇ ya siˬ ya mawˇ deˬ?

      Aˇ saˬ saˬ˗eu aˇ nah aˇ yamˬ laꞈ kʼoeˇ˗euˬ tsawˇ haˬ deuˬ aˬ joˇ joˆ˗ehˇ gʼeh˗eu lehˇ gʼaˬ kʼehˇ Pawˇluˆ ehˇ taˬ˗euˬ meh. 2 Tiˆmoˇseˬ 3:1-5-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Jaˇliꞈ aˇ deuˆ heu deuˬ˗ahˇ ehˇ taˬ˗euˬ loꞈ˗ehˇ gʼeh˗eu tsawˇ haˬ deuˬ˗ahˇ nawˇ ya mawˇ maˬ loˇ?

      Aˇ baˇ: Aˇ saˬ saˬ˗eu aˇ nah aˇ yamˬ˗ahˇ pyeuꞈ luꞈ˗eu gaˇ kawˆ deuˬ hawˇ˗eu tsawˇ haˬ˗euˬ nui ma. 1. Yehˇ˗euˬ aˬ yuiꞈ tiˬ gʼaˬ aˬ laꞈ cawˬ diˇ cawˬ diˇ˗ehˇ guˇ luꞈ. 2. Miˇ luˆ luˆ˗euˬ miˇ neh, iˇ kahˇ ga pyaˆ. 3. Guiˇ deuˆ˗eu saˇ pawˇ. 4. Tsawˇ haˬ deuˬ kʼaˬ meh kaꞈ tsahˬ˗awˇ cah luꞈ. 5. Niˬ˗yuˬ Yawˇ meuˬ˗ahˇ˗euˬ nymˇ nymˇ goˇ nyiˬ nymˇ˗ahˇ aˬ cawˬ deuˆ le˗euˬ miˇ neh miˬ dzaˬ puiˆ luꞈ. 6. Zaˬ yo aˬ li tiˬ gʼaˬ ya piˇ ya maˇ dzaˬ luꞈ. 7. Kʼaˬ dzeˇ zaˬ tiˬ gʼaˬ yawˬ ha˗euˬ miˬ zaˬ˗ahˇ teˇ˗eu lehˇ gʼeh luꞈ. 8. Ya hawˬ ya piˇ jiˇ baˬ deuˬ. 9. Saˇ ka˗ahˇ miˇ˗eu mehˬ tsoeˬ dmˬ taˬ˗euˬ zaˬ miˬ aˬ buˇ nyiˬ gʼaˬ aˇ baˇ deh luꞈ. 10. Tsawˇ haˬ uiˬ leˇ˗awˇ dawˬ caˇ caˇ byawˬ luꞈ. 11. Aˬ cawˬ˗ahˇ laˆ tsoeˬ˗eu deuˬ miˬ dzaˬ ahˇ˗eu maˇ caꞈ biˬ luꞈ.

      6. Miˬyehˇ˗euˬ Miˇkʼahˬ uˆ lahˇ shaw˗euˬ lehˇ ya siˬ˗euˬ miˇ neh, aˬ dui aˬ jeˬ jahˇ paˬ˗ehˇ gʼeh˗eu nga?

      Maꞈtehˬ 24:3, 14-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Miˬyehˇ Miˇkʼahˬ uˆ lahˇ shaw˗euˬ lehˇ aˬ jeˬ˗euˬ aˇ yeˇ huiˬ˗eu gaˇ˗ahˇ haw˗awˇ siˬ laˇ˗eu nga?

      • Gaˇ heu˗ahˇ nawˇ jiˇ aˬ joˆ˗ehˇ gm leˇ nya˗eu nga?

      Nymˬ˗mˇ Miˬyehˇ Miˇkʼahˬ uˆ lahˇ luꞈ˗awˇ, gʼawˬ myahˇ maˬ gʼeh˗ehˇ miˇ tsaˬ heu siˬ˗ahˇ uˆ lahˇ˗eu meh. Heˬbyehˇ 10:24, 25-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • ‘Miˬyehˇ yaˇ kʼaˬ daˇ le˗eu aˇ nah dawˬ peh peh le˗euˬ siˬ luꞈ mawˇ luꞈ˗eu’ miˇ neh, aˬ dui aˬ jeˬ jahˇ paˬ˗ehˇ gʼeh nga?

      Aˇ baˇ: 1. Jaˇliꞈ dzaw zaˬ Yeˬhawˇbaˬ˗euˬ Saˇ kiˇ deuˬ˗euˬ mehˬ bawˬ˗ahˇ laˇ. 2. Jaˇliꞈ dzaw zaˬ teu gʼaˬ yehꞈ laˇ ngeh aˬ cawˬ˗ahˇ Jaˇliꞈ laꞈ kʼoeˇ˗euˬ gaˇ kawˆ ja nehˬ.

      Aˬ cawˬ˗euˬ gʼaˇ duˬ gaˇ dahˇ tsoeˬ˗awˇ aˬ cawˬ˗ahˇ ka kʼoꞈ nya˗eu jeˬ˗ahˇ siˬ nya taˬ naˇ, nawˇ aˬ joˆ˗ehˇ jahˇ de?

Aˬkaˬ sahˬ boꞈ paˇ dmˬ (2013-2025)
Doˆ iˇ˗eu
Ahˇ leˇ˗eu
  • Akha
  • Biˇ nehˬ˗eu
  • Toeˬ taˬ˗eu
  • Copyright © 2025 Watch Tower Bible and Tract Society of Pennsylvania
  • Zmˬ nya˗eu aˇ tiˆ
  • Yawˬ ha˗euˬ gaˇ kawˆ˗ahˇ haw lahˇ nehˬ˗eu jeˬ
  • Yawˬ ha-euˬ gaˇ kawˆ-ahˇ haw lahˇ-eu g'aˇ duˬ toeˬ taˬ-eu
  • JW.ORG
  • Ahˇ leˇ˗eu
Biˇ nehˬ˗eu