Nui gaˬ heu maˇ diˇ Ka li zaˬ pyeuꞈ˗eu lehˇ siˬ laˇ—Nui ma tiˬ siˬ tehꞈ˗ehˇ taˬ˗eu jeˬ˗ahˇ laˆ saˆ taˬ

Aˬ jeˬ miˇ neh aˇ yeˇ huiˬ˗eu nga?: Yeˬsuˇ shiˇ˗eu maˬ keuˆ laˇ ngeh miˇ, aˬ yawꞈ˗euˬ gʼaˬ kʼehˇ deuˬ “nui ma gʼawˇ mawˇ taꞈ” luˬ˗uˇ lehˇ guiˬ lahˬ shaˇ˗euˬ meh. (Yoˇ 17:23) Aˬ dui nui ma tiˬ siˬ tehꞈ˗ehˇ taˬ˗eu jeˬ˗ahˇ bo saˆ˗eu gʼaˇ duˬ, “nui ma laˆ naˇ laˇ˗eu gaˇ kawˆ˗ahˇ maˬ noeˬ taˬ”˗eu nui gaˬ ya mˇ mawˇ˗eu meh.—1Gawˇ 13:5, MS.

Mˇ paˬ˗ehˇ gʼeh˗eu jeˬ:

• Yeˬhawˇbaˬ˗ahˇ dzaw geuꞈ˗eu laꞈ kʼoeˇ aˬ cawˬ˗euˬ yaw muiˬ jeˬ˗ahˇ haw

• Nui ma jeˇ lo ni iˬ baˇ pyehˬ

• Gaˇ kawˆ laˆ tsaˬ dzeuˇ gʼaˬ naˇ, taˬ paˇ dzaˬ poˆ.—Dawˬ 17:9

“Naw maꞈ tiˬ gʼaˬ tiˇ gʼaˬ gaˬ”—Nui ma laˆ naˇ laˇ˗eu gaˇ kawˆ˗ahˇ taˬ noeˬ taˬ lehˇ ehˇ˗eu biˬdiˬoˬ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ˗ahˇ dawˬ kʼoꞈ biꞈ:

• Biˬdiˬoˬ dahˬ beh˗eu tsehˆ˗ahˇ haw ngeh, Hehˇleˬ “nui ma laˆ naˇ laˇ˗eu gaˇ kawˆ˗ahˇ” noeˬ taˬ˗euˬ lehˇ aˬ joˆ˗ehˇ mˇ mawˇ˗eu nga?

• Biˬdiˬoˬ nyiꞈ tsehˆ aˬ yawꞈ tsehˆ˗ahˇ haw ngeh, Hehˇleˬ maˬ muiˬ˗eu nui noeˬ˗ahˇ gʼaˬ leˇ˗awˇ, yaw muiˬ paw shaˇ noeˬ˗eu lehˇ aˬ joˆ˗ehˇ leh jeh˗eu nga?

• Uˬ duˬ duˬ leˇ ngeh, Hehˇleˬ aˇ muˇ laꞈ kʼoeˇ nui ma taꞈ˗eu jeˬ bi lahˬ laˇ ni aˬ joˆ˗ehˇ jahˇ˗euˬ nga?