• Zahˇ kʼawꞈ deuˬ Miˬyehˇ˗euˬ tsawˇ myahˇ˗ahˇ laˆ cawˆ
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • 2. Zahˇ kʼawꞈ deuˬ neh mˇ˗euˬ jeˬ Miˬyehˇ˗euˬ tsawˇ myahˇ˗ahˇ aˬ joˆ˗ehˇ laˆ cawˆ˗eu nga?

      Zahˇ kʼawꞈ deuˬ tsawˇ haˬ deuˬ˗ahˇ Yeˬhawˇbaˬ mˇ˗eu loꞈ˗ehˇ maˬ mˇ nehˬ˗a. ‘Aˬ yawꞈ maꞈ˗euˬ iˬ baˇ mˬ˗ahˇ tuˆ˗eu’ meh lehˇ Jaˇliꞈ ehˇ˗eu meh. (Pah mehˬ˗eu 18:5) Zahˇ deuˬ miˇ kʼahˬ˗ahˇ uˆ lahˇ˗eu gaˇ kawˆ˗ahˇ maˬ ehˇ, guiˇ deuˆ gaˇ maˬ ehˇ, tsawˇ haˬ gʼawˬ mya ni˗ahˇ sehꞈ gaˇ maˬ ehˇ, taꞈ leˇ gm leˇ luꞈ˗eu yaw myaˬ yaˇ kʼoꞈ byah laˇ˗euˬ meh. Zahˇ˗euˬ aˬ yuiꞈ tiˬ deuˬ na˗aˬ, aˬ yawꞈ maꞈ˗euˬ zaˬ lahˇ deuˬ˗ahˇ pyuˇ taꞈ taꞈ˗ehˇ saˇ lehˆ ni dehꞈ˗eu meh. Aˬ yawꞈ maꞈ neh mˇ˗euˬ jeˬ teu naˇ, Miˬyehˇ˗euˬ tsawˇ myahˇ˗ahˇ laˆ cawˆ˗eu uˬ taꞈ, aˬ yawꞈ maꞈ Miˬyehˇ˗ahˇ tiˬ pawꞈ˗iˬ maˬ siˬ nya˗eu lehˇ siˬ laˇ˗eu meh.—1 Yoˇhaˬ 4:8-ahˇ gui.

  • Aˬ myah luꞈ Yeˬhawˇbaˬ˗ahˇ saˇ jaˇ ziꞈ
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw

    • Biˬdiˬoˬ pah.

      Biˬdiˬoˬ: Huiˬ dui dui˗eu Baˬbuˇloˬ˗ahˇ neh doˆ le (5:06)

      ‘Huiˬ dui dui˗eu Baˬbuˇloˬ˗ahˇ neh doˆ le’ lehˇ ehˇ˗eu biˬdiˬoˬ laꞈ kʼoeˇ˗euˬ aˇ baˇ tiˬ baˇ na. Jaˇliꞈ dzaw zaˬ tiˬ gʼaˬ uˬ duˬ tahˬ nymˇ˗ahˇ aˬ yawꞈ mˇ luꞈ˗eu gaˇ˗ahˇ neh iˇ doˆ.

      Luˇkaꞈ 4:8 hawˇ˗eu Pah mehˬ˗eu 18:4, 5-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

      • Nawˇ zahˇ kʼawꞈ laꞈ kʼoeˇ tsawˇ myahˇ ahˇ luꞈ de siˬ laˬ?

      • Nawˇ zahˇ kʼawꞈ˗ahˇ taꞈ˗eu aˇ maꞈ aˇ muˇ laꞈ kʼoeˇ jaˇ laˇ ahˇ luꞈ de siˬ loˇ?

      • Nawˇ mˇ luꞈ˗eu gaˇ teu zahˇ kʼawꞈ˗ahˇ gʼaˬ biꞈ˗eu jeˬ pyeuꞈ ngaˇ laˬ?

      • Zahˇ kʼawꞈ nehˬ˗ehˇ taꞈ leˇ˗awˇ nawˇ byehˇ paˬ˗ehˇ gʼeh˗eu nui jeˬ paˇ jaˆ nga siˬ laˬ?

      • Heu gaˇ naˇ haˬ laꞈ˗euˬ heu laꞈ kʼoeˇ neh tiˬ kawˆ na yawˬ ha˗ahˇ taꞈ miˇ˗a lehˇ siˬ laˇ naˇ, aˬ jeˬ jahˇ paˬ˗ehˇ gʼeh˗eu nga?

      Nawˇ yawˬ ha laꞈ kʼoeˇ laˆ paˇ paˬ˗ehˇ gʼeh˗eu tiˬ jeˬ na˗ahˇ ya mawˇ naˇ, yawˬ ha˗euˬ siˬ nya˗eu nui ma shawˇ˗eu jeˬ˗ehˇ hawˇ˗eu, Yeˬhawˇbaˬ˗ahˇ saˇ jaˇ ziꞈ˗eu lehˇ bi mawˇ˗eu jeˬ˗ehˇ noeˬ tsehˆ˗awˬ.

      Mehˇ nmˇ aˬ ma tiˬ gʼaˬ aˬ yawꞈ˗euˬ aˬ li sheuˬ˗awˇ ciˬ daˬ daˬ ma˗ahˇ neh doˆ le luꞈ. Aˬ nyaꞈ ma zaˬ uˬ duˬ tahˬ nymˇ˗euˬ gʼaˇ duˬ pyuˇ daˬ shaˇ˗eu zaˬ miˬ aˬ buˇ tiˬ gʼaˬ˗ahˇ haw˗awˇ cah tsehˆ.

      Zahˇ nui deuˬ pyuˇ damˬ shaˇ laˇ ngeh nawˇ aˬ joˆ˗ehˇ jahˇ de?

      Tiˬ gʼaˬ na ehˇ˗eu: “Miˬyehˇ˗ahˇ saˇ jaˇ puiˬ˗euˬ deuˬ Yeˬhawˇbaˬ˗euˬ Saˇ kiˇ˗ahˇ aˬ joˆ˗ehˇ ja bu˗eu lehˇ maˬ siˬ nya gaˇ, yawˬ ha˗euˬ nui jah˗ahˇ aˬ joˆ˗ehˇ haw piˇ nya nmˇ.”