Dzaw deuˆ 6

Jaˇliꞈ aˇ deuˆ˗ahˇ yaw muiˬ˗ehˇ dzawˇ nehˬ

Yoˇhaˬ 10:33-36

Aˇ yeˇ huiˬ˗eu jeˬ: Jaˇliꞈ gui gʼaˬ˗awˇ neh tehꞈ˗ehˇ iˇ˗eu taˬ tehˬ. Gui˗euˬ Jaˇliꞈ aˇ deuˆ aˬ dui mehˬ luꞈ˗eu jeˬ nehˬ˗ehˇ aˬ joˆ˗ehˇ taꞈ˗eu lehˇ naˇ haˬ luꞈ˗eu deuˬ˗ahˇ yaw muiˬ˗ehˇ gʼoˆ shaw leˇ ni caw ba nehˬ.

Mˇ paˬ˗ehˇ gʼeh˗eu jeˬ:

Aˇ yeˇ huiˬ˗eu dawˬ˗ahˇ yaw kʼaˆ˗ehˇ ngehˬ keuˆ. Jaˇliꞈ aˇ deuˆ gui gʼaˬ naˇ, aˬ dui mehˬ luꞈ˗eu gaˇ kawˆ nehˬ˗ehˇ taꞈ˗euˬ dawˬ˗ahˇ yaw kʼaˆ˗ehˇ ya ngehˬ keuˆ. Toˆ˗ehˇ jahˇ˗eu gʼaˇ duˬ, dawˬ teu dawˬ˗ahˇ tiˬ poˆ paˇ ngehˬ poˆ, maˬ ngeuˇ naˇ aˇ yeˇ huiˬ˗eu dawˬ aˬ geu dawˬ nga lehˇ naˇ haˬ luꞈ˗eu deuˬ˗ahˇ bi siˬ˗eu gʼaˇ duˬ, tiˬ jeˬ paˬ naˇ haˬ.

Jaˇliꞈ aˇ deuˆ laꞈ kʼoeˇ maˬ ahˇ˗eu dawˬ˗ahˇ zmˬ naˇ kʼawꞈ, aˬ dui mehˬ luꞈ˗eu gaˇ kawˆ hawˇ˗eu Jaˇliꞈ teu deuˆ aˬ joˆ˗ehˇ taꞈ nga lehˇ naˇ haˬ luꞈ˗eu deuˬ˗ahˇ gʼoˆ shaw leˇ ni ya caw ba nehˬ.
Aˇ yeˇ huiˬ˗eu tsahˇ˗ahˇ yaw kʼaˆ˗ehˇ ngehˬ keuˆ. Gaˇ kawˆ tiˬ jeˬ˗ahˇ ja mehˬ nehˬ˗eu gʼaˇ duˬ Jaˇliꞈ aˇ deuˆ gui naˇ, Jaˇliꞈ teu deuˆ laꞈ kʼoeˇ˗euˬ aˇ yeˇ huiˬ˗eu dawˬ teu dawˬ gaˇ kawˆ˗ahˇ aˬ joˆ˗ehˇ taꞈ˗eu nga lehˇ ya dzawˇ nehˬ.

Jaˇliꞈ aˇ deuˆ˗ahˇ ja sawˇ ngeh, Jaˇliꞈ pahˬ taˬ. Teu naˇ, naˇ haˬ luꞈ˗eu deuˬ˗ahˇ aˬ dui ja sawˇ˗eu gaˇ kawˆ hawˇ˗eu Jaˇliꞈ teu deuˆ aˬ joˆ˗ehˇ taꞈ nga lehˇ mawˇ leˇ ni caw ba nehˬ.
Jaˇliꞈ aˇ deuˆ˗ahˇ yaw awˬ awˬ lehˇ dzawˇ nehˬ. Aˬ dui mehˬ˗eu aˇ yeˇ huiˬ˗eu jeˬ nehˬ˗ehˇ maˬ taꞈ˗eu tsahˇ˗ahˇ taˬ ngehˬ. Naˇ haˬ luꞈ˗eu deuˬ aˬ jeˬ˗ahˇ siˬ nya dzeuˇ˗euˬ nga lehˇ shaˇ noeˬ. Kʼoeˇ naˇ, aˬ yawꞈ maꞈ yaw muiˬ˗ehˇ bi gʼoˆ shaw˗eu gʼaˇ duˬ, aˇ yeˇ huiˬ˗eu tsahˇ˗ahˇ tehꞈ˗ehˇ mehˬ nehˬ.