Jaˇliꞈ laꞈ kʼoeˇ˗euˬ poeˬ˗eu zaˬ siˬ nui gahˇ | Uˬduˬtahˬ˗eu 12-13
Coiˬ doi naˇ˗eu zahˇ sahˇ kʼoꞈ˗ahˇ neh dzaw geuꞈ
Coiˬ doi naˇ˗eu naˇ gawˇ nehˬ˗ehˇ taꞈ˗eu zahˇ sahˇ kʼoꞈ˗euˬ naˇ kʼahˬ jaˆ˗eu Jaˇliꞈ zahˇ heu naˇ, aˬ dui hawˇ˗eu Yeˬhawˇbaˬ cawˬ cawˬ˗eu jeˬ˗ahˇ haw piˇ˗eu gaˇ kawˆ nehˬ˗ehˇ taꞈ leˇ˗awˇ, aˬ dui˗ahˇ aˬ jeˬ mehˬ˗eu nga?
Yeˬhawˇbaˬ piˇ ma deuˬ˗ahˇ coiˬ doi naˇ gawˇ˗ahˇ kawˇ maˇ˗ehˇ pyehˆ tseˇ nya ni mehˬ nehˬ˗eu meh. Aˇ muˇ˗ahˇ sheuˬ gʼeh˗eu deuˬ caw ba˗eu jeˬ loˬ˗eu deuˬ Yeˬhawˇbaˬ nehˬ˗ehˇ gʼoeˇ˗eu gʼaˇ duˬ kawˇ maˇ˗ehˇ ya caw ba˗eu meh.—Yaˬkoˆ 5:14, 15
Iˇsaˬleˬlaˆ deuˬ naˇ gawˇ maˬ bi iˇ byaˆ gʼeh˗eu gʼaˇ duˬ, coiˬ doi naˇ gawˇ nyawˬ iˇ nya˗eu myawˬ gahˬ dawˬ tawˆ luꞈ˗ahˇ ya keuˬ dzeh jiˇ˗eu meh. Ka li zaˬ deuˬ jiˇ ni aˬ yawꞈ maꞈ˗euˬ mehˬ shi aˇ poeˬ baw˗eu jeˬ kʼawꞈ, aˬ yawꞈ maꞈ˗ahˇ iˬ baˇ bi mˇ paˬ˗ehˇ gʼeh˗eu jeˬ pyeuꞈ naˇ, nui ma keuˆ˗eu laꞈ kʼoeˇ ya biˬ dzeh˗eu meh. (Maꞈtehˬ 18:8, 9) Heu naˇ mˇ jeˬ shaˇ kawˆ tiˬ jeˬ na˗ahˇ maˬ ehˇ, cawˬ cawˬ taꞈ˗eu jeˬ˗ahˇ maˬ ehˇ, byawˬ gʼa mo gʼa˗eu jeˬ˗ahˇ maˬ ehˇ, ehˇ keuˆ mawꞈ˗eu meh
Ka li zaˬ deuˬ Yeˬhawˇbaˬ neh bi caw ba mawꞈ˗eu lehˇ aˬ joˆ˗ehˇ mˇ mawˇ nya˗eu nga?