“Na bubu edao koɖo enɔo”

Hwecinu yí Yesu va nyigban jiɔ, étɛ gbe do ese ci yí nu mɔ: “Èɖo ana bubu edao koɖo enɔo” ji. (Hun 20:12; Mt 15:4) Yesu vo faa yí xo nuxu lɔ koɖo kankandoji, ɖo “éyi ji yí ɖo to” yi jilawo hwecinu enyi jajɛ. (Lk 2:51; nwt, gɔnmɛnuŋwlɛnŋwlɛn) Ci yí evashin ɔ, éwa enu ɖeshiaɖe nɔ woale be nɔ enɔlɔ nywiɖe le yi ku godu.​—Ӡan 19:26, 27.

Le mìwo hwenu can ɔ, jajɛ Kristotɔ ciwo yí senɔ tonu nɔ wowo jilawo yí xonɔ nuxu nɔ wo koɖo shishiɔ, dasɛ mɔ yewobunɔ wo. Le nyɔnɔnwi mɛɔ, ese ci yí mɔ mìwo le bu mìwo jilawo deɖo sɛnxu o. Nɔ mìwo jilawo shin can ɔ, mìɖo akpɔtɔ abunɔ wo keŋ yí akpɔnɔ nyɔna so wowo nunya mɛ. (Elo 23:22) Mìagbedonɔ bubu mìwo jila shinshinwo nu, nɔ mìlenɔ be nɔ wo le seselelanmɛ koɖo le eho kpaxwe. (1Tim 5:8) Nɔ mìnyi jajɛ alo mɛganxoxu can ɔ, emɔ vevi ɖeka ci ji mìato adonɔ bubu mìwo jilawo nu yí nyi mɔ mìakpɔtɔ axonɔ nuxu koɖo wo.

KPƆ ENUTATA VIDEO CI YI NYÍ LÉ NATƐNŊ AXO NUXU KOÐO ANYI JILAWO DOƆ? KEŊ ANA ÐOŊCI NƆ ENYƆBIƆSE CƐWO:

• Nyi yí taɖo àtɛnŋ akpɔɛ mɔ nuxuxoxo koɖo ye jilawo anyi enu gbɔnnuɔ?

• Lé àtɛnŋ ado bubu ao jilawo nu do nɔ èxokɔ nuxu nɔ woɔ?

  

• Nyi yí taɖo nuxuxoxo koɖo ao jilawo ӡan agblajejeɔ? (Elo 15:22)