Dzaw deuˆ 1

Muiˬ˗eu aˇ dahˬ beh˗eu dawˬ

Gʼaˬkʼehˇ 17:22

Aˇ yeˇ huiˬ˗eu jeˬ: Aˬ dui neh ngehˬ dahˬ beh˗eu dawˬ, naˇ haˬ luꞈ˗eu deuˬ˗euˬ nui ma˗ahˇ laˆ noeˬ˗eu jeˬ ya bi pyeuꞈ˗awˇ, aˬ dui aˬ jeˬ˗euˬ gaˇ kawˆ˗ahˇ ngehˬ luꞈ˗eu lehˇ ya bi gʼoˆ siˬ leˇ˗eu uˬ taꞈ, aˬ yawꞈ maꞈ aˬ jeˬ miˇ neh gaˇ kawˆ teu˗ahˇ siˬ nya paˬ˗ehˇ gʼeh˗eu nga lehˇ jiˇ bi siˬ.

Mˇ paˬ˗ehˇ gʼeh˗eu jeˬ:

Nui ma˗ahˇ laˆ noeˬ. Naˇ haˬ luꞈ˗eu deuˬ siˬ nya mawꞈ˗eu gaˇ kawˆ neh ngehˬ dahˬ beh. Yaw jeˬ ma jeˬ, aˬ yawꞈ˗ahˇ tiˬ jeˬ na naˇ haˬ, maˬ ngeuˇ naˇ dawˬ daˬ hawˇ˗eu puˬ haw mawˇ haw laꞈ˗euˬ jeˬ˗ahˇ ngehˬ keuˆ.

Naˇ haˬ luꞈ˗eu deuˬ aˬ jeˬ˗euˬ gaˇ kawˆ˗ahˇ siˬ nya mawꞈ˗awˇ, aˬ jeˬ˗euˬ gaˇ kawˆ˗ahˇ kʼahˬ lahˇ˗eu lehˇ, jeˬ hu yaw muiˬ˗ehˇ shaˇ noeˬ taˬ˗awˇ, gaˇ kawˆ teu nehˬ˗ehˇ tsaˬ leˇ ni ngehˬ dahˬ beh.
Aˬ jeˬ˗euˬ gaˇ kawˆ˗ahˇ ngehˬ luꞈ˗eu lehˇ bi gʼoˆ siˬ. Naˇ haˬ luꞈ˗eu deuˬ˗ahˇ aˬ dui aˬ jeˬ˗euˬ gaˇ kawˆ˗ahˇ ngehˬ luꞈ˗awˇ, aˇ yeˇ huiˬ˗eu jeˬ aˬ geu tsahˇ nga lehˇ bi siˬ.
Gaˇ kawˆ teu aˬ jeˬ miˇ neh aˇ yeˇ huiˬ˗eu lehˇ bi siˬ. Aˬ dui naˇ haˬ luꞈ˗eu deuˬ˗ahˇ gaˇ dahˇ tsoeˬ leˇ paˬ˗ehˇ ngehˬ˗awˇ, gaˇ kawˆ teu aˬ yawꞈ maꞈ aˬ joˆ˗ehˇ zmˬ iˇ nya nga lehˇ mehˬ nehˬ.

Dawˬ mehˬ mehˬ˗eu gaˇ kawˆ lehˬ hmˬ ngeh, ‘Ngaˬ˗euˬ aˇ muˇ laꞈ kʼoeˇ jawˇ˗eu mehˇ nmˇ deuˬ aˬ jeˬ˗euˬ gaˇ kawˆ˗ahˇ tahˬ puˬ luꞈ˗eu nga?’ lehˇ shaˇ noeˬ˗awˇ, aˬ yawꞈ maꞈ loˬ˗eu gaˇ kawˆ˗ahˇ taꞈ˗eu jeˬ neh ngehˬ dahˬ beh.