Poˆ laˇ paˇ laˇ ngeh, nui jah ziꞈ˗eu jeˬ hawˇ˗eu leh jeh˗eu jeˬ taˬ bi byoˆ iˇ

Poˆ laˇ paˇ laˇ˗eu jeˬ heu naˇ aˬ dui maˬ yahˇ pawˇ nya˗eu jeˬ pyeuꞈ˗eu meh. Aˇ saˬ saˬ˗eu saˇ ka˗ahˇ ngehˇ dzehˬ meh. (1Gawˇ 7:31) Aˬ dui maˬ noeˬ gaˇ muiˬ˗eu paw maˬ ehˇ, maˬ muiˬ˗eu pawˬ maˬ ehˇ, poˆ laˇ paˇ laˇ˗eu jeˬ heu naˇ, Yeˬhawˇbaˬ˗ahˇ uˬ duˬ tahˬ˗eu jeˬ hawˇ˗eu aˬ yawꞈ nehˬ˗ehˇ cawˬ cawˬ˗eu jeˬ nehˬ˗ehˇ taꞈ˗eu meh. Poˆ laˇ paˇ laˇ ngeh nui jah paw yaw zoˇ zoˇ lehˇ gʼeh˗awˇ, leh jeh daˆ leꞈ nya ni caw ba nehˬ˗eu aˬ jeˬ nga? Pawˇ iˇ ngeh nui jah˗ahˇ laˆ saˆ taˬ lehˇ kuˇ˗eu biˬdiˬoˬ˗ahˇ haw. Kʼoeˇ naˇ,naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• Mehˇ nmˇ aˬ li tiˬ gʼaˬ aˬ yawꞈ˗euˬ aˬ da˗ahˇ aˬ jeˬ nui noeˬ nui duˇ biꞈ nehˬ˗euˬ nga?

• Maꞈtehˬ 7:25 laꞈ kʼoeˇ˗euˬ zahˇ dawˬ heu, nymˇ jiˇ laꞈ kʼoeˇ aˬ joˆ˗ehˇ zmˬ nya˗eu nga?

• Pawˇ iˇ˗eu gʼaˇ duˬ aˬ yawꞈ pehˬ zaˬ maˬ keuˆ laˇ mi na˗ehˇ aˬ joˆ˗ehˇ lehˬ hmˬ˗awˇ, teu aˬ yawꞈ pehˬ zaˬ˗ahˇ aˬ joˆ˗ehˇ caw ba˗euˬ nga?

• Aˇ muˇ hawˇ˗eu tsaꞈ gaˬ duˬ yaw shuiꞈ˗ahˇ jawˇ iˇ ngeh aˬ yawꞈ pehˬ zaˬ˗ahˇ daˬ laˇ ni caw ba nehˬ˗euˬ aˬ jeˬ nga?

Maˬ myahˇ laˇ˗euˬ heu kaˬ˗ahˇ ngaˬ neh ya tahˬ puˬ˗euˬ huiˬ˗eu poˆ laˇ paˇ laˇ˗euˬ jeˬ:

Biˬdiˬoˬ heu laꞈ kʼoeˇ neh ya dzaw˗euˬ jeˬ, ngaˇ aˬ joˆ˗ehˇ zmˬ iˇ nya˗eu nga?