Aˬ cawˬ˗ahˇ noeˬ keuˆ˗awˇ lmˇ boˬ ni ngehˬ

1 Teˇsaˬloˇni 2:7, 8

Aˇ yeˇ huiˬ˗eu jeˬ: Naˇ haˬ luꞈ˗eu deuˬ˗ahˇ aˬ dui aˬ yawꞈ maꞈ˗ahˇ maˇ diˇ gaˬ˗awˇ ngehˬ gʼeh nehˬ mawꞈ˗eu lehˇ bi siˬ.

Mˇ paˬ˗ehˇ gʼeh˗eu jeˬ:

• Naˇ haˬ luꞈ˗eu deuˬ˗ahˇ noeˬ keuˆ. Aˬ dui lehˬ hmˬ ngeh, aˬ yawꞈ maꞈ˗euˬ shaˬ zahˬ hawˇ˗eu nui ma aˬ joˆ˗ehˇ pyeuꞈ luꞈ nga lehˇ shaˇ noeˬ nehˬ.

• Dawˬ muiˬ tseˇ. Naˇ haˬ luꞈ˗eu deuˬ˗ahˇ shiˬ keuˇ ni gʼeh leˇ˗eu, nui ma saˇ leˇ˗eu, gʼaˬ za leˇ˗eu dawˬ˗ahˇ tseˇ. Aˬ yawꞈ maꞈ˗ahˇ nui ma daˆ leˇ˗eu dawˬ maˬ ehˇ, Yeˬhawˇbaˬ˗ahˇ maˬ jah˗eu deuˬ˗ahˇ haw teˬ˗eu dawˬ maˬ ehˇ taˬ ngehˬ.

• Ngehˬ gʼeh˗eu lehˇ bi siˬ. Naˇ haˬ luꞈ˗eu deuˬ˗ahˇ aˬ dui aˬ yawꞈ maꞈ˗ahˇ maˇ diˇ nui ma ahˇ˗eu lehˇ bi siˬ˗eu gʼaˇ duˬ, nahˬ yu ni gʼeh˗eu teˇ saˇ˗ahˇ zmˬ˗awˇ, myaˆ pyawˬ hawˇ˗eu luˆ jeˬ luˆ kawˆ haw muiˬ ni bi mawˇ. Tiˬ kʼehˬ maˬ taˬ uiˇ cawˬ.