Aˇ tsehˆ 9

Miˇ tsaˬ kʼoeˇ taˆ Eˬdeˬ yaˇ kmˇ loꞈ˗ehˇ aˬ myah pyeuꞈ laˇ˗a?

Gaˇ kawˆ heu gaˇ jaˆ luꞈ˗eu deuˬ gʼawˬ myahˇ maˬ geh˗ehˇ Miˬ yehˇ uˆ lahˇ˗eu miˇ kʼahˬ keuˆ le meh lehˇ byaˬ nehˬ˗eu meh. Luˇkaꞈ 21:10, 11; 2 Tiˆmoˇseˬ 3:1-5

Aˇ saˬ saˬ-eu aˇ nah aˇ yamˬ laꞈ k’oeˇ paiˬ daˬ-eu, guiˇ deuˆ-eu, naˇ-eu gawˇ-eu jeˬ, mehꞈ-eu shuꞈ-eu jeˬ, aˬ da aˬ ma ehˇ dawˬ maˬ naˇ haˬ-eu, nymˇ jiˇ laꞈ k’oeˇ k’ehˬ-eu k’aˆ-eu, heu deuˬ-ahˇ aˬ myah luꞈ ya mawˇ

Kʼoeˇ ngeh ba neh Jaˇ liꞈ laꞈ kʼoeˇ ehˇ taˬ˗eu gaˇ kawˆ gʼawˬ mya jeˬ nymˬ˗mˇ pyeuꞈ laˇ luꞈ meh. Jaˇ liꞈ laꞈ kʼoeˇ ehˇ˗eu tsawˇ haˬ zaˬ pyuˇ shuiˇ˗ahˇ gaˬ˗awˇ, aˬ da aˬ ma ehˇ dawˬ maˬ naˇ haˬ˗eu, byawˬ gʼa mo gʼa˗eu, haiˬ dui dui˗eu tsawˇ haˬ tehꞈ˗ehˇ pyeuꞈ laˇ luꞈ meh.

Miˇ luˆ luˆ˗eu, guiˇ deuˆ˗eu, tsawˇ shiˇ naˇ gawˇ deuˬ, mehꞈ˗eu shuꞈ˗eu gaˇ kawˆ heu deuˬ, yawˬ nah na pyeuꞈ laˇ luꞈ meh.

Yeˬhawˇbaˬ-euˬ Saˇ kiˇ tiˬ g’aˬ, zaˬ yo aˬ li tiˬ g’aˬ-ahˇ Miˬyehˇ-euˬ Miˇk’ahˬ gaˇ kawˆ tsaꞈ gaˬ luꞈ

Kʼoeˇ naˇ Miˬ yehˇ uˆ lahˇ˗eu jeˬ˗ahˇ taˬ˗eu, laˬ kʼaˬ cehˇ˗eu gaˇ kawˆ miˇ kahˬ doe ni tsaꞈ gaˬ iˇ tehꞈ˗a lehˇ Yeˬsuˇ neh ehˇ taˬ˗eu meh.—Maꞈtehˬ 24:14.

Miˬ yehˇ uˆ lahˇ jeˬ keuˆ le ngeh maˬ muiˬ˗eu jeˬ dawˬ tawˆ luꞈ laˆ cawˆ jiˇ meh. 2 Beˬtuˆluˆ 3:13

Maˬ muiˬ-eu tsawˇ haˬ deuˬ Aˬmaˬgeˬdoˬ-ahˇ bi laˆ cawˆ jiˇ, Saˬdaˬ hawˇ-eu aˬ yawꞈ pyawˬ-eu deuˬ-ahˇ yaˇ k’aˬ daˇ nehˬ

Gʼawˬ myahˇ maˬ gʼeh˗ehˇ Yeˬhawˇbaˬ maˬ muiˬ˗eu tsawˇ haˬ˗ahˇ la cawˆ jiˇ meh.

Saˬdaˬ hawˇ˗eu aˬ yawꞈ maꞈ aˇ muˇ dawˬ tawˆ luꞈ˗ahˇ la cawˆ jiˇ meh.

Yeˬsuˇ mˬ k’oeˇ taˆ-ahˇ aˬ yawꞈ-euˬ dzoeˬ dzaˬ nahˇ mahˬ-ahˇ nuiˇ luꞈ. Tsawˇ jeuˬ tsawˇ ca dawˬ tawˆ luꞈ laˬ k’aˬ cehˇ

Miˬ yehˇ˗ahˇ jah˗eu tsawˇ haˬ deuˬ buˬ iˇ law iˇ˗awˇ, Eˬdeˬ yaˇ kmˇ loꞈ˗ehˇ gʼeh gaˇ ya jawˇ˗eu meh, kʼoeˇ gaˇ˗aˬ tiˬ jeˬ guˆ˗eu jeˬ maˬ jaˆ, yawˬ gʼaˬ na luꞈ˗ahˇ nui ma taˬ nya meh.