“Tsawˇ haˬ dawˬ tawˆ luꞈ, dawˬ tiˬ jeˬ tehꞈ˗ehˇ ngehˬ”

11:1-4, 6-9

Baˬbuˇloˬ miˇ kʼahˬ˗ahˇ˗euˬ tsawˇ haˬ deuˬ ehˇ dawˬ maˬ naˇ haˬ˗eu miˇ neh, Yeˬhawˇbaˬ aˬ yawꞈ maꞈ˗euˬ dawˬ˗ahˇ laˆ bahˬ laˆ baˆ nehˬ˗awˇ, bi jawˇ byaˆ iˇ jiˇ˗euˬ meh. Nymˬ˗mˇ iˬ nah Miˬyehˇ tsawˇ jeuˬ tsawˇ ca dawˬ tawˆ luꞈ˗ahˇ neh laˇ˗euˬ tsawˇ haˬ aˇ maꞈ maꞈ ma˗ahˇ laˆ uiˬ˗awˇ, “Yeˬhawˇbaˬ˗euˬ tsawˇ myahˇ˗ahˇ kuˇ˗awˇ aˬ yawꞈ˗euˬ gaˇ tiˬ kawˆ loꞈ˗ehˇ mˇ˗eu” gʼaˇ duˬ, “muiˬ˗eu shawˇ˗eu dawˬ” bi ngehˬ˗euˬ meh. (Zeˬpaˬniˇ 3:9, Miˇ shuiꞈ dawˬ paˇ Jaˇliꞈ; Pah mehˬ˗eu 7:9) “Muiˬ˗eu shawˇ˗eu dawˬ” heu naˇ, Jaˇliꞈ laꞈ kʼoeˇ ahˇ˗eu maˇ maˇ ni gʼeh˗eu Yeˬhawˇbaˬ nehˬ˗ehˇ taꞈ˗eu jeˬ hawˇ˗eu, aˬ yawꞈ neh noeˬ taˬ˗euˬ jeˬ˗ahˇ ehˇ mawꞈ˗eu meh.

Dawˬ yaw shuiꞈ dzaw˗eu heu naˇ, dawˬ deuˬ˗ahˇ tehꞈ˗ehˇ noeˬ taˬ gaˇ ehˇ mawꞈ˗eu maˬ ngeuˇ˗a. Noeˬ jeˬ noeˬ kawˆ yaw shuiꞈ ya dzaw gaˇ jiˇ ehˇ mawꞈ˗eu meh. Teu gaˇ duˇ ni aˬ dui Jaˇliꞈ laꞈ kʼoeˇ ahˇ˗eu maˇ maˇ ni gʼeh˗eu jeˬ pyeuꞈ˗eu muiˬ˗eu shawˇ˗eu dawˬ dzaw˗eu ngeh jiˇ, aˬ dui˗euˬ nui noeˬ ya laˆ paˇ˗eu meh. (Loˇmaˆ 12:2) Heu naˇ miˇ kʼahˬ doe ni jawˇ˗eu mehˇ nmˇ deuˬ nehˬ˗ehˇ nui ma tiˬ siˬ tehꞈ˗ehˇ taꞈ ni caw ba nehˬ˗eu, aˬ dui ya mˇ daˆ leꞈ˗eu jeˬ pyeuꞈ meh.—1 Gawˇliˬtu 1:10.