Dawˬ caˇ 46
Aˬ dui Yeˬhawˇbaˬ˗ahˇ guiˬ lahˬ huiˬ
(1 Teˇsaˬloˇni 5:18)
1. Yawˬ nah yawˬ miˇ na Yeˬhawˇbaˬ˗ahˇ guiˬ lahˬ huiˬ.
Nawˬ euˬ poeˬ yaw shehꞈ nga maꞈ ahˇ bya nehˬ˗euˬ.
Guiˬ lahˬ ya shaˇ eu nawˬ ahˇ guiˬ lahˬ huiˬ ma.
Nawˬ ahˇ nga maꞈ euˬ noeˬ shaˬ jeˬ ehˇ nya˗eu.
2. Zaˬmaˇ biꞈ gʼaˇ duˬ Yeˬhawˇbaˬ˗ahˇ guiˬ lahˬ huiˬ.
Zaˬmaˇ ziꞈ miˇ neh gʼaˬ leˇ meh miˇ tsaˬ˗ahˇ.
Nawˇ noeˬ taˬ euˬ loꞈ˗ehˇ ya mˇ eu guiˬ lahˬ huiˬ.
Nga maꞈ ehˇ taˬ loꞈ˗ehˇ dehꞈ nya ni caw ba.
3. Bi tsaꞈ gaˬ iˇ laꞈ˗euˬ Miˬyehˇ ahˇ guiˬ lahˬ huiˬ.
Tsaˬ eu jeˬ hawˇ eu nawˬ˗euˬ tsawˇ myahˇ ya mehˬ.
Maˬ muiˬ haiˬ miˇ kʼahˬ byoˆ iˇ miˇ guiˬ lahˬ huiˬ.
Miˬyehˇ Miˇkʼahˬ euˬ guiˬ lahˬ jaˆ gʼeh meh.
(Ceuˬ. 50:14; 95:2; 147:7; Sehˇ. 3:15-ahˇ haw.)